Hechos 20:26 - Quiché Bible

²⁶ Rumal c'u ri', quink'alajisaj chiwäch pa we k'ij ri' camic, chi we c'o jun cäcäm pa ri u mac, kas chrij quel wi, man nu mac ta chic in.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Rumal riꞌ kamik kinbꞌij chiꞌwe chi man kꞌo ta numak chiꞌwe we kiriq jun alik kamikal.

K'iche'

²⁶ Rumal ri' quinbij chech alak pa we k'ij cämic chi ri in man c'o tä nu mac che jachin jun chech alak we cäsach u wäch.

K'iche' (New Orthography)

²⁶ Rumal ri' kinb'ij chech alaq pa we q'ij kämik chi ri in man k'o tä nu mak che jachin jun chech alaq we käsach u wäch.

Hechos 20:26 Referans Kwoze

Hechos 18:6

Are c'u ri are' xquik'atij u wäch ri u tzij xukuje' xeyok'onic, ri Pawl xutota' ri u k'u', che u c'utic chi man utz taj ri qui banom. Xubij c'u chque: “Kas chiwij quel wi we quixcäm pa ri i mac, man nu mac ta chi in. Camic c'ut quinbe cuc' ri man aj judeyib taj.”

Ri Xuan 12:17

Ri winak ri e c'o ruc' caquiya' k'alajisanic aretak xusiq'uij ri Lazaro chupam ri mukubal, xuc'astajisaj c'u chquixo'l ri cäminakib.

2 Corintios 8:3

Quinbij jas ri xinwilo, chi xquiya' ronojel ri xecuin che u ya'ic xoc'ow chi c'u ne na jubik' u wi' ri xecuin che, ruc' ronojel qui rayibal.

2 Corintios 7:2

¡Chujic'ama' ba' pa iwanima'! Man c'o ta etzelal ka banom che jachin jun; man c'o ta c'ax ka banom che jachin jun; man ka subum ta jachin jun.

2 Corintios 1:23

Quincoj ri Dios che k'alajisanel puwi' ri wanima', chi man in benak ta pa Corint, rumal rech chi quintok'obisaj i wäch.

Romanos 10:2

Che qui to'ic quink'alajisaj chi c'o jun nimalaj qui rayinic che u patanixic ri Dios; man tiquil ta c'u ne we etamanic ri' puwi' jun colomalaj etamanic.

Ri Xuan 19:35

Ri xilowic are cäk'alajisanic, kastzij ri u k'alajisanic. Reta'm c'u ri are' chi cubij ri kastzij, rech xukuje' ri ix quixcojonic.

Ri Job 16:19

C'o jachin jun ri' pa ri caj ri cak'alajisan che u to'ic nu wi',

Ucab Samuel 3:28

C'ä chumatam, aretak xoc pa u jolom ri David, xubij: “Chuwäch ri Ajawaxel, ri in xukuje' ri wajawibal man c'o ta jubik' ka mac che ri u cämisaxic ri Abner, ri u c'ojol ri Ner.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

Ri Jeremiy 42:21

In nu yo'm retamaxic chiwe camic ri xubij ri Ajawaxel ri i Dios chwe chi quinbij chiwe, are c'u ri ix man quiwaj taj quixnimanic.