Hechos 24:25 - Quiché Bible

²⁵ Aretak c'u ri Pawl xutzijoj ri jun suc'alaj c'aslemal che, ri k'iloj ib xukuje' ri k'atan tzij ri cäpe na. Ri Pelics xuxe'j rib, xubij che: “Xak je na la', cuya' catbec. Aretak c'ut cäbantaj wumal, quintakan chi na che a siq'uixic.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Are xok ri Pablo chutzijoxik ri bꞌanoj sukꞌalaj qꞌatoj tzij xuqujeꞌ ri qꞌaten ibꞌ chubꞌanik etzelal, ri kꞌaxkꞌolal ri kape na, xuxiꞌj ribꞌ ri Félix, xubꞌij: Jat jampaꞌ chik kinwinik katintatabꞌej katinsikꞌij.

K'iche'

²⁵ Aretak c'ut ri tat Pablo xuchap u tzijoxic chi rajwaxic cuban jicom jun che ru c'aslemal, man cuban tä jun xak jas ri craj ri are', xukuje' xutzijoj chi ri Dios cuk'at na tzij pa qui wi' ri winak pa ri q'uisbal k'ij, xuxej rib ri tat Félix, xubij c'u che ri tat Pablo: Xak je' na la', cuya' cate'c. Aretak c'ut cäbantaj ri jastak we, quintakan chi na jumul che a siq'uixic, —xcha che.

K'iche' (New Orthography)

²⁵ Aretaq k'ut ri tat Pablo xuchap u tzijoxik chi rajwaxik kub'an jikom jun che ru k'aslemal, man kub'an tä jun xaq jas ri kraj ri are', xuquje' xutzijoj chi ri Dios kuq'at na tzij pa ki wi' ri winaq pa ri k'isb'al q'ij, xuxej rib' ri tat Félix, xub'ij k'u che ri tat Pablo: Xaq je' na la', kuya' kate'k. Aretaq k'ut käb'antaj ri jastaq we, kintaqan chi na jumul che a sik'ixik, —xcha che.

Hechos 24:25 Referans Kwoze

Ri Xuan 16:8

Aretak cäpe ri are', culuc'utu' na chquiwäch ri winak re e aj uwächulew ri qui mac, ri suq'uilal xukuje' ri k'atan tzij.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

2 Pedro 1:6

Ruc' c'ut ri iwetamanic rajawaxic chi cac'oji' i tij piwi'; ruc' c'ut ri i tij piwi' rajawaxic cac'oji' i coch'onic rech quixtakenic aretak c'o c'ambejenic; rumal c'ut ri coch'onic rajawaxic chi quixniman che ri Dios ri lok' chiwäch.

Gálatas 5:23

man cäquinimarisaj ta quib, xukuje' quetakan paquiwi' chbil quib. Man c'o ta pixab ri cubij chi ma ta queban we jastak ri'.

Hechos 10:42

Ri are' c'ut xujutak bic chi quekaya' u tzijoxic chque ri winak xukuje' ka k'alajisaj c'ut chi are' wa' ri cojom rumal ri Dios che k'atal tzij paquiwi' ri e c'asc'oj xukuje' paquiwi' ri cäminakib.

1 Juan 3:7

Lok'alaj tak walc'ual, c'o mixsubuwic. Apachin ri cuban ri suq'uil, suc' ri', je jas ri are' suc'.

Santiago 2:19

At cacojo chi xa' jun ri Dios. ¡Utz cabano! Xukuje' ri itzel tak uxlabal quecojonic, xukuje' quebirbit rumal xe'n ib.

Hebreos 9:27

K'atom c'ut paquiwi' ri winak chi xa' jumul quecämic, chwi chi c'u wa' ri k'atan tzij,

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

Hebreos 3:13

Xane' chipixbela' iwib ronojel k'ij, aretak c'ä c'o ri k'ij camic, rech c'o jun chiwe mucowirisaj ri ranima' rumal ri u subunic ri mac.

Gálatas 3:22

Ri Tz'ibatalic cuc'utu chi conojel e tz'apital rumal ri mac. Jeri' ri chi'm cäya' chque ri cojonelab rumal ri cojonic che ri Jesucrist.

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

1 Juan 3:10

Cuya' quetamatajic e jachin tak ri e ralc'ual ri Dios xukuje' e jachin tak ri e ralc'ual ri itzel: apachin ta c'u ne ri man cuban ta ri utzil, o man culok'ok'ej ta ri rachalal, man ralc'ual ta ri Dios.

