Hechos 28:16 - Quiché Bible

¹⁶ Aretak xujopan pa Rom, xya' c'u che ri Pawl chi cäc'oji' u tuquiel, ruc' jun ajch'o'j che u chajixic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Are xujopan pa ri tinimit Roma, ri Julio ri achi ri kataqan pa kiwiꞌ ri ajchꞌoꞌjabꞌ chajil tinimit, xuꞌjach ri e kꞌo pa cheꞌ. Ri Pablo kꞌut xya bꞌe che kakꞌojiꞌ utukel pa jun ja. Xchajix kꞌu rumal jun ajchꞌoꞌj chajil tinimit.

K'iche'

¹⁶ Aretak xujopan pa ri tinimit Roma, ri tat Julio ri tata' ri cätakan pa qui wi' ri soldados, xeujach ri ajpache' pu k'ab ri tata' ri qui nimal ri soldados ri e c'o chila'. Are c'u ri tat Pablo xyi' che chi cäc'oji pa jun ja u tuquiel wi, xchajix c'u rumal jun soldado.

K'iche' (New Orthography)

¹⁶ Aretaq xujopan pa ri tinimit Roma, ri tat Julio ri tata' ri kätaqan pa ki wi' ri soldados, xeujach ri ajpache' pu q'ab' ri tata' ri ki nimal ri soldados ri e k'o chila'. Are k'u ri tat Pablo xyi' che chi käk'oji pa jun ja u tukiel wi, xchajix k'u rumal jun soldado.

Hechos 28:16 Referans Kwoze

Hechos 27:3

Chucab k'ij xujopan pa Sidon. Ri Julio xuban utzil che ri Pawl, xuya' che chi cäbe che qui ch'abexic tak ri e rachil rech cäya' ri cajwataj che.

Hechos 24:23

Xutak ri qui nimal ri jun sient ajch'ojab chi cächajix ri Pawl, mäban c'ax che. Xtakanic chi we quepe ri e rachil che u patanixic, mek'atixic chpatanix cumal.

Apocalipsis 17:18

Ri ixok ri awilom, are cubij ri nimalaj tinimit ri cätakan paquiwi' ri ajawinelab re ri uwächulew.”

Apocalipsis 17:9

Waral c'o wi ri chomanic chque ri c'o qui no'j: Ri wukub jolomaj quebuq'uex wächaj wukub juyub, ri cät'uyi' wi ri ixok, xukuje' quebuq'uex wächaj wukub ajawinelab.

Hechos 27:43

Are c'u ri qui nimal ri jun sient ajch'ojab xraj xucol ri Pawl, rumal ri' man xuya' ta chque ri ajch'ojab chi je cäquibano. Xtakanic chi ri queta'm quemuxanic chquiq'uiaka' quib pa ri plo, quebopan c'u nabe pa ulew.

Hechos 27:31

C'äte ri' ri Pawl xubij che ri qui nimal ri jun sient ajch'ojab xukuje' chque ri ajch'ojab: “We man quecanaj can wa' chupam ri nim jucub, man cuya' taj cäcol ib alak.”

Hechos 23:11

Chucab ak'ab xtaq'ui' ri Ajawaxel chuxcut ri Pawl, xubij che: “Chajiquiba' a c'u'x, Pawl. Jas ri xaban pa Jerusalen xinak'alajisaj chquiwäch ri winak, jeri' rajawaxic xukuje' chi quinak'alajisaj na pa Rom.”

Hechos 19:21

Aretak e bantajinak chic we jastak ri', ri Pawl xuchomaj pa ranima' chi cäbe pa Jerusalen, coc'ow na bic pa Masedon xukuje' pa Acay. Xubij: “Aretak in c'olinak chic chila', cajwataj chwe chi xukuje' quenwila na ri Rom.

Hechos 18:2

Chila' xurik wi jun aj judey Aquil u bi', are aj Pont. C'ä maja' naj opaninak, petinak pa Ital, rachil ri Prisil ri rixokil. Rumal rech chi ri k'atal tzij Clawd xtakanic chi conojel ri aj judeyib quebel bic pa Rom. Xopan c'u ri Pawl che qui solixic.

Hechos 2:10

e c'o aj Prij, aj Panpil, xukuje' aj Ejipt. E c'o ri quepe pa tak c'olbal pa Aprica ch'käp che ri Siren. E c'o jujun aj Rom ri e petinak waral,

Ri Jeremiy 40:2

Ri takanel paquiwi' ri chajinelab xuc'am bic ri Jeremiy jela' pa u tuquiel wi, xubij c'u che: “Ri Ajawaxel ri a Dios xucoj xib chi cutak ulok we quiäkasakil ri' puwi' we ulew ri',

Ucab Ajawinelab 25:8

Pa ri uwuk rajilabal ri ro' ic' re ri ubelejlajuj (19) u junab ri rajawinic ri Nabucodonosor, ajawinel re Babilon, ri Nabuzaradan, rach k'atal tzij ri ajawinel xukuje' takanel paquiwi' ri chajil tak rech ri ajawinel, xopan pa Jerusalen

Chapletajic 37:36

Are c'u ri aj madianib, xquic'ayij ri Jose pa Ejipt che ri Potipar rach k'atal tzij ri paraon ajawinel re Ejipt, c'amal qui be ri rajch'ojab.

Ri Jeremiy 38:13

Xequijic' c'ut ri achijab ri colob xquesaj c'u ulok chila'. Xuwi c'u xesetaj ulok, ri Jeremiy xcanaj can cho ri ja ri e c'o wi ri chajinelab.