Hechos 16:3 - Quiché Bible

³ Ri Pawl xraj chi cäbe ri Timotey ruc'. Xuc'amo, xucoj ri etal che u kopixic ri u tz'umal ri u wi' ri achi wi xa' rumal quech ri aj judeyib ri e c'o pa tak ri c'olbal ri'. Conojel c'ut queta'm chi ri u tat are aj Gres.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri Pablo xusikꞌij bꞌik ri Timoteo rech keꞌ rukꞌ, xa kꞌu nabꞌe xutaqchiꞌj rech kok bꞌi etal che rumal cher kuꞌnimaj ri winaq aꞌj Israel ri e kꞌo pa ri tinimit riꞌ xuqujeꞌ ri winaq ketaꞌm chi ri utat aj Grecia.

K'iche'

³ Ri tat Pablo xubij che ri a Timoteo chi que' ruc', nabe c'ut xucoj na ri retal ri ojer trato che ru cuerpo rech man cäpe tä coyowal ri winak aj Israel ri e c'o pa tak ri tinimit ri'. Conojel c'ut quetam chi ru tat ri a Timoteo are aj Grecia.

K'iche' (New Orthography)

³ Ri tat Pablo xub'ij che ri a Timoteo chi ke' ruk', nab'e k'ut xukoj na ri retal ri ojer trato che ru cuerpo rech man käpe tä koyowal ri winaq aj Israel ri e k'o pa taq ri tinimit ri'. Konojel k'ut ketam chi ru tat ri a Timoteo are aj Grecia.

Hechos 16:3 Referans Kwoze

Gálatas 2:3

Mawi ri Tit ri c'o wuc', pune' are aj grieg, man xcoj ta c'u chuk'ab che chi cäkopix ri u tz'umal ri u wi' ri achi wi che retal.

1 Corintios 9:20

Chquixo'l ri aj judeyib quinc'ut wib chi in aj judey, rech quebench'äc che ri Crist. Chquixo'l ri e c'o chuxe' ri u pixab ri Moises, xinbano chi in c'o chuxe' ri pixab, rech quebench'äc ri e c'o chuxe' ri pixab, pune' man in c'o ta chuxe' ri pixab.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Gálatas 2:8

Are c'u ri Dios ri xuban che ri Lu' chi xoc che takom chque ri aj judeyib, are' xukuje' xbanow chwe in chi xinoc che takom chque ri man aj judeyib taj.

1 Corintios 7:19

We jun achi kopim ri u wi' ri u tz'umal ri achi wi, o man kopim taj, man c'o ta u banic wa'. Xane' ri u nimaxic ri u takanic ri Dios, are ri' c'o u banic.

Hechos 15:40

Ri Pawl xucha' ri Silas, xebel bic. Xejach bic cumal ri kachalal pa ri u tok'ob ri Ajawaxel.

Hechos 15:37

Ri Bernabe are ta xraj xuc'am bic ri Xuan che cachil, ri cäbix Marcux che.

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Filipenses 2:22

Iweta'm chic chi ri Timotey utzalaj chac u banom, cächacun wuc' in che u tzijoxic ri tzij jas jun c'ojolaxel cuto' ri u tat.