2 Timoteo 4:1

Chuwäch ri Dios xukuje' ri Kajaw Jesucrist, ri cuk'at na tzij paquiwi' ri c'asc'oj xukuje' ri cäminakib, cuc'ut c'u na rib cajawin na, quinya' we pixbenic ri' chawe:

2 Corintios 6:2

Cubij c'ut ri are' chquipam ri e tz'ibatalic: “Chupam ri jok'otaj ri takalic xatintatabej; chupam ri k'ij rech ri colobal ib xatinto'o.” Camic c'ut are wa' ri k'ij utz chiwe, are wa' ri k'ij rech quixcolotajic.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Hechos 24:15

C'o c'u weyebal c'u'x chrij ri Dios jacha' xukuje' ri e are' chi quec'astaj na ri cäminakib, chi e utz chi e lawalo.

Hechos 17:32

Aretak xquita' ri u tzij, chi c'o jun xc'astajisax chquixo'l ri cäminakib, jujun xquitze'j. Ri niq'uiaj chic xquibij: “Catkatatabej chi na jumul che wa'.”

Hechos 17:2

Ri Pawl, jas ri cuban amak'el, xoc bic chupam ri ja ri caquitijoj wi quib ri aj judeyib oxib k'ij c'ut re uxlanem xchoman cuc'. Are' xucoj ri Tz'ibatalic.

Hechos 2:37

Aretak xquita' wa', xk'oxow canima', xquibij c'u che ri Lu' xukuje' chque ri e niq'uiaj takom chic: “Kachalal tak, ¿jas c'u ri rajawaxic cäkaban na?”

Hebreos 6:2

ri tijonic chrij tak ri kajem pa tak ri ja', ri nak'atisabal ib che quich'ajic k'abaj, ri quic'astajic ri cäminakib xukuje' ri q'uisbal k'atan tzij.

Ri Hajey 1:2

Are wa' ri xubij ri Ajawaxel ri c'o ronojel u cuinem rumal ri k'axal u tzij: “We winak ri' caquibij c'ä maja' copan ri k'ijol che u banic ri wachoch.

Ri Habacuc 3:16

Aretak xinta' ronojel wa' xinxe'j wib. Ri e nu chi' xequichaplej birbitem, ri e nu ch'ec man caquich'ij ta chic quetaq'ui'c' ronojel c'ut ri nu cuerp xchukchubic. In c'u ne jewa', man quinel ta na ch'u'j che reyexic ri k'ij aretak ri Dios quebucoj pa c'axc'olil ri cajch'ojab ri e banal tak c'ax chke.

Ri Amos 6:12

¿La quecuin ri quiej quepaki' paquiwi' ri tzac'atzak tak abaj? ¿La xa' puch cuya' cäban ta c'upuj puwi' ri plo? ¡Are c'u ri ix i q'uexom ri suq'uilal pa cämisabal are c'u ri u wächinic ri suq'uilal pa c'ayil!

Ri Amos 5:24

Are ta c'u chbelel ri suq'uilal jacha' ri ja', xukuje' ri tz'akatil pa ronojel jacha' jun bulbux ja' ri man c'o ta u q'uisic.

Ri Osey 10:12

Xinbij chque: ‘Chitica' ix ri suq'uilal chiyaca' c'u wächinic re lok'ok'ebal c'uxaj. Chic'upu' ri ulew che jun c'ac' tico'n, are' c'u k'ij wa' che u tzucuxic ri Ajawaxel, c'ä cäpe na cuc'am c'u ulok ri jäb re to'tajem piwi'.’

Ri Osey 10:4

Xak xuwi ri tzijtzotem, chi'nic tak ri e xak lok' xukuje' qui tz'ibaxic tak c'ulwächinic; ri u suq'uilal xak junam ri' ruc' juwi' k'ayes ri cäcämisanic ri caq'uiy xo'l tak ri bolaj chupam ri ulew.”

Ri Osey 7:5

Pa ri k'ij aretak cäcoj ri u corona ri kajawinel, ri e c'amal tak be xquiban che chi xyawabin rumal ri u k'ak'al ri u wa'l uva. ¡Ri are' xuyuk ri u k'ab chque ri queyok'onic!

Ri Daniel 12:2

E q'ui chque ri cätajin quewar chupam tak ri mukubal quec'astaj na: jujun quec'asi' na re chbe k'ij sak, jujun chi c'ut che esbal q'uixbal xukuje' che ri xibibal ri e junalic.

