Hechos 23:12 - Quiché Bible

¹² Aretak xsakaric, jujun chque ri aj judeyib xquimulij quib. Xequiban ri chi'nic ri kas cäban na chuxe' c'okonic. Xquibij chi man quewa' ta na mawi quebuq'uian na c'ä cäquicämisaj na ri Pawl.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Saqir chukabꞌ qꞌij, xkimulij kibꞌ jupuq achyabꞌ aꞌj Israel, xkijunamaj kitzij, qas tzij xekꞌojiꞌk xkibꞌij chi man kewaꞌ ta na xuqujeꞌ man ke qumun ta na kꞌa kakamisataj na ri Pablo kumal.

K'iche'

¹² Chucab k'ij chi c'ut jujun chque ri winak aj Israel xjunamataj qui tzij chi cäquicämisaj ri tat Pablo. Xca'n juramento chi cäpe na c'äx pa qui wi' we man cäca'no jas ri xquichomaj, chi man c'o tä jas cäquitij na we ta mat nabe cäquicämisaj ri tat Pablo.

K'iche' (New Orthography)

¹² Chukab' q'ij chi k'ut jujun chke ri winaq aj Israel xjunamataj ki tzij chi käkikämisaj ri tat Pablo. Xka'n juramento chi käpe na k'äx pa ki wi' we man käka'no jas ri xkichomaj, chi man k'o tä jas käkitij na we ta mat nab'e käkikämisaj ri tat Pablo.

Hechos 23:12 Referans Kwoze

Hechos 23:30

Xk'alajisax c'u chnuwäch chi ri aj judeyib queyem we achi ri' che u banic c'ax che, xintak c'u bic uc' la; xukuje' xinbij chque ri quetzujunic chi chequik'alajisaj chwäch la jas ri caquitzujuj wi.”

Hechos 23:21

Macoj c'u la jas ri cäquibij, rumal rech chi e c'o na chquiwäch cawinak (40) cachijab queyem quic'u'm quib, qui banom ri chi'nic ri kas cäban na chuxe' c'okonic chi man quewa' ta na mawi quebuq'uian na, we man nabe cäquicämisaj na ri Pawl. Camic c'ut e c'o chic, cäqueyej chi caya' la tzij la che wa'.”

Hechos 23:14

Ri e are' xebopan cuc' ri e c'amal qui be ri e cojol tabal tok'ob xukuje' ri e qui nimak tak tatayib ri aj judeyib, xquibij: “Ri uj ka banom ri chi'nic ri kas cäban na chuxe' c'okonic chi man c'o ta jas cäkatij na, c'ä cäkacämisaj na ri Pawl.

Salmib 31:13

Quincuinic quinto ri qui jasjatem ri winak, cäquibij: “C'o c'axc'ol pa ronojel c'olbal.” Junam qui banom qui tzij che u banic c'ax chwe; cäquichomaj nu cämisaxic.

Hechos 25:3

Xquitz'onoj jun tok'ob che chrij ri Pawl, chi chuya' takanic chi chc'am ulok ri Pawl chelyok pa Jerusalen. Ri e are' c'ut qui banom jun chomanic chrij chi quequeyej na pa ri be che u cämisaxic.

Ri Jeremiy 11:19

In man c'o ta quinnabej in jacha' jun chij ri cac'am bic pa ri pilibal, man weta'm taj chi cätajin cäban chomanic chwij che u banic c'ax chwe. Je c'u caquibij wa: “Kakasaj ri juwi' che' camic ri c'o pa ronojel ri u räxal, kaboko' pa ri uwächulew quech ri c'asc'oj, rech man c'o ta jun cänatan ta chic.”

Ri Matey 26:4

Xquiban chomanic ruc' subunic rech cäquichap ri Jesus che u cämisaxic.

Ucab Ajawinelab 6:31

Co xurak u chi' ri ajawinel: “¡Chuya' nimalaj c'äjisabal wächaj ri Dios chwe we kas pa ri k'ij camic man quesax ta ri u jolom ri Elisey, ri u c'ojol ri Sapat!”

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

1 Corintios 16:22

We c'o jun ri man culok'ok'ej ta ri Ajawaxel Jesucrist, chäkaj ba' chuxe' c'okonic. ¡Chpet ba' la, Ajawaxel!

Nabe Ajawinelab 19:2

Ri Jezabel xutak jun tako'n che u bixic che ri Eliy: “¡We ri at at Eliy, ri in in Jezabel! Chiquiya' c'u c'axalaj c'äjisabal wächaj ri diosib chwe, we je tak wa' chwek, ma ta je nu banom chawe je jas ri xaban chque we e k'axal tzij ri'.”

