Hechos 2:30 - Quiché Bible

³⁰ Are c'u ri David k'axal tzij, xukuje' reta'm chi ri Dios u banom ri chi'nic ri kas cäban na pa ri u bi' chi jun chque ri e rija'lil cucoj na che ajawinel.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁰ Ri David rumal cher jun qꞌalajisal utzij ri Dios, retaꞌm chi ri Dios uchiꞌm loq chi jun chike ri e ralkꞌwaꞌl kataqan na pa kiwiꞌ ri tinimit.

K'iche'

³⁰ Ketam c'ut chi ri ka mam David are jun k'alajisal re ru Lok' Pixab ri Dios, ri are c'ut xucoj ri tzij ri xubij ri Dios che ruc' juramento, chi jun chque ri rachalaxic ri quil na u wäch pa tak ri k'ij ri quepe na, are ri Cristo ri cäyi' na takanic pu k'ab. Coc che Nim Takanel je' jas ri ka mam David.

K'iche' (New Orthography)

³⁰ Qetam k'ut chi ri qa mam David are jun q'alajisal re ru Loq' Pixab' ri Dios, ri are k'ut xukoj ri tzij ri xub'ij ri Dios che ruk' juramento, chi jun chke ri rachalaxik ri kil na u wäch pa taq ri q'ij ri kepe na, are ri Cristo ri käyi' na taqanik pu q'ab'. Kok che Nim Taqanel je' jas ri qa mam David.

Hechos 2:30 Referans Kwoze

Ucab Samuel 23:2

Ri Ruxlabal ri Ajawaxel cäch'aw wumal in; ri u tzij c'o puwi' ri wak'.

2 Pedro 1:21

Ri qui tzij c'ut ri k'axal tak tzij man xpe ta ojer xa' rumal ri u rayibal jun winak, xane' e winak ri xquiya' quib pa u k'ab ri Dios ri xetzijonic, xya' qui no'j rumal ri Ruxlabal ri Dios.

2 Timoteo 2:8

Chnataj ri Jesucrist chawe, ri rija'l ri David, ri xc'astaj chquixo'l ri cäminakib, jas ri cubij ri tzij re colobal ib ri quintzijoj.

Romanos 1:3

Ri utzalaj tak tzij are caquitzijoj ri u C'ojol ri Dios, ri xpe pa ri rija'l ri David.

Marcos 12:36

Kas are c'u ri David xubij can rumal ri Ruxlabal ri Dios: Xubij ri Ajawaxel che ri Wajaw: ‘Chatt'uyul pa nu wiquiak'ab, c'ä quebencoj na ri a c'ulel che qui tac'alibal ri e awakan.’

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Hebreos 7:21

Aretak xcoj ri Ajawaxel, xban jun chi'nic ri kas cäban na. Ri Dios xubij che: “Xubij ri Ajawaxel ruc' chi'nic ri kas cäban na, man cuq'uex ta c'u ri u chomanic: ‘At cojol tabal tok'ob chbe k'ij sak.’ ”

Hebreos 6:17

Rumal ri' ri Dios xch'aw ruc' ri chi'nic ri kas cäban na, che u c'utic chquiwäch ri quechben na ri u bim, chi man cuq'uex ta na ri u chomanic.

Hebreos 4:7

Rumal ri', jumul chic ri Dios xuchomaj jun k'ij, are ri camic. Oc'owinak chi q'ui junab, xubij rumal ri David, jas ri bim canok: “We quito jas cubij ri Dios camic, micowirisaj ri iwanima'.”

Hebreos 3:7

Rumal ri', jas ri cubij ri Ruxlabal ri Dios pa ri Tz'ibatalic: “We quito jas cubij ri Dios camic,

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

Hechos 1:16

“Kachalal, rajawaxic cäbantaj na jas cubij ri Tz'ibatalic, ri xubij can ri Ruxlabal ri Dios pa u chi' ri David, chrij ri Judas ri xc'amow qui be ri xeyutuw ri Jesus.

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Matey 27:35

Aretak qui ripom chic, xiquijach ri ratz'iak chquiwäch ruc' taklebenic.

Ri Matey 22:43

Ri Jesus xubij chque: “¿Jas c'u che cäbix Wajaw che rumal ri David, rumal ri Uxlabaxel? Xubij c'ut ri David:

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Jeremiy 30:9

Quinupatanij c'u na ri in, ri Rajawaxel xukuje' Dios, xukuje' che David, ri quincoj na in che rajawinel.”

Hebreos 1:1

Ri Dios q'ui mul xebuch'abej can ri e ka mam ojer, q'ui qui ch'abexic xubano cumal ri k'axal tak tzij.