Hechos 3:20 - Quiché Bible

²⁰ Cutak c'u ulok ri Jesus, kas pa ri chapletajic u cha'om ulok are' c'u Crist alak wa'.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Kutaq kꞌu na loq ri Jesús, ri iMesías. Are waꞌ ri utzijom loq rij ojer.

K'iche'

²⁰ Xukuje' cutak na lok ri Jesús ri ojer ri' cha'talic rech coc che Cristo che to'ic alak.

K'iche' (New Orthography)

²⁰ Xuquje' kutaq na loq ri Jesús ri ojer ri' cha'talik rech kok che Cristo che to'ik alaq.

Hechos 3:20 Referans Kwoze

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

2 Tesalonicenses 2:8

cuc'utunisaj c'u na rib ri itzel ri', ri cäsachisax na u wäch rumal ri Ajaw Jesus rumal ri ruxlab ri u chi', cuyojyobisaj c'u na rumal ri u ruc'upinic ri rulem.

2 Tesalonicenses 2:2

chi muban quieb i c'u'x pa ri i chomanic. Mixsach rumal jun uxlabal, o rumal tzij, o rumal wuj je ta ne chi kech uj. Misach i c'u'x we quito chi petinak chic ri u k'ij ri Ajawaxel.

Ri Lucax 19:11

Ri winak cätajin quequitatabej ri jastak ri cubij ri Jesus, ri are' xutzijoj jun c'ambal no'j chque, rumal rech chi nakaj chic c'o wi che ri Jerusalen. Xubij wa' chque rumal rech chi cäquichomaj chi chanim cuc'ut na rib ri rajawibal ri Dios.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Ri Lucax 21:27

C'äte ri' quilitaj na ri Rija'l Winak petinak pa jun sutz' ruc' chuk'ab, sibalaj nim u k'ij.

Marcos 13:26

C'äte ri' quil na ri Rija'l Winak petinak pa tak ri sutz' ruc' nimalaj cuinem, nim u k'ij cäpetic.

Ri Matey 24:3

Ri Jesus t'uyul pa ri qui juyubal tak ri u Che'al Aseitun. Xebopan ri u tijoxelab ruc' pa qui tuquiel wi, che u ta'ic che: “Bij la chke, ¿Jampa' cäc'ulmax wa'? ¿Jas ri retal ri petbal la? ¿Jas ri retal ri u q'uisbalil ri uwächulew?”

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Hechos 3:19

Rumal ri' q'uexa' c'u'x alak, tzelej alak ruc' ri Dios, rech ri Dios quebuchupisaj tak ri e mac alak, craj c'u ne ri Ajawaxel quebutak ulok tak k'ijol re jamaril chech alak.

Hechos 3:21

Are c'u ri camic rajawaxic chi cäcanaj na can pa ri caj c'ä pa ri k'ij aretak ri Dios quebusuc'umaj na conojel ri jastak, jacha' ri xubij ri Dios pa qui chi' ri e u k'axal tak tzij pa ri ojer tak k'ijol.