Hechos 18:26 - Quiché Bible

²⁶ Ri Apols xuchaplej tzijonic pa ri ja ri cäquitijoj wi quib ri aj judeyib che ri pixab. Xucoj u chuk'ab che ri tzijonic, man cuxe'j ta rib. Aretak xquita' ri Prisil xukuje' ri Aquil, xquic'am bic cuc'. Xquic'ut ri u be ri Dios chuwäch, ruc' tz'akatil.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Ri Priscila rachiꞌl ri Aquila are xkito tajin kutzijoj ri utzij ri Dios pa ri Sinagoga rukꞌ chuqꞌabꞌ, xkisikꞌij utukel xkibꞌij che ri ubꞌel usukꞌ ri utzij ri Dios.

K'iche'

²⁶ Ri tat Apolos xuchaplej u tzijoxic ru Lok' Pixab ri Dios pa ri rachoch Dios, man cuxej tä rib. Aretak c'ut xquitatabej ri nan Priscila, ri tat Aquila, xquic'am bi pa u tuquiel wi, xquik'alajisaj c'u chuwäch jas ri kas tzij chrij ru beyal ri cojonic chrij ri Dios.

K'iche' (New Orthography)

²⁶ Ri tat Apolos xuchaplej u tzijoxik ru Loq' Pixab' ri Dios pa ri rachoch Dios, man kuxej tä rib'. Aretaq k'ut xkitatab'ej ri nan Priscila, ri tat Aquila, xkik'am b'i pa u tukiel wi, xkiq'alajisaj k'u chuwäch jas ri qas tzij chrij ru b'eyal ri kojonik chrij ri Dios.

Hechos 18:26 Referans Kwoze

Hebreos 6:1

Katakej ba' takenic c'ä catz'akat na ri ka junab, c'o na ri chketamaj chquiwäch ri nabe tak etamanic aj Crist. Makatakej quetamaxic ri nabe tak jastak ri e ketamam nabe jacha' ri q'uexoj c'uxaj che qui takexic ri qui banic ri chac ri quec'aman bic pa ri cämical, ri cojonic che ri Dios,

1 Corintios 12:21

Ri bak'wächaj man cuya' taj cubij che ri k'abaj: “Man at rajawaxic ta chwe.” Xukuje' ri jolomaj man cuya' taj cubij chque ri akanaj: “Man ix rajawaxic ta chwe.”

Hechos 18:25

Ri are' tijom che ri u be ri Ajawaxel. Sibalaj c'o u chuk'ab pa ri u tzij. Quebutijoj ri winak cutzijoj ri Jesus ruc' tz'akatiquil, xak xuwi c'u ne reta'm chi ri Xuan cuban qui bautism ri winak re q'uexbal c'uxaj.

Hechos 14:3

Pune' c'u ruc' ronojel wa', q'uialaj k'ij xesachi' chila'. Xquicoj qui chuk'ab che u tzijoxic ri utzalaj tak tzij, man xquixe'j ta quib. Xquijiquiba' qui c'u'x chrij ri Ajawaxel. Ri Ajawaxel c'ut xuk'alajisaj chi kastzij ri cäquibij chrij ri u tok'ob, xuya' chque chi queban tak etal xukuje' mayibal cumal.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

1 Corintios 3:18

C'o jun musub rib. We c'o jun chixo'l ri cuchomaj chi c'o u no'j chquixo'l ri winak cho ri uwächulew camic, chubana' rib chi con, rech cäc'oji' u no'j.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Hechos 8:31

Ri aj Etiopiy xubij: “¿Jas ta quinban che u ch'obic, we man c'o jachin cäc'utuw chnuwäch?” Xuta' tok'ob che ri Pelip chi chpakalok, cht'uyul ruc'.

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Ri Lucax 24:27

Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

Ri Lucax 19:26

Ri ajawinel xubij chque: ‘Quinbij chiwe chi jachin ri c'o jas c'o cuc', cäyataj chi na niq'uiaj chque. Apachin c'u ri man c'o ta c'o ruc', ri jubik' ri c'o ruc' quesax na che.

Marcos 10:15

Kastzij quinbij chiwe, chi apachin ri man cuc'am ta ri rajawibal ri Dios jacha' ri jun ac'al ch'utin, man coc ta na chupam.”

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

E C'ambal tak Tzij 25:12

Jacha' jun mulk'ab xukuje' jun chachal re k'an puak ri coc' na, are je cuban wa' ri aj no'jalaj k'iloj ib che ri reta'm u c'amowaxic.

E C'ambal tak Tzij 9:9

Chatyan che ri ajno'j cux c'u na sibalaj ajno'j; chatijoj ri utzalaj winak cac'uxan c'u na ri retamanic.

E C'ambal tak Tzij 1:5

Ri c'o u no'j xukuje' u c'oxomanic quebutatabej, we c'u je cuban wa' cäq'uiy c'u na u wi' ri u no'j xukuje' ri esbal u no'j

1 Corintios 8:2

We c'o jun cuchomaj chi c'o retamabal, c'ä maja' reta'm ri' jas ri rajawaxic cäretamaj.

Hechos 18:18

Q'ui k'ij xcanaj chi na' ri Pawl pa Corint. Xebuya' c'u can ri achalal, xbe puwi' ri plo, xbe pa Siriy. Xachilax bic cumal ri Prisil xukuje' ri Aquil. Xusocaj ri u wi' pa Sencrey, rumal rech chi u bim ulok jun kastzij.

Hechos 19:8

Xoc bic ri Pawl pa ri ja ri cäquitijoj wi quib ri aj judeyib che ri pixab. Xucoj u chuk'ab chila' che u tzijoxic ri utzalaj tak tzij, man xuxe'j ta rib. Oxib ic' xuban chomanic cuc', xebuya' pa sak chrij ri rajawibal ri Dios.