Hechos 2:46 - Quiché Bible

⁴⁶ Ronojel k'ij quequimulij quib pa ri rachoch Dios, xa' junam qui chomanic, cäquipirila' ri caxlanwa cho tak cachoch, junam cäquic'amala' quech ri wa ruc' quicotemal, ruc' ch'ajch'ojalaj canima'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁶ Ronojel qꞌij xkimulij kibꞌ pa ri Templo, xuqujeꞌ cho taq kachoch, xkijach kiwa chibꞌil taq kibꞌ man xkikꞌekꞌej taj uyaꞌik. Junam xewaꞌik rukꞌ kiꞌkotemal.

K'iche'

⁴⁶ Ronojel k'ij xquimulij quib pa ri nimalaj rachoch Dios, xukuje' xquimulij quib cho tak cachoch ri cojonelab, xquijach ri wa chquiwäch conojel. Junam c'ut xewi'c, xequicotic, man c'o tä jun cuna' pa ranima' chi nim u banic.

K'iche' (New Orthography)

⁴⁶ Ronojel q'ij xkimulij kib' pa ri nimalaj rachoch Dios, xuquje' xkimulij kib' cho taq kachoch ri kojonelab', xkijach ri wa chkiwäch konojel. Junam k'ut xewi'k, xekikotik, man k'o tä jun kuna' pa ranima' chi nim u b'anik.

Hechos 2:46 Referans Kwoze

Hechos 5:42

Ronojel k'ij c'ut quebe pa ri rachoch Dios, quebe cho tak ja, man cäquitänaba' ta ri qui tijonic, man cäquitänaba' ta ri u tzijoxic ri Jesus ri Crist, chque ri winak.

Hechos 2:42

Co c'u xec'oji' conojel chupam ri qui tijonic ri takomxenlab, xukuje' xec'oji' pa ri comonic chquixo'l, cäquipir c'u ri caxlanwa junam, xukuje' cäquimulij quib cäquiban ch'awem.

Hechos 20:7

Pa ri nabe k'ij c'ut re ri seman, xkamulij kib che u piric ri caxlanwa. Ri Pawl xebutijoj ri cojonelab; xtzijon chquiwäch c'ä pa niq'uiaj ak'ab, rumal rech chi chucab k'ij quel na bic chila'.

Salmib 86:11

Ajawaxel, chc'utu' la ri be la chnuwäch, rech quintakej ruc' colomal. Chbana' la chi ri wanima' nim cäril wi ri bi' la.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Hechos 16:34

Xebuc'am bic cho rachoch, xucoj mexa chquiwäch. C'o nimalaj quicotemal pa ranima' ri achi xukuje' conojel ri e c'o pa rachoch, rumal rech chi xecojon che ri Dios.

Colosenses 3:22

Ix lok'om tak pataninelab, chebinimaj ri iwajaw waral cho ri uwächulew pa ronojel. Chebipatanij, man xuwi ta c'ut aretak quixquilo rech quixkaj chquiwäch, xane' ruc' ronojel iwanima', chixe'j iwib chuwäch ri Dios.

Romanos 12:8

Ri u c'amom ri sipanic che u ya'ic chajin anima'aj, chucojo' ri u k'ij che u ya'ic chajin animaj. Ri cäyanic chyan ruc' ronojel animaj; ri yo'm rekle'n utz ruc'axic ri rekle'n chubana'; ri cuya' to'banic chque ri e c'o qui rajawaxic chubana' ruc' quicotemal.

Ri Nehemiy 8:10

Xubij chi na ri Esdras chque: “Jix, jebe i tija' utzalaj tak jastak, chiwuq'uiaj qui' u wa'l uva chebiwula'j jachin tak ri man c'o ta qui suc'umam, jun k'ij c'u wa' ri tasom che ri Kajawaxel ri ka Dios. Man quixbison taj, are c'ut ri u quicotemal ri Ajawaxel are cayo'w ka chuk'ab.”

Ri Lucax 24:53

Amak'el c'ut e c'o pa ri rachoch Dios, cäquik'ijilaj ri Dios.

Ri Tzijonel 9:7

¡Jo' ba'! chatakej u tijic ri wa ri catijo; chatquicot che ruq'uiaxic ri u wa'l uva, ri cawuq'uiaj e kajinak c'u chuwäch ri Dios ri e a banoj.

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

2 Corintios 11:3

Quinxe'j c'u wib chi je jacha' ri cumätz xusub ri Eva ruc' ri u nawinic, xukuje' ri ix quiya' iwib pa subic, quequitas ta c'u quib ri e i chomanic che ri ch'ajch'oj xukuje' ri jicalaj u k'ijilaxic ri Crist.

Hechos 5:21

Aretak xquita' wa', sibalaj ak'ab xeboc bic pa ri rachoch Dios, xequitijoj ri winak. Are' c'u ri qui nimal ri e cojol tabal tok'ob xukuje' ri e c'o ruc' xebequimulij ri k'atal tak tzij chquixo'l ri aj israelib che jun nimalaj mulin ib junam cuc' ri e nimak tak tatayib. Xetakan bic pa che' che qui c'amic ulok ri takomxenlab.

Hechos 3:1

C'o c'u jun k'ij, ri Lu', rachil ri Xuan junam cätajin quebopan pa ri rachoch Dios pa ri urox jok'otaj benak'ij, are jok'otaj wa' ri cäban ch'awem ruc' Dios.

Ri Lucax 24:30

Aretak ri Jesus c'o cuc' pa ri mexa, xuc'am ri wa, xumaltioxij che ri Dios, xuya' chquiwäch.

Ri Matey 6:22

“Ri u chäj ri cuerp are ri bak'wächaj. We c'u utz ri a bak'wäch, ronojel ri' ri a cuerp c'o u chäj.

U Camulixic ri Pixab 12:12

Quiban c'u na nimak'ij chuwäch ri Ajawaxel ri i Dios, quebiwachilaj tak ri e i c'ojol, ri pataninel tak iwech, xukuje' ri aj levitib ri e jekel chixo'l, man c'o ta c'u ch'akap culew quechben che ri iwulew.

Efesios 6:5

Ri ix lok'om pataninelab, chebinimaj ri e iwajaw waral cho ri uwächulew. Nim chebiwila' wi, china' iwib chquiwäch, chebinimaj ruc' ronojel iwanima', je ta ne are ri Crist quipatanij.

Ri Lucax 11:41

Chic'ama' ba' ri c'o pa ri lak, chiya' chque ri mebayib. Je c'u ri' conojel ri jastak e ch'ajch'oj chiwäch.

U Camulixic ri Pixab 12:7

Quixwa' na chila', chuwäch ri Ajawaxel ri i Dios quebiwachilaj tak ri e iwalc'ual quixquicot c'u na che ri u wächinic ri i chac ri ix u tewichi'm wi ri Ajawaxel ri i Dios.

1 Corintios 10:16

Aretak cakuq'uiaj ke che ri tewichimalaj kumubal ri rumal cakaya' maltioxinic che ri Dios cakajunaj kib ruc' ri Crist pa ri u cämical; aretak cäkatij ri caxlanwa ri cakapiro, cakajunaj kib ruc' ri Crist pa ri u cuerp.