Hechos 24:14 - Quiché Bible

¹⁴ Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Kinqꞌalajisaj cho la, chi ri in in kojoninaq che waꞌ we Bꞌe we kakibꞌij aꞌreꞌ che chi xaq jun naqꞌatajibꞌal, kinpatanij ri Dios kech ri watiꞌt numam. Nukojom ronojel ri jastaq ri kubꞌij ri taqanik, xuqujeꞌ ronojel ri jastaq ri kitzꞌibꞌam loq ri e qꞌaxal taq utzij ri Dios.

K'iche'

¹⁴ Quink'alajisaj c'u chuwäch la, chi ri in are tajin quinpatänij ri qui Dios ri ka nan ka tat ojer. Je' tajin quinbano jas ri cubij ru tzij ri Jesús ri kas C'amal ka Be, ri cäquibij ri winak aj Israel chi are' jule' tijonic wa' ri man kas tzij taj. Quincoj in xukuje' ronojel ri tz'ibtal pa tak ri wuj re ru Pixab ri Moisés, xukuje' ri tz'ibtal pa tak ri qui wuj ri k'alajisal tak re ru Lok' Pixab ri Dios.

K'iche' (New Orthography)

¹⁴ Kinq'alajisaj k'u chuwäch la, chi ri in are tajin kinpatänij ri ki Dios ri qa nan qa tat ojer. Je' tajin kinb'ano jas ri kub'ij ru tzij ri Jesús ri qas K'amal qa B'e, ri käkib'ij ri winaq aj Israel chi are' jule' tijonik wa' ri man qas tzij taj. Kinkoj in xuquje' ronojel ri tz'ib'tal pa taq ri wuj re ru Pixab' ri Moisés, xuquje' ri tz'ib'tal pa taq ri ki wuj ri q'alajisal taq re ru Loq' Pixab' ri Dios.

Hechos 24:14 Referans Kwoze

Hechos 9:2

Xebuta' wuj chque ri k'atbal tak tzij rech cabe pa tak ri ja ri caquitijoj wi quib ri aj judeyib ri e c'o pa Damasc, che qui tzucuxic ri quitakem ri C'ac' Be, chi achijab chi ixokib, yutuyuj ta c'ut quebuc'am ta ulok pa Jerusalen.

Romanos 3:21

Camic c'ut, k'alajisam chic jas cuban ri Dios che u banic suc' chque ri winak man rumal ta ri pixab. Quetamax c'u wa' rumal ri cubij ri pixab xukuje' rumal ri qui wuj ri k'axal tak u tzij ri Dios.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Hechos 3:13

Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

Hechos 26:22

Ri Dios in u to'm ulok c'ä pa we k'ij ri'. Quink'alajisaj c'u ri u tzij chquiwäch conojel ri winak, chi nimak qui banic chi man nimak ta qui banic. Man c'o ta nu tzijom ri ma ta je qui tzijom ri e k'axal tak tzij xukuje' ri xubij can ri Moises chi cäbantaj na.

Hechos 24:5

Karikom chi we achi ri' are' jun ya'l latz'. Cuyac ch'o'j chquixo'l ri aj judeyib xukuje' pa ronojel ri uwächulew. Are' ri c'amal qui be ri juk'at aj nazarenib.

2 Timoteo 1:3

Quinpatanij ri Dios, jas ri xinwetamaj ulok cuc' ri e nu mam, quinna' c'u pa ri wanima' chi man c'o ta etzelal nu banom che u patanixic. Quinmaltioxin che ri Dios rumal rech chi amak'el catnataj chwe aretak quinban ch'awem ruc' Dios chi pa k'ij chi chak'ab.

Hechos 26:27

Ajawinel Agrip, ¿la cacoj la ri qui tijonic ri k'axal tak tzij? In weta'm chi cacoj la.”