Ri Daniel 4:27

Rumal ri', c'amowaj la we nu yo'w no'j ri': bana' la ri suq'uilal, mätakej la u banic ri macaj; tanaba' la qui banic tak ri etzelal, checojo' ri k'ij la che qui to'ic ri mebayib. Craj ne rumal qui banic wa' cacuin la catakej la c'aslemal pa jamaril xukuje' pok'ocolojic.’ ”

Ri Ezequiel 45:9

“In, ri Ajawaxel, quinbij: ¡Ruc' wa', k'atal tak tzij re Israel! ¡Chitanaba' ri tokinic xukuje' ri t'orinic! ¡Chibana' ri suq'uilal xukuje' ri colomal! ¡Chitanaba' reläk'axic ri ulew che ri nu tinimit! In, ri Ajawaxel, quinya' takanic chi cabanic.

Ri Isaiy 61:8

Rumal c'u rech chi ri Ajawaxel culok'oj ri suq'uilal, cäretzelaj c'u u wäch ri eläk'anic xukuje' ri qui banic il patan. Kas c'u cuya' na ri tojbal quech cuban c'u na jun junalic c'ulwächinic cuc'.

Ri Isaiy 55:6

Chitzucuj ri Ajawaxel utz c'ä cuya' qui riko, chisiq'uij utz c'ä nakaj c'o wi.

Ri Isaiy 41:21

Ri Ajawaxel, ri rajawinel ri Jacob, je cubij wa: “Chixpetok diosib, chicojo' ri to'bal iwib, chixpetok, chito' u wi' ri i banic.

Ri Isaiy 32:11

Ix ri man c'o ta jas quixoc ta wi il, chixbirbitok ix ri quina' chi man c'o ta jas quibisoj, chixel ch'u'j, chebiwesaj tal we atz'iak ri', chebicojo' wakwoj tak atz'iak che u c'utic ri i bis.

Ri Isaiy 16:5

jun rija'lil ri David coc na che ajawinel, ri u tem re ajawibal co cäjeki' na che u banic tok'ob. Jun k'atal tzij wa' ri ch'ajch'oj ranima', cujekeba' na ri ya'tal u banic, cuban na ri suq'uil chque ri winak.

Ri Isaiy 1:21

¡Jicalaj tinimit, jasche xatux junam ruc' jun ixok re nim ch'utin! Nabe canok conojel ri awinakil cäquiban ri suc' xukuje' utz ri qui c'aslemal, are c'u ri camic xuwi cämisanelab chic e c'olic.

Hebreos 12:21

Sibalaj xibibal ri xquilo, jeri' chi xubij ri Moises: “Quinxe'j wib, quinbirbitic.”

Romanos 14:12

Chkajujunal c'ut quekaya' na u bixic chuwäch ri Dios jas ri xkabano.

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Romanos 2:16

pa ri k'ij aretak ri Dios cuk'at na tzij rumal ri Jesucrist puwi' ronojel ri e awatal cumal ri winak, jas ri cubij ri tzij ri quintzijoj.

Hechos 26:28

Xubij c'u ri Agrip che ri Pawl: “Xa' jubik' man catcuin che nu ch'äquic chi quinux ajcrist.”

Hechos 17:13

Aretak xquetamaj ri aj judeyib ri e c'o pa Tesalon chi xukuje' pa Berey catzijox ri u tzij ri Dios rumal ri Pawl, xebe chila' che qui tuquixic ri winak.

Hechos 9:6

Chatwalijok. Chatoc bic pa ri tinimit. Cäbix c'u na chawe jas ri rajawaxic cabano.”

Ri Matey 22:5

Ri winak c'ut man xeboc ta il, xebec. Ri jun xbe pa ri rulew. Ri jun chic xbe che u banic u c'ay.

Ri Daniel 5:30

Kas pa ri ak'ab ri' xcämisax ri Belsasar, cajawinel ri aj caldeyib,

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Isaiy 66:2

Kas in xebenban conojel we jastak ri', je c'u ri' xquichaplej qui c'olem. In, ri Ajawaxel, quinjiquiba' u bixic.” “Ri winak ri quinoc wi il are ri meba', ri u rikom c'ax ri nim cäril wi ri nu tzij.

