Hechos 2:17 - Quiché Bible

¹⁷ ‘Cac'ulmataj na chi pa ri q'uisbal tak k'ij, cächa ri Dios, quinjamij na ri Wuxlabal paquiwi' conojel ri winak. Ri e i c'ojol xukuje' ri e i mia'l quequik'axej na ri nu tzij chque ri winak, ri c'a e ac'alab quequil na c'utwächinic, ri e ri'jab quebichic' tak na.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Ri Dios kubꞌij: Pa ri kꞌisbꞌal taq qꞌij kintaq loq ri Tyoxalaj Uxlabꞌixel pa kiwiꞌ konojel winaq. Ri iꞌkꞌojol xuqujeꞌ ri iꞌmiꞌal kakiqꞌalajisaj na ri tzij ri kinya chike. Ri akꞌal taq alabꞌom kakil na ri kakꞌut chkiwach, Ri achyabꞌ kaꞌchikꞌ na.

K'iche'

¹⁷ Ri Dios cubij: Pa ri q'uisbal tak k'ij quintak na bi ri Lok'alaj Espíritu wech in pa qui wi' conojel winak, —cächa'. Ri i c'ojol xukuje' ri i mia'l cäquik'alajisaj na ri tzij ri quinya chque. Ri alabom ri e c'o chixol c'o ri cäquil na ri quinc'ut chquiwäch, ri tata'ib c'ut ri c'o chi ri qui junab c'o ri cäquil na pa ri cachic', —cächa'.

K'iche' (New Orthography)

¹⁷ Ri Dios kub'ij: Pa ri k'isb'al taq q'ij kintaq na b'i ri Loq'alaj Espíritu wech in pa ki wi' konojel winaq, —kächa'. Ri i k'ojol xuquje' ri i mia'l käkiq'alajisaj na ri tzij ri kinya chke. Ri alab'om ri e k'o chixol k'o ri käkil na ri kink'ut chkiwäch, ri tata'ib' k'ut ri k'o chi ri ki junab' k'o ri käkil na pa ri kachik', —kächa'.

Hechos 2:17 Referans Kwoze

Ri Isaiy 44:3

quenbana' c'u na chi cäbin ja' pa ri chaki'j uwo sak, binel tak ja' pa ri chaki'j ulew. Ri in quinya' na c'ac' qui c'aslemal ri e awija'lil, quintak na ri nu tewichibal paquiwi'.

Hechos 10:45

Ri cojonelab, ri aj judeyib ri e achilaninak ri Lu', xquimayo chi ri Ruxlabal ri Dios xya'taj xukuje' chque ri man aj judeyib taj.

Ri Xuan 7:39

Xubij wa' chrij ri Uxlabaxel ri cäquic'am na ri winak ri quecojon che ri are'. C'ä maja' c'u ne cäpe ri Uxlabaxel, rumal rech chi c'ä maja' cajuluwirisax ri Jesus.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Ezequiel 11:19

In quinwesaj ri cowilaj canima' ri jacha' abaj, quinya' c'u na jun c'ac' canima' xukuje' jun cac' cuxlabal.

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

Ri Lucax 3:6

Ronojel winak caril na ri colobal ib ri cuya' ri Dios.’ ”

Hechos 21:9

Ri Pelip e c'o quiejeb u mia'l k'apojib. Ri e are' e k'axal tak tzij.

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

2 Pedro 3:3

Iweta'm chi c'u wa', chi pa ri q'uisbal tak k'ij quepe na winak ri cäquetz'bej u wäch ri jastak aj Dios, are cäquiban na ri etzelal re qui rayibal ri e are',

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

Romanos 5:5

Aretak cu'l ka c'u'x chrij ri Dios, man quel ta ka q'uixbal, rumal rech chi ri kanima' nojisam che ri lok'ok'ebal u c'u'x ri Dios rumal ri Ruxlabal ri Dios ri yo'm chke.

Ri Ezequiel 39:29

Man c'u quebenxutuj ta chi canok, nu jamin c'ut ri nu cuinem puwi' ri tinimit Israel. In, ri Ajawaxel, quinjiquiba' u bixic.”

Ri Isaiy 66:23

Chi ic' c'ut, aretak cäpe ri c'ac' ic', chuwukutak k'ij c'ut, ri k'ij rech ri uxlanem, conojel ri winak quepe na quelquimeja' na quib chnuwäch. In, ri Ajawaxel, nu bim.

