Hechos 18:21 - Quiché Bible

²¹ Xane' xebujach canok, xubij: “Quintzelej chi na ulok jumul iwuc', we cäraj ri Dios.” Xel bic pa Epes pa jun nim jucub.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Are kꞌu jubꞌiqꞌ karaj keꞌek, xubꞌij kan chike: We karaj ri Dios, kintzalij la waꞌ. Xel kꞌu bꞌik pa ri tinimit Éfeso.

K'iche'

²¹ Xeuya c'u canok, xubij can chque: Rajwaxic quinc'oji na pa ri tinimit Jerusalén che roc'owisaxic ri nimak'ij ri cäpetic. Quintzelej chi c'u na lok che ilic alak we are u rayinic ri Dios, —xcha can chque. Xoc c'u bi pa jun barco, xel bi pa ri tinimit Éfeso.

K'iche' (New Orthography)

²¹ Xeuya k'u kanoq, xub'ij kan chke: Rajwaxik kink'oji na pa ri tinimit Jerusalén che rok'owisaxik ri nimaq'ij ri käpetik. Kintzelej chi k'u na loq che ilik alaq we are u rayinik ri Dios, —xcha kan chke. Xok k'u b'i pa jun barco, xel b'i pa ri tinimit Éfeso.

Hechos 18:21 Referans Kwoze

1 Corintios 4:19

Quinbe chanim iwuc', we jeri' ri u rayibal ri Ajawaxel. Quinwetamaj c'u na jas quecuin che u banic ri quetzelam quib, man xuwi ta ri qui tzij.

Santiago 4:15

Mibij ba' ri tzij ri' che ri quiban na. Are ta ne quibij wa': “We cäraj ri Ajawaxel, cujc'asi' na rech cäkaban ri' o cäkaban wa'.”

Hebreos 6:3

Quekaban c'u wa', we je cuya' ri Dios.

Romanos 15:32

Chibana' ch'awem ruc' Dios rech quinopan na iwuc' ruc' quicotemal, rumal ri u rayibal ri Dios, quinuxlan c'u na iwuc'.

Romanos 1:10

Quinbochi'j amak'el ri Dios rech, cuya' na jun k'ij chwe, quinbe iwuc' aretak chraj ri are'.

Hechos 20:16

U chomam chi c'u ri Pawl chi xak coc'ow chuwäch ri Epes. Man cäraj taj cutzak u k'ij pa Asiy. Cäraj c'ut cäbe aninak, rech cäroc'owisaj ri nimak'ij quech ri cawinak lajuj k'ij (50) pa Jerusalen, we cäcuinic.

1 Pedro 3:17

Are c'u utz na aretak quirik c'ax rumal ri u banic utzil, we jeri' cäraj ri Dios, chuwäch ri u rikic c'ax rumal ri u banic etzelal.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

1 Corintios 16:7

Man quinwaj taj chi xak ta xuwi quixinca'yej canok, weye'm c'ut chi quincanaj jun k'ijol iwuc', we cuya' ri Ajawaxel Jesus chwe;

Hechos 21:14

Man c'u xujcuin ta che u ch'äquic, xak xkaya' be che, xkabij: “Are chban ri u rayibal ri Ajawaxel.”

Hechos 19:21

Aretak e bantajinak chic we jastak ri', ri Pawl xuchomaj pa ranima' chi cäbe pa Jerusalen, coc'ow na bic pa Masedon xukuje' pa Acay. Xubij: “Aretak in c'olinak chic chila', cajwataj chwe chi xukuje' quenwila na ri Rom.

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

Ri Lucax 9:61

C'o chi c'u na jun xubij che: “Quinterenem che la, Wajaw. Ya' ba la chwe chi nabe quebench'abextaj na can ri aj uwo wachoch.”

Ri Matey 26:39

Ri Jesus xnabej apan jubik', xxuquic, xukasaj ri u palaj cho ri ulew. Xuban ch'awem ruc' Dios, xubij: “Nu Tat, we cuya'o, xak choc'ow we uq'uiabal re c'axc'olil ri' chwe. Man are ta c'ut jas ri quinwaj, xane' are jas ri caj la.”

U Camulixic ri Pixab 16:1

“Aretak curik ri ic' Abib, quinimak'ijaj ri Oc'owem che u ya'ic u k'ij ri Ajawaxel ri i Dios, pa jun chak'ab c'ut re we ic' ri', ri Ajawaxel ri i Dios xixresaj ulok pa Ejipt.

Marcos 6:46

Aretak e u jachom chi bic, xbe pa ri juyub che u banic ch'awem ruc' Dios.

Hechos 18:19

Xebopan c'u pa Epes. Xutas rib chquij ri Aquil xukuje' ri Prisil. Xoc pa ri ja ri cäquitijoj wi quib ri aj judeyib che ri pixab. Xebutzijobej c'ut ri aj judeyib ri caquimulij quib chila'.

Hechos 18:20

Xbochi'x cumal wa' chi cäcanaj can q'ui k'ij cuc'. Are c'u ri Pawl man xraj taj.

Hechos 18:24

Xopan c'u jun aj judey pa Epes, Apols u bi'. Are aj Alejandriy, cäna'w che tzijonic, kas reta'm ri Tz'ibatalic.

Hechos 19:1

Aretak c'ä c'o ri Apols pa Corint, ri Pawl xoc'ow pa tak ri juyub. Te c'u ri' xopan pa Epes, ri xeburik wi jujun cojonelab.

Hechos 19:17

Xetamax c'u wa' cumal conojel ri e c'o pa Epes, chi aj judeyib chi man aj judeyib taj. Conojel xquixe'j quib. Xnimarisax c'u u k'ij ri u bi' ri Ajawaxel Jesus.

Hechos 21:29

Quilom c'u can ri Tropim aj Epes ruc' ri Pawl pa ri tinimit; pa ri qui chomanic c'ut chi ri Pawl xucoj bic pa ri rachoch Dios.

1 Corintios 15:32

We jas ri u beya'l ri winak xinch'ojin cuc' ri c'analaj tak awaj pa Epes, ¿jas ta quinwechbej? We man quec'astaj ri cäminakib, “chujwokok, chujuq'uianok, chwek c'ut cujcämic.”

1 Corintios 16:8

quinc'oji' na can pa Epes c'ä pa ri nimak'ij re cawinak lajuj k'ij.

Efesios 1:1

In Pawl, u takomaxel ri Jesucrist rumal ri u rayibal ri Dios, quintz'ibaj we wuj ri' chque ri winak ri e rech ri Dios ri e c'o pa Epes ri e cojonelab che ri Crist Jesus.

Apocalipsis 1:11

ri xubij chwe: “Ri cawilo chatz'ibaj pa jun wuj, chataka' c'u bic chque ri wukub comon cojonelab ri e c'o pa Asiy: che ri c'o pa Epes, che ri c'o pa Smirn, che ri c'o pa Pergm, che ri c'o pa Tiatir, che ri c'o pa Sards, che ri c'o pa Piladelp, xukuje' che ri c'o pa Laodisey.”

Apocalipsis 2:1

“Chatz'ibaj che ri u tako'n ri comon cojonelab pa Epes: ‘Ri e c'o ri wukub ch'imil pa u k'ab re u wiquiak'ab, ri cäbin pa qui niq'uiajil ri wukub tzuc'ulibal re k'an puak, je cubij wa':