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

1 Pedro 1:11

Are ta xcaj xquetamaj jachinok xukuje' jachique k'ij cäc'ulmataj na ri xc'ut ulok chquiwäch rumal ri Ruxlabal ri Crist ri c'o pa canima', aretak xuk'alajisaj ulok chi ri Crist curik na c'ax, xukuje' chi cänimarisax na u k'ij aretak coc'ow ri c'ax.

Ri Tit 3:10

We c'o jun ri cuban chque ri cojonelab chi cäquitasala' quib, chaya' u no'j jumul camul. Mawuc'aj chic awib ruc'.

Gálatas 5:20

quequik'ijilaj tak diosib, cäquiban itzinic, cäquic'ulelaj quib, cäquiyac ch'o'j, cäpe coyowal we jun chic curik utzil. Chanim cäpe coyowal, xak xuwi cäquiban ri utz cäquil wi ri e are', cäquitas quib chquij niq'uiaj chic, cäquic'am jalajoj tak no'jibal.

1 Corintios 11:19

¡Man c'o ta quieblan c'uxaj chi ri ix quitasala' iwib pa tak k'at, man e utz ta c'u wa' ri tasow ib ri'; quek'alajin c'ut e jachin tak ri e utz chiwe cho ri Dios!

Hechos 26:6

Are c'u ri camic in tac'al chwäch la rech cäk'at la tzij panuwi' rumal ri weyebal c'u'x ri nu yo'm chrij ri chi'nic ri xuban ri Dios chque ri ka mam.

Hechos 24:22

Aretak ri Pelics xuta' wa', ri reta'm chic ri C'ac' Be, xuya' na can ri u chomaxic che jun k'ij chic, xubij chque: “Aretak cäkaj ulok ri Lis ri qui nimal ri jun mil ajch'ojab, kas quinwetamaj na jas ri c'o chixo'l.”

Hechos 22:14

Ri are' xubij chwe: ‘Ri qui Dios ri ka mam at u cha'om ulok rech cach'ob ri u rayibal, rech cawil ri Jun ri suc', rech cata' ri u ch'abal ruc' ri u chi'.

Hechos 19:9

E c'o c'u jujun xquicowirisaj ri canima', man xecojon taj. Ri e are' xquiyok' ri C'ac' Be chquiwäch ri winak. Rumal ri' ri Pawl xutas rib chquij, xebuc'am bic ri cojonelab pa ri ja ri cätijon wi jun achi Tiran u bi'. Ronojel k'ij xuban chomanic cuc' chila'.

Hechos 13:15

Aretak siq'uitajinak chic ri u wujil ri pixab xukuje' ri quech ri e k'axal tzij, ri e c'amal qui be ri aj judeyib xecula'j xquibij chque: “Kachalal, we c'o jas c'o iwuc' che u bixic che u ya'ic chajin animaj chque ri winak, chibij ba'.”

Hechos 10:43

Conojel c'ut ri e k'axal tak tzij qui yo'm u bixic ri Jesus, quibim c'ut chi jachintak ri quecojon che are' caquic'amowaj na ri cuyubal macaj rumal ri are'.”

Hechos 7:32

Ri Ajawaxel xubij: ‘In ri' ri qui Dios ri a mam, ri qui Dios ri Abraham, ri Isaac, xukuje' ri Jacob.’ Are c'u ri Moises xbirbitic, man cucoch' ta chic cärilo.

Hechos 5:30

Ri qui Dios ri e ka mam xuc'astajisaj ri Jesus ri xjach alak pa cämisaxic aretak xrip cho jun che'.

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Lucax 24:27

Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

Ri Lucax 16:29

Ri Abraham xubij: ‘C'o ri tzij ri xuya' ri Moises, xukuje' c'o ri tzij ri xquiya' ri k'axal tak tzij cuc'. ¡Chequic'amowaj!’

Ri Lucax 16:16

“Ri u k'ijol ri pixab xukuje' ri quech ri e k'axal tak tzij xebopan c'ä ruc' ri Xuan. Kas chi' c'ut chaplem ulok qui tzijoxic ri e utzalaj tak tzijol rech ri rajawinic ri Dios, conojel c'ut ri winak cäcoj chuk'ab chque rech queboc chupam.