Ri Zacariy 2:13

¡Chi ronojel ri uwächulew chi yinil chuwäch ri Ajawaxel, cäpe c'ut ri are' kuc' quel ulok kas chupam ri tastalic c'olbal jawije' ri jekel wi!

Ri Isaiy 2:2

Pa ri q'uisbal tak k'ij junab, cäjiquibax na u bixic ri juyub ri cariktaj wi ri rachoch ri Ajawaxel. Are juyub wa' ri sibalaj naj quel na chicaj, ri sibalaj naj elinak chicaj chuwäch apachique jun juyub chic. Ronojel c'u qui wäch nimak tak tinimit quebopan na chila',

E C'ambal tak Tzij 1:23

Chebitatabej ri e nu pixbenic quixinnojisaj c'u na ruc' no'jinic; quebenya' c'u na quetamaxic tak ri e nu chomanic chiwe.

Salmib 72:6

Chux junam ruc' ri jäb xukuje' ri räxk'ab, ri cäquijaj ri ulew xukuje' ri k'ayes.

Ri Xuan 17:2

Je jacha' ri yo'm la takanic pa u k'ab puwi' conojel winak, rech cuya' junalic c'aslemal chque conojel ri e yo'm la che.

Ri Miquey 4:1

Chquipam ri q'uisbal tak k'ijol co cacanaj na ri juyub ri cäriktaj wi ri rachoch ri Ajawaxel. Are c'u juyub wa' ri sibalaj naj elinak na chicaj; ri sibalaj naj elinak na chicaj chuwäch apachique chi jun juyub. Conojel ri nimak tak tinimit quepe na ruc';

Ri Isaiy 40:5

C'äte ri' cuc'ut na ri Ajawaxel ri u juluwem, conojel c'u ri winak junam cäquil na. Kas are' c'ut ri Ajawaxel yowinak u bixic.”

Chapletajic 49:1

Ri Jacob ri nim winak chic xebusiq'uij ri e u c'ojol, xubij chque: “Chixkeb ulok, quinya' c'u can u bixic chiwe jas ri quic'ulmaj na:

Ri Isaiy 49:26

Quincoj na chuk'ab chque ri xebanow c'ax chawe che u tijic ri kas qui ti'jal, quek'abar c'u na ruc' ri qui quiq'uel jacha' u tijic u wa'l uva. Jeri', conojel ri winak cäquetamaj na chi in ri Ajawaxel, in a colonel; chi in, ri cuinelaj u Dios ri Jacob, in ri torol awech.”

Santiago 5:3

Ri i k'an puak xukuje' ri i sak puak qui chulum chi quib. Ri qui pusil cuk'alajisaj na jas ri i banom, cusach c'u na i wäch jacha' ri k'ak'. I mulin i k'inomal chque ri q'uisbal tak k'ij.

Ri Daniel 10:14

In petinak c'u che u k'alajisaxic ri cuc'ulmaj na ri a tinimit pa ri q'uisbal tak k'ijol ri quepe na, ri c'utwächinic c'ut ri awilom are' cubij we k'ijol ri'.’

Chapletajic 6:12

Conojel ri winak e uxinak nimak tak ajmaquib. Aretak xril ri Dios chi sibalaj nojinak ronojel ri uwächulew che ri etzelal,

Salmib 65:2

cätatabej c'u la ri ch'awem ri cäban che la! Conojel ri winak quepe na che tzucuxic la.

Hechos 11:28

Jun chque wa' are Agab u bi', ri are' xtaq'ui'c, xuk'alajisaj rumal ri Uxlabaxel chi cäpe na jun nimalaj wi'jal cho ronojel ri uwächulew. Xpe c'u wa' pa tak ri k'ij aretak ri Clawd are k'atal tzij.

Hechos 2:16

Xane' are wa' ri bim can rumal ri Joel ri k'axal tzij, aretak xubij:

Hechos 2:18

Xukuje' quinjamij na ri Wuxlabal paquiwi' ri e pataninel tak wech chi achijab chi ixokib, pa tak ri k'ij ri', quequik'axej na ri nu tzij.

Hechos 2:33

Ri Jesus xwalijisaxic rech quet'uyul pa ri u wiquiak'ab ri Dios, xuc'am c'u che ri Tataxel ri Ruxlabal ri Dios ri chi'm ulok, ri xujachala' ri are'. Are' wa' ri ilom alak xukuje' e tatabem alak.

Hechos 11:27

Pa tak ri k'ijol ri' xebel ulok jujun k'axal tzij pa Jerusalen, xebopan pa Antioquiy.