Hechos 3:12 - Quiché Bible

¹² Ri Lu', aretak xril wa', xebuch'abej ri winak: “Achijab aj israelib, ¿jasche camay alak wa'? ¿Jasche caca'y alak chke, je ta ne ri rumal ta ri ka chuk'ab uj o rumal ta ri ka nimanic che ri Dios xkabano chi cäbin we achi ri'?

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Ri Pedro are xrilo chi xkimulij kibꞌ ri winaq, xubꞌij chike: Winaq aꞌj Israel, ¿jas che kixmayijan che we xkꞌulmatajik? ¿Jas che ko kujikaꞌyej teꞌq piꞌkꞌuꞌx chi uj xujkunan we achi riꞌ rukꞌ qachuqꞌabꞌ o rukꞌ ri qutzilal?

K'iche'

¹² Aretak ri tat Pedro xrilo chi xquimulij quib ri winak, xubij chque: Kachalal, alak aj Israel, ¿jas che cäcajmaj alak wa' ri xbantajic? ¿Jas che co cujca'yej alak? ¿A xa cächomaj alak chi ruc' ri ka chuk'ab uj o xa rumal chi sibalaj uj nimanelab che ri Dios xka'no chi cäbin we achi ri'?

K'iche' (New Orthography)

¹² Aretaq ri tat Pedro xrilo chi xkimulij kib' ri winaq, xub'ij chke: Qachalal, alaq aj Israel, ¿jas che käkajmaj alaq wa' ri xb'antajik? ¿Jas che ko kujka'yej alaq? ¿A xa kächomaj alaq chi ruk' ri qa chuq'ab' uj o xa rumal chi sib'alaj uj nimanelab' che ri Dios xqa'no chi käb'in we achi ri'?

Hechos 3:12 Referans Kwoze

2 Corintios 3:5

Man cäkachomaj taj chi cujcuin che u banic jun jasach xa' ka tuquiel. Xane' are ri Dios cäyo'w ka chuk'ab che u banic ri cäkabano.

Chapletajic 41:16

Ri Jose xubij che ri ajawinel: “Man quincuin ta in che u ch'obic, xa ne are' ri Dios cäyo'w na u k'alajisaxic che la jun k'alajisanic che utzil che la.”

Romanos 9:4

E are c'u wa' ri winak aj israelib, ri e u c'amom ri Dios che ralc'ual, u yo'm ri u juluwem ri Dios chquixo'l, u yo'm ri c'ulwächinic, u yo'm ri u pixab chque rumal ri Moises, ri k'ijilanic, xukuje' u bim chque jas ri cuya' na.

Hechos 2:22

Alak aj israelib, chtatabej alak we tzij ri': Ri Jesus aj Nazaret, are jun achi c'utum chwäch alak rumal ri Dios. Ri Dios xebuban mayibal, cajmajibal xukuje' etal chxo'l alak rumal ri Jesus, jas ri eta'm alak.

Romanos 11:1

Quinban c'ut ri c'otoj chi'aj: ¿La u xutum lo ri Dios ri u tinimit? ¡Man je ta ri'! Ri in c'ut in jun chque ri aj israelib, pa ri rija'l ri Abraham xinalax wi, chquixo'l ri e ramak' ri Benjamin.

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Ri Xuan 7:18

Ri' ri cätzijon pa re wi, cutzucuj ri u juluwem ri are' chbil rib. Ri cutzucuj ri u juluwem ri xtakow ulok, are wa' aj kastzij, man c'o ta c'u etzelal ruc'.

Chapletajic 40:8

Ri achijab ri' xquibij che ri Jose: “Ka banom jujun kichic', man c'o ta c'u jun cäcuinic cubij ta chke jas quel cubij ri xkichic'aj.” Ri Jose xubij chque: “¿La ma ta puch are' ri Dios cayo'w ri k'alajisanic?” xcha' ri Jose chque. “Chibij ba' chwe ri xinwichic'aj.”

Hechos 3:11

Ri ch'oco'j ri xcunaxic e u chapom ri Lu' xukuje' ri Xuan. Conojel ri winak xexiq'uinic, xebe cuc' pa ri u rakan ja ri Salomon. Conojel xemayinic.

Hechos 3:13

Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

Apocalipsis 7:13

Jun c'ut chque ri nimak tak tatayib, xubij chwe: “¿Jachin tak wa' ri qui cojom sakloloj tak atz'iak? ¿Jawije' e petinak wi?”