Nabe Samuel 14:24

Sibalaj c'u e tuktubinak chic ri aj israelib pa ri k'ij ri', man c'o ta c'u jun c'o jas u tijom rumal rech chi ri Saul xebucoj ri achijab chuxe' chi'nic ri kas cäban na, xcha': “C'okotajinak jachin ri c'o jas cutijo c'ä majok cäkaj ri k'ij, c'ä majok chinch'äcan paquiwi' ri qui banom qui c'ulel chwe.”

Ri Matey 27:25

Conojel ri winak je xquibij wa': “¡Chkaj ri u quiq'uel pakawi' uj xukuje' paquiwi' ri kalc'ual!”

Ri Matey 26:74

Ri Lu' xuchaplej c'okonic, xuban jun chi'nic chi kastzij xcha': “Man weta'm ta u wäch we achi ri'.” Chanim ri ama' ec' xok'ic.

Ri Nehemiy 10:29

xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

Ri Josue 7:15

Jachin c'ut ri c'o pa u k'ab ri ya'tal u sachisaxic u wäch, caporox na querachilaj na ri ralaxic xukuje' conojel ri jastak quech, rumal rech chi xuban jun jasach ri man ya'tal ta u banic pa Israel xukuje' chi man xutz'akatisaj ta ri u c'ulwächinic ri Ajawaxel.”

Ri Josue 6:26

Jun chi'nic ri kas cäban na xcha' c'ut ri Josue: “C'okotajinak chuwäch ri Ajawaxel ri cutijtobej u walijisaxic ri tinimit Jerico. Checoj ri u tac'alibal puwi' ri u c'ojol ri nabeal, puwi' chi c'ut ri q'uisbal u c'ojol quecoj tak ri e u tz'apibal ri oquibal.”

Aj Levitib 27:29

Xukuje' mawi c'o jun winak ri c'okom cuya' quesax chuxe' ri c'okonic man c'o ta u to'tajic kas cäcämisax na.

Ri Josue 7:1

Jun c'ut chque ri ramak' ri Juda, Acan u bi' u c'ojol ri Carmi, ri' u mam ri Zabdi u xiquin u mam ri Zar, xebuc'am quieb oxib jastak chque ri e tasom che u sachisaxic qui wäch, rumal c'u rech wa' conojel ri aj israelib xebux ajchak'maquib chuwäch ri Ajawaxel chi xc'am ri u yo'm wi takanic ri Ajawaxel chi casachisax u wäch. Rumal c'u rech wa' ri Ajawaxel xnicow ri royowal paquiwi' ri aj israelib.

Chapletajic 37:18

Ri e are' xquilo chi petinak chi naj. C'ä majok chnakajinic, xquichomaj apanok jas cäquiban che u cämisaxic.

Ri Jeremiy 44:25

Ri Ajawaxel ri c'o ronojel u cuinem, ri u Dios ri Israel, je cubij wa': ‘Ix ri ix ixokib quibij cuc' ri i chi' quiban c'ut ri quibij. Ix quixcha' chi i chi'm u chi'xic c'oc' k'ol xukuje' tak sipanic re u wa'l uva che ri Ajawinel Ixok re ri Caj, qui tz'akatisaj c'u na ri i chi'm. ¡Utz ba' ri', chi tz'akatisaj chibana' c'ut ri i chi'm u banic!

Hechos 9:23

E oc'owinak chi c'u q'ui k'ij, ri aj judeyib xquimulij quib che u cämisaxic ri Sawl.

Hechos 9:24

Ri are' c'ut xretamaj ri qui chomanic. Ri aj judeyib queyem ri Sawl chquichi' tak ri roquibal ri tinimit chi pa k'ij chi chak'ab rech cäquicämisaj.

Hechos 23:13

E c'o na chuwäch cawinak achijab ri xquiban we chomanic ri'.

2 Corintios 11:26

Q'ui mul nu banom tak binem. Xak quieb xubij panuwi' pa tak nima', pa tak qui k'ab eläk'omab, pa tak qui k'ab ri nu winakil, pa tak qui k'ab ri man aj judeyib taj, pa tak tinimit, pa chaki'j uwo sak, pa ri plo, xukuje' chquixo'l ri cäquijaluj quib chi e kachalal.

1 Tesalonicenses 2:16

Cujquik'atij che qui tzijobexic ri man aj judeyib taj rech quecolotajic. Je cäquiban ri aj judeyib rech cäquitz'akatisaj ri qui mac. Chuq'uisbalil c'ut xpe ri royowal ri Dios paquiwi'.

Ri Ester 2:22

Aretak xretamaj ri Mardoquey we itzel chomanic ri', xutzijoj che ri ixok ajawinel Ester, ri are' xuya' c'u u bixic che ri ajawinel ri xuta' ri Mardoquey.