Hechos 26:25 - Quiché Bible

²⁵ Ri Pawl xubij che: “Pest ri sibalaj nim k'ij la, man in ch'ujirinak taj, xane quinbij ri kastzij, quinbij utzalaj chomanic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Ri Pablo xutzalij uwach, xubꞌij: Man xa taj in kon, nimalaj reqeleꞌn Festo. Are tajin kinbꞌij ri tunal ri sibꞌalaj kꞌo kutayij.

K'iche'

²⁵ Ri tat Pablo xch'awic, xubij: Man in ch'ujarinak taj jas ri cächomaj la, tat Festo. Ri tajin quinbij are kas tzij. Ruc' utzalaj nu chomanic tajin quinbij ronojel wa'.

K'iche' (New Orthography)

²⁵ Ri tat Pablo xch'awik, xub'ij: Man in ch'ujarinaq taj jas ri kächomaj la, tat Festo. Ri tajin kinb'ij are qas tzij. Ruk' utzalaj nu chomanik tajin kinb'ij ronojel wa'.

Hechos 26:25 Referans Kwoze

Hechos 23:26

“In Clawd Lis quintz'ibaj jun wuj che ri k'atal tzij Pelics ri sibalaj nim u k'ij. Quinya' rutzil wäch la.

Ri Tit 1:9

Rajawaxic chi cunimaj ri jicalaj tzij, jas ri cubij ri tijonic, rech cäcuinic quebupixbej ri winak ruc' ri utzalaj tijonic ri man c'o ta etzelal che, xukuje' cäcuin che qui ch'äquic ri winak ri cäquiban qui c'ulel che ri tijonic.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

Hechos 24:3

Ronojel ri banom la kac'amom pa ronojel c'olbal, Pelics, sibalaj nim k'ij la. Cäkamaltioxij wa' che la.

Ri Xuan 8:49

Ri Jesus xubij chque: “Man c'o ta itzel uxlabal chwe. Xane' ri in nim quinwil wi ri nu Tat. Are c'u ri ix man nim ta quiniwil wi.

Ri Lucax 1:3

Ri in xukuje' nojim xinwetamaj ronojel kas pa ri u chapletajic rech quintz'ibaj wa' che la, lok'alaj kachalal Teopilo.

Ri Jeremiy 29:26

Ri Ajawaxel at u cojom jacha' cojol tabal tok'ob pa ri u c'olbal ri Joiad, rech at ri takanel ri nim na u k'ij chupam ri rachoch Dios. We cäwalij jun ch'u'j cuchaplej c'u tzijonem jacha' jun k'axal tzij, rajawaxic cäcoj at chupam ri cojbal akan jun pach'um ch'ich' c'ut cayutbej rech.