Ri Isaiy 1:18

Ri Ajawaxel cubij: “Tisaj kachomaj we jasach ri'. Pune' ta ne sibalaj quiäk rokroj ri i mac, quinban na che jacha' ri sak tew; pune' ta junam ruc' jun atz'iak ri rubum pa corinto quinban na sak che jacha' ri sakalaj rismal chij.

Ri Tzijonel 12:14

Ri Dios cutz'onoj na chke ri cajilabal conojel tak ri e ka banoj, we e utz, we man e utz taj, pune' e ka banom chi c'uyal.

Ri Tzijonel 11:9

Chaquicotisaj awib, ala o ali, camic ri at nojinak che c'aslemal; chatija' chacojo' ri utz camic ri c'ä catcuinic. Chanimaj ri cubij ri awanima' chawe xukuje' che ronojel ri cawilo, chnataj c'u chawe chi ronojel wa' ri Dios cutok'ij na chawe chi cacholajij na chuwäch.

Ri Tzijonel 5:8

Mamayo chi we pa jun ulew chic cawilo chi cäban c'ax che ri meba' catokix c'ut ri suq'uilal xukuje' ri takal u banic, jun c'u nim rekle'n xch'uk u wi' rumal jun chic ri nim na rekle'n, niq'uiaj chi c'ut ri nimak chi na quekle'n quequich'uk qui wi' chic we quieb ri'.

E C'ambal tak Tzij 16:12

Ri ajawinelab man quequic'amowaj taj ri itzel tak banoj, rumal rech chi ri tem re ajawibal are' u tac'alibal ri suq'uilal.

Salmib 119:120

Cäbirbit ri nu cuerp rumal xe'n ib chwäch la; ¡nim quebenwil wi ri pixab la!

Salmib 99:1

¡Ri Ajawaxel are' ajawinel! ¡U yo'm ri u tem re ajawibal paquiwi' ri aj cajalaj tak to'banelab ri e c'o qui xic'! Queyicop na ri nimak tak tinimit xukuje' ronojel ri uwächulew.

Salmib 72:2

rech ruc' colomal xukuje' suq'uilal cajawin puwi' ri tinimit la xukuje' paquiwi' ri mebayib la.

Salmib 45:7

Cälok'ok'ej la ri utzil, quetzelaj la u wäch ri etzelal. Rumal ri' lal cha'om rumal ri Dios; ri Dios la, lal u nojisam ruc' quicotemal chquiwäch conojel ri achil la.

Salmib 11:7

Suc' ri Ajawaxel culok'ok'ej c'ut ri suq'uilal; ¡Rumal ri' caquil na ri u palaj ri suc'alaj tak winak!

Ri Job 29:14

Ri suq'uilal xukuje' ri tz'akatil pa ronojel e nu tz'akatil wa': e are' watz'iak ronojel k'ij.

Ri Esdras 10:9

Rumal c'u rech wa', conojel ri achijab aj Juda xukuje' ri aj Benjamin xquimulij quib pa Jerusalen pa ri juwinak (20) rajilabal ri ubelej (9) ic', ri u bixic, pa oxib k'ij. Conojel c'u wa' xet'uyi' chuwäch ri Rachoch Dios, quebirbitic rumal rech ri petinak paquiwi' xukuje' ri jäb ri cätajin cäkajic.

Ri Esdras 10:3

Quekaya' ba' ka tzij che qui jachic bic tak ri kixokil ri man e ka winakil taj, xukuje' tak ri cal, chtz'akatisax c'ut u banic ri pixab, jacha' ri no'j ri yo'm la chke, xukuje' ri qui yo'm tak ri nim caquil wi ri u takomal ri Ajawaxel.

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Nabe Samuel 12:7

Rumal c'u ri' chi suc'umaj iwib, chuwäch ri Ajawaxel quinya' na qui bixic conojel ri utzil ri e u banom chiwe xukuje' chque ri e i mam.

Hechos 24:26

Are c'u ri cäraj ri Pelics chi cäya' puak che rumal ri Pawl, rech cutzokopij bic. Rumal c'u ri', xak amak'el cusiq'uij, cätzijon ruc'.

Ri Jeremiy 36:16

xuwi c'u xtataj cumal, e nojinak che xe'n ib xquica'yela' quib xquibij c'ut: “Cakaya' na u bixic ronojel wa' che ri ajawinel.”

Ri Tit 1:8

xane' cuya' okxanibal chque niq'uiaj chic, culok'ok'ej ronojel ri utz, utz u chomanic, cuban ri suc', are tastalic winak, cätakan puwi' ri u c'aslemal.