Ri Lucax 1:70

Are je u bim ulok ojer cumal ri tastalic k'axal tak u tzij ri Dios chi cuya' na:

Ri Matey 22:40

We quieb takomal ri' e are wa' ri e u nimal ronojel ri pixab, xukuje' ri e quech ri e qui tijonic ri e k'axal tak tzij.”

Ri Matey 10:32

“We c'o jachin quink'alajisan chquiwäch ri winak, ri in xukuje' quink'alajisaj chuwäch ri nu tat ri c'o pa ri caj.

Ri Matey 7:12

Je c'u ri', ronojel ri quiwaj chi cäquiban ri winak chiwe, jeri' xukuje' chibana' ix chque. Are c'u wa' ri cätakan wi ri pixab xukuje' ri xquitz'ibaj ri e k'axal tak tzij.”

Ri Miquey 4:2

q'uialaj tinimit quebopan na je caquibij wa': “Tisaj, chujpakal pa ri u juyub ri Ajawaxel, chupam ri rachoch ri u Dios ri Jacob, rech ri are' quebuc'ut tak ri e u be chkawäch chujcuin ta c'ut chujbin chquipam ri a laj tak u be.” Rumal rech chi pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij,

Ri Amos 8:14

Ri Cäquiban ri chi'nic ri kas cäban na pa qui bi' ri e diosib ri e c'o pa Samar; ri caquibij: ‘Rumal ri u c'aslemal ri a dios, oh Dan’, ‘Rumal ri qui c'aslemal ri diosib pa Beerseb’, quetzak na rech man quewalij ta chi na.”

Salmib 119:46

Quebentzijoj na ri takanic la chquiwäch tak ri ajawinelab, man quinna' ta c'u na q'uixbal.

Nabe Tzijobelil 29:18

Ajawaxel, u Dios ri Abraham, ri Isaac xukuje' rech ri Israel, ri e ka mam, bana' la chi chjekel amak'el we chajin animaaj ri' chupam ri ranima' ri tinimit la, chc'ama' c'u la u be ri ranima' uc' la.

Elem 3:15

Xubij chi c'u na ri Dios che ri Moises: “Xukuje' chabij chque ri aj israelib: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob in u takom ulok iwuc'.’ Are nu bi' wa' chbe k'ij sak, are nu bi' wa' pa conojel ri k'ij junab.

Hechos 19:23

Pa tak ri k'ijol ri' xban jun nimalaj tuquin ib pa Epes rumal rech ri C'ac' Be.

Hechos 15:5

Jujun chque ri pariseyib ri e cojoninak, xetaq'ui'c, xquibij: “Rajawaxic chi ri cojonelab ri man aj judeyib taj chi cäcoj ri etal che u kopixic ri qui ti'jal xukuje' cäkabij chque chi cäquinimaj ri u pixab ri Moises.”

Hechos 25:8

Are c'u ri Pawl xuto' rib, xubij: “Man c'o ta mac nu banom chrij ri qui pixab ri aj judeyib, mawi chrij ri rachoch Dios, mawi chrij ri nimalaj k'atal tzij Sesar aj rom.”

Hechos 26:4

“Ri nu c'aslemal kas pa ri wac'alal ri oc'owinak chic, kas pa ri utiquiritajic ulok chquixo'l ri e nu winakil pa Jerusalen.

Hechos 28:22

Are c'u kakaj cäkatatabej ri cachomaj. Keta'm c'ut chi pa conojel c'olbal cac'ulelax wi we c'ac' juk'at ri'.”

Romanos 1:9

Are ri Dios quinpatanij ruc' ronojel wanima', quintzijoj ri utzalaj tzij re ri u C'ojol. Ri Dios quinrilo chi ronojel k'ij quinban ch'awem ruc' are' piwi'.