Hechos 17:26 - Quiché Bible

²⁶ Xa' c'u che jun achi xeresaj wi conojel ri nimak tak tinimit, rech quec'oji' cho ronojel ri uwächulew. U c'utum chi ulok ri k'ij xukuje' ri c'olbal ri cäcoc'owisaj wi ri qui c'aslemal waral cho ri uwächulew,

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Xa jun achi xukoj che kikꞌiyarisaxik ri winaq cho ri uwachulew. Kꞌamajaꞌ kutik ri achi are xuchomaj jas jeꞌ kubꞌan na jas jeꞌ kanoꞌjin na, xuqujeꞌ ri kꞌolibꞌal ri kakꞌojiꞌ wi na.

K'iche'

²⁶ Chrij xa jun winak ri Dios xeresaj wi conojel qui wäch winak rech quec'oji cho ronojel ruwächulew. Xukuje' xuchomaj janipa' junab ri quec'asi'c, xukuje' jawije' ri quejeki wi, u c'utum c'u ronojel wa' chquiwäch.

K'iche' (New Orthography)

²⁶ Chrij xa jun winaq ri Dios xeresaj wi konojel ki wäch winaq rech kek'oji cho ronojel ruwächulew. Xuquje' xuchomaj janipa' junab' ri kek'asi'k, xuquje' jawije' ri kejeqi wi, u k'utum k'u ronojel wa' chkiwäch.

Hechos 17:26 Referans Kwoze

Chapletajic 3:20

Ri achi xucoj Eva che u bi' ri rixokil, are c'ut qui nan conojel ri e c'aslic.

Ri Malaquiy 2:10

¿La ma ta xa' jun ka Tat, ri are' ri Dios ri konojel uj u winakirisam? ¿Jas ta c'u che, cakasubula' tak kib, xeboc'ow c'ut puwi' ri c'ulwächinic ri xuban ri Dios cuc' ri e ka mam?

1 Corintios 15:22

Je c'u ri' jacha' conojel quecäm na ruc' ri Adan, je c'u ri xukuje' conojel caquirik na ri c'aslemal ruc' ri Crist.

1 Corintios 15:47

Ri nabe achi ri xesax che ri ulew, are aj uwächulew. Ri ucab achi, are aj chicaj.

Salmib 31:15

Ri nu c'aslemal pa k'ab la c'o wi; chinesaj la pa qui k'ab ri e nu c'ulel ri quincokataj.

Ri Job 14:5

We c'u lal ri' ri cabin la joropa' junab cäcasi' ri winak, cäcoj c'u la jun k'atibal chuwäch ri man cacuin taj coc'ow ta puwi',

Ri Job 12:23

Ri are' quebunimarisaj xukuje' quebusachisaj qui wäch tak ri nimak tak tinimit, quebujabuj xukuje' quebumulij.

Chapletajic 9:19

E are' tak wa' ri e u c'ojol ri Noe, cumal c'ut ri e rija'lil xpok'colij chi jumul ri uwächulew.

Ri Daniel 11:35

Xukuje' cäban na c'ax chque jujun ri queyo'w tak qui no'j ri winak, rech aretak e c'o pa ri c'ambejebal, quejosk'itajic xukuje' quetz'akatisaxic, c'ä copan na ri jok'otaj q'uisbalil ri c'utum chic.

Ri Daniel 11:27

E are c'u ri quieb ajawinelab ri cäquichomala' xuwi u banic c'ax chquibil tak quib, quet'uyi na pa ri xa' junam mexa quequibila' banoj tak tzij chquixo'l ri jun che ri jun chic, man c'o ta c'u jun quel ta na puwi' ri cuchomaj u banic, rumal rech chi c'ä maja' copan ri u k'ijol.

Ri Isaiy 14:31

¡Chiq'uisa' iwib che ok'ej winak aj pilisteyib, chiraka' i chi' rumal k'oxom, chixbirbob rumal xe'n ib! chuwiquiak'ab elebal k'ij quepe wi na jun sibalaj ajch'ojab jacha' jun k'ekalaj sutz', mawi ta c'u ne xa' ta jun achi quel ta na chquixo'l.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

Ri Isaiy 45:21

Chixch'awok, chitzijoj ri i banic, we quiwaj chixchomalan chixo'l: ¿Jachin xeyo'w ulok qui bixic we jastak ri' kas pa ri tictajic? ¿Jachin xesan ulok qui tzijol ojer? ¿La ma ta pu in, ri Ajawaxel? Man c'o ta Dios we ta ma ta xuwi ri in. Man c'o ta chi jun Dios we man xuwi ri in, ch'äcanel xukuje' ri colonel.

Hechos 15:18

Ri Ajawaxel, ri xebuya' ulok quetamaxic we jastak ri' kas xc'ori', u yo'm ulok ri u tzij.’

Salmib 74:17

lal xcojow la ri u c'ulbatil ri uwächulew, lal xbanow la ri sak'ij xukuje' ri k'aläj.

Ri Jeremiy 27:5

Ruc' nimalaj u liq'uic cuinem xinban ri uwächulew, ri winak xukuje' ri awaj ri e c'o puwi', quincuin c'ut quinya' che apachin che ri quinwaj wi.

Hechos 14:17

Rumal c'u ri' amak'el cuk'alajisaj rib chquiwäch jachin ri are', rumal ri utzil ri xuban chque. Cuya' ri jäb chke, cuya' ri u wächinic ri tico'n chke, cuya' ronojel ri cäkatijo, cuya' c'u quicotemal pa kanima'.”

Ri Isaiy 34:17

Chqui jujunal u c'utum ri u c'olbal ri cac'oji' wi, ruc' ri u k'ab u c'utum ri u jekelibal, chila' c'u quec'oji' wi na amak'el chbe k'ij sak junab quejeki' na chila'.