Hechos 5:14 - Quiché Bible

¹⁴ Xeq'uiyir ri cajilabal ri winak ri xecojon che ri Ajawaxel, chi achijab chi ixokib.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Amaqꞌel e kꞌi achyabꞌ xuqujeꞌ ixoqibꞌ xekojonik che ri Ajawxel Jesús.

K'iche'

¹⁴ E q'uia c'u ri xecojon che ri Kajaw Jesús, chi achijab chi ixokib, je ri' chi sibalaj xeq'uiar ri cojonelab.

K'iche' (New Orthography)

¹⁴ E k'ia k'u ri xekojon che ri Qajaw Jesús, chi achijab' chi ixoqib', je ri' chi sib'alaj xek'iar ri kojonelab'.

Hechos 5:14 Referans Kwoze

Hechos 2:47

Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Hechos 22:4

Xinban c'ax chque ri winak re ri C'ac' Be c'ä pa ri qui cämisaxic. Xebenyutu, xebenjach pa tak che', chi achijab chi ixokib.

Hechos 9:42

Xetamax c'u wa' pa ronojel ri tinimit Jop. E q'ui xecojon che ri Ajawaxel.

Hechos 9:35

Conojel ri aj Lid cuc' conojel ri aj Saron xquil ri Eney. Xquiya' c'u can ri ojer tak qui cojonic, xecojon che ri Ajawaxel.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Hechos 9:2

Xebuta' wuj chque ri k'atbal tak tzij rech cabe pa tak ri ja ri caquitijoj wi quib ri aj judeyib ri e c'o pa Damasc, che qui tzucuxic ri quitakem ri C'ac' Be, chi achijab chi ixokib, yutuyuj ta c'ut quebuc'am ta ulok pa Jerusalen.

Hechos 8:12

Aretak c'u xecojon chque ri e utzalaj tak tzijol rech ri rajawibal ri Dios xukuje' ri rech ri Jesucrist ri xebutzijoj ri Pelip chque, xban c'ut ri qui bautism ri achijab xukuje' ri ixokib.

Hechos 8:3

Are c'u ri Sawl cutuquij ri comon cojonelab, coc pa tak ja. Quebucharchatej bic ri cojonelab chi achijab chi ixokib, quebucojo c'u can pa che'.

Hechos 6:7

Cätajin cäq'uiy ri u tzij ri Dios, ri cojonelab sibalaj queq'uiyir pa Jerusalen. Xukuje' sibalaj e q'ui chque ri e cojol tabal tok'ob aj judeyib xeniman che ri cojonic.

Hechos 4:4

E q'ui c'ut chque ri winak ri xquita' ri tijonic xecojonic. Cäraj ne xetz'akat job mil ri cajilabal ri cojonelab xuwi achijab.

Hechos 2:41

Je c'u ri' ri xquic'amowaj ri u tijonic, xban c'ut ri bautism; craj c'u ne e c'o oxib mil winak xetikitaj chque ri cojonelab pa ri k'ij ri'.

Ri Isaiy 45:24

Cäquibij c'u na: Xuwi ruc' ri Ajawaxel e c'o wi ri colomal xukuje' ri cuinem. Conojel ri cäquetzelaj nu wäch quel na qui q'uixbal.

Ri Nehemiy 8:2

Chupam ri nabe k'ij re ri uwuk ic', ri Esdras ri cojol tabal tok'ob xuc'am ulok ri u wujil ri pixab chquiwäch ri q'uialaj winak ri qui mulin quib, achijab, ixokib xukuje' conojel ri quechoman chic;

Ri Esdras 10:1

Aretak ri Esdras cätajin cuban ch'awem ruc' ri Dios cätajin c'u cuban we k'alajisam macaj ri' cätajin cok'ic u xucuban c'u rib chuwäch ri Rachoch ri Dios, jumulaj aj israelib, achijab, ixokib xukuje' ac'alab, ri xukuje' quebok' ruc' nimalaj c'axc'olil, xquimulij quib pa tak u xc'ut.

Ucab Samuel 6:19

conojel c'ut ri aj israelib ri e c'o chila' chi achijab chi ixokib, xuya' jun qui caxlanwa, jun caxlanwa re qui wäch tut xukuje' jun chic re pasa. Xuwi c'u xbantaj wa' conojel xetzelej cho tak cachoch.

Elem 35:22

Chi achijab, chi ixokib, xequic'am ulok ruc' ronojel canima', ronojel u wäch wikbal ri cäquiwikbej quib, mulk'ab, u wi' tak xiquinaj, ronojel qui wäch jastak re k'an puak. Chquijujunal xquic'am ulok ri qui sipanic re k'an puak ri qui bim chi cäquiya' che ri Ajawaxel.

Hechos 11:24

Ri Bernabe are utzalaj achi, nojinak che ri Ruxlabal ri Dios, xukuje' pa ri u cojonic, xukuje' q'ui winak xecojon che ri Ajawaxel.

2 Corintios 6:15

Man cuya' taj u wäch ri Crist ruc' ri itzel, mawi ri cuc'ulaj ta u wäch ri cojonel ruc' ri man cojonel taj.