Hechos 19:8 - Quiché Bible

⁸ Xoc bic ri Pawl pa ri ja ri cäquitijoj wi quib ri aj judeyib che ri pixab. Xucoj u chuk'ab chila' che u tzijoxic ri utzalaj tak tzij, man xuxe'j ta rib. Oxib ic' xuban chomanic cuc', xebuya' pa sak chrij ri rajawibal ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri Pablo oxibꞌ ikꞌ xtzijonik xuqujeꞌ xmenkꞌetinik chirij ri ajawarem rech ri Dios pa ri Sinagoga.

K'iche'

⁸ Ri tat Pablo, oxib ic' xutakej opanem pa ri rachoch Dios ri cäquimulij wi quib ri winak aj Israel, ri xutzijoj wi ru Lok' Pixab ri Dios, man cuxej tä c'u rib. Xucoj u chuk'ab che qui tzijobexic ri winak chrij ru takanic ri Dios, xukuje' chuc'utic chquiwäch chi are kas tzij ri tajin cubij chque.

K'iche' (New Orthography)

⁸ Ri tat Pablo, oxib' ik' xutaqej opanem pa ri rachoch Dios ri käkimulij wi kib' ri winaq aj Israel, ri xutzijoj wi ru Loq' Pixab' ri Dios, man kuxej tä k'u rib'. Xukoj u chuq'ab' che ki tzijob'exik ri winaq chrij ru taqanik ri Dios, xuquje' chuk'utik chkiwäch chi are qas tzij ri tajin kub'ij chke.

Hechos 19:8 Referans Kwoze

Hechos 1:3

Aretak elinak chi chupam ri c'ax ri xuriko, c'aslic xutac'aba' rib chquiwäch. Q'ui jastak xuban cuc' rech cäquetamaj chi kastzij c'aslic. Cawinak (40) k'ij xuc'utula' rib chquiwäch, xutzijola' ri rajawibal ri Dios chque.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Ri Juds 1:3

Lok'alaj tak wachalal, sibalaj xinwaj xintz'ibaj ta chiwe chrij ri kacoltajem junam iwuc'. Camic c'ut rajawaxic quintz'ibaj bic chiwe che i pixbexic chi kas quitij i chuk'ab che u bixic chi kastzij ri cojonic ri xa jumul yo'm chque ri tastalic tak winak.

Hechos 19:9

E c'o c'u jujun xquicowirisaj ri canima', man xecojon taj. Ri e are' xquiyok' ri C'ac' Be chquiwäch ri winak. Rumal ri' ri Pawl xutas rib chquij, xebuc'am bic ri cojonelab pa ri ja ri cätijon wi jun achi Tiran u bi'. Ronojel k'ij xuban chomanic cuc' chila'.

Hechos 18:19

Xebopan c'u pa Epes. Xutas rib chquij ri Aquil xukuje' ri Prisil. Xoc pa ri ja ri cäquitijoj wi quib ri aj judeyib che ri pixab. Xebutzijobej c'ut ri aj judeyib ri caquimulij quib chila'.

Hechos 18:4

Ronojel k'ij re uxlanem cäbe ri Pawl pa ri ja ri cäquitijoj wi quib ri aj judeyib che ri pixab. Cucoj c'u u chuk'ab rech caquiq'uex qui c'u'x ri aj judeyib xukuje' ri man aj judeyib taj.

Hechos 17:17

Rumal ri' xbe pa ri ja ri cäquitijoj wi quib ri aj judeyib che ri pixab. Chila' cätzijon wi cuc' ri aj judeyib xukuje' niq'uiaj winak chic ri cäquik'ijilaj ri Dios. K'ij c'ut chi k'ij cachomanlan cuc' ri winak ri caquimulij quib cho ri c'ayibal.

Hechos 14:1

Chila' pa Icon, xeboc bic ri Pawl xukuje' ri Bernabe pa ri ja ri cäquitijoj wi quib ri aj judeyib che ri pixab, xetzijon chila'. Jeri' chi e q'ui chque ri aj judeyib xukuje' ri man aj judeyib taj xecojonic.

Hechos 13:46

Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

Hechos 13:14

Ri e are' c'ut xeboc'ow pa Perje, xebe pa Antioquiy re Pisid. Pa jun k'ij re uxlanem, xeboc pa ri ja ri cäquitijoj wi quib ri aj judeyib che ri pixab, xet'uyic.

Hechos 18:26

Ri Apols xuchaplej tzijonic pa ri ja ri cäquitijoj wi quib ri aj judeyib che ri pixab. Xucoj u chuk'ab che ri tzijonic, man cuxe'j ta rib. Aretak xquita' ri Prisil xukuje' ri Aquil, xquic'am bic cuc'. Xquic'ut ri u be ri Dios chuwäch, ruc' tz'akatil.

Hechos 19:7

Cäraj e cablajuj ri achijab.

Hechos 19:10

Quieb junab c'ut je xquibano. Jeri' chi conojel ri e c'o pa Asiy, chi aj judeyib chi man aj judeyib taj, xquita' ri u tzij ri Ajawaxel.

Hechos 20:31

Rumal c'u ri' chixc'asc'atok. Chnataj chiwe jas xinban in chixo'l. Oxib junab chi chak'ab chi pa k'ij, man xintanaba' ta i pixbexic chijujunal cuc' tak ok'ej.