Hechos 16:22 - Quiché Bible

²² Xewalij c'u ri winak chquij. Ri e k'atal tak tzij xquiya' takanic chi chebesax ri catz'iak cherapux c'ut cuc' xic'ay.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Xkimulij kꞌu kibꞌ ri winaq chikij ri Pablo rachiꞌl ri Silas, ri e qꞌatal tzij xetaqan chi resaxik ri katzꞌyaq rech kechꞌayik.

K'iche'

²² Xquiyac c'u quib ri winak chquij ri tat Pablo, ri tat Silas. Ri k'atal tak tzij xetakan che resaxic ri catz'iak xukuje' chi quech'ay cuc' tak che'.

K'iche' (New Orthography)

²² Xkiyak k'u kib' ri winaq chkij ri tat Pablo, ri tat Silas. Ri q'atal taq tzij xetaqan che resaxik ri katz'iaq xuquje' chi kech'ay kuk' taq che'.

Hechos 16:22 Referans Kwoze

1 Tesalonicenses 2:2

Pune' ka rikom chi c'ax nabe, pune' uj yok'om chic pa Pilips, jas ri iweta'm chic, ri ka Dios xujuto' che u tzijoxic ri u tzij re colobal ib chiwe, man xkaxe'j ta kib. Je xkabano pune' xkarik c'ax rumal ri u tzijoxic.

2 Corintios 6:5

Aretak cujch'ayic, aretak cujcoj pa che', aretak cäquimulij quib ri ka c'ulel chkij, aretak cäkarik c'axalaj tak chac, aretak cujc'asc'atic, xukuje' aretak cäkarik numic.

Hebreos 11:36

Jujun chic xetz'bex qui wäch, xech'ayic. Niq'uiaj chic xeximic, xeya' pa che',

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

Hechos 18:12

Aretak c'ut ri Galion are k'atal tzij pa Acay, ri aj judeyib xa' jun qui chomanic xewalij chrij ri Pawl, xquic'am bic pa ri k'atbal tzij.

Hechos 17:5

Are c'u ri aj judeyib ri man quecojon taj, xpe coyowal u mac rech chi e benak niq'uiaj winak cuc' ri Pawl. Xequic'am c'u bic jujun itzel tak achijab ri xak quesak'orin pa tak ri be. Xequimulij e q'ui winak xukuje' xquituquij ri tinimit. Xelquiq'uiaka' quib chrij ri rachoch ri Jason, xquitzucuj quesaxic ulok ri Pawl ri Silas chquiwäch ri winak.

Hechos 16:37

Are c'u ri Pawl xubij chque: “Xujquich'ay c'u chuwäch ri tinimit, xujquicoj pa che', man xk'at ta c'u tzij pakawi', uj c'u achijab aj romab. Are' c'u, camic, ¿la cujquesaj bic chi c'uyal? ¡Jayi' c'ut! Xane' chepe ta ri e are' che kesaxic bic.”

Hechos 5:40

Xequisiq'uij ri takomxenlab, xequirapuj. Xquibij chque chi man quetzijon ta chic pa ri u bi' ri Jesus. Te c'u ri' xequitzokopij bic.

Ri Matey 27:26

Ri Pilat xutzokopij c'u bic ri Barabas, xuya' chque ri winak. Xtakan c'u che u ch'ayic ri Jesus. ¡Te c'u ri' xujach pa qui k'ab ri queripowic!

Ri Matey 10:17

Chichajij iwib chquiwäch ri winak; quixquijach c'u na pa qui k'ab ri k'atal tak tzij, quixquich'ay na pa tak ri ja ri cäquitijoj wi quib ri aj judeyib che ri pixab.

Ri Lucax 12:11

Aretak quixc'am bic chquiwäch ri winak pa tak ri ja ri cäquitijoj wi quib ri aj judeyib che ri pixab, chquiwäch ri c'o qui takanic, chquiwäch k'atal tak tzij, mixoc il che jas quiban na che u to'ic iwib, mawi jas quibij na.