Hechos 16:15 - Quiché Bible

¹⁵ Xban c'ut ri bautism junam cuc' conojel ri e c'o chupam ri rachoch, xujubochi'j c'u na: “We ri ix i k'alajisam chi kastzij in cojoninak che ri Ajawaxel, chixpetok chixelc'ol chupam ri wachoch.” Xucoj chuk'ab chke chi cujcanaj can chila'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xbꞌan kꞌu uqasanaꞌ xuqujeꞌ xbꞌan kiqasanaꞌ ri e kꞌo rukꞌ pa ri rachoch. Kꞌa te kꞌu riꞌ xubꞌij chaqe: We kikojo chi qas in kojonel chik che ri Ajawxel, chixanloq wukꞌ pa ri wachoch, xujubꞌochiꞌj rech xujkanaj kan rukꞌ.

K'iche'

¹⁵ Xban c'u u kasna' ri are' xukuje' conojel ri e c'o pa rachoch. Te c'u ri' xujubochi'j, xubij chke: We ilom alak chi kas tzij in cojoninak che ri Kajaw Jesús, jo' cho ja wuc', cäcanaj can alak cho wachoch, —xcha chke. Sibalaj c'ut xucoj u chuk'ab chke rech cujcanaj can cho rachoch.

K'iche' (New Orthography)

¹⁵ Xb'an k'u u qasna' ri are' xuquje' konojel ri e k'o pa rachoch. Te k'u ri' xujub'ochi'j, xub'ij chqe: We ilom alaq chi qas tzij in kojoninaq che ri Qajaw Jesús, jo' cho ja wuk', käkanaj kan alaq cho wachoch, —xcha chqe. Sib'alaj k'ut xukoj u chuq'ab' chqe rech kujkanaj kan cho rachoch.

Hechos 16:15 Referans Kwoze

Hechos 11:14

Are c'u cabin na chawe jas ri cabano catcolotajic, xukuje' conojel ri e awachalaxic.’

Hebreos 13:2

Mäsach pa i jolom ri u ya'ic okxanibal chque ri winak. Rumal c'u wa' jujun man xquich'ob taj chi xquiya' okxanibal chque ri tako'nib aj caj.

Hechos 16:33

Kas c'u pa ri jok'otaj chak'ab, ri chajil che' xebuc'am bic, xebuch'aj tak ri e qui socotajic, chanim xban c'ut ri u bautism, ri are' xukuje' conojel ri e c'o chupam ri rachoch.

Ri Lucax 24:29

Ri e are' c'ut xquicoj chuk'ab che, xquibij: “Chatcanaj can kuc'. Kajem cuban ri k'ij, coc c'u na ri ak'ab.” Xoc c'u bic ri Jesus, che canajem cuc'.

Chapletajic 19:3

Are c'u ri Lot sibalaj xucoj na chuk'ab chque, chuq'uisbalil, ri e are' xquinimaj xebe ruc' cho rachoch. Aretak xebopanic, ri Lot xusuc'umaj jun utzalaj wa'im chque re benak k'ij, xuban caxlanwa man c'o ta ch'am ruc', ri tako'nib aj caj xewa'ic.

3 Juan 1:8

Chekac'amowaj ba ri cojonelab ri jewa' cäquibano chujoc il chque je c'u ri' quekato' che u tzijoxic ri kastzij.

3 Juan 1:5

Lok'alaj wachalal, jicalaj chac cätajin cabano aretak quebapatanij ri e kachalal, xukuje' kas c'u are' na caban chque ri kachalal ri man e a winakil taj.

1 Pedro 5:12

Nu tz'ibam xa' jubik' chiwe rumal ri Silban, are jicalaj kachalal pa ri nu chomanic in. Nu tz'ibam chiwe che i pixbexic, che u k'alajisaxic chi are wa' ri kas u tok'ob ri Dios. Co chixtac'al pa ri u tok'ob.

Filemón 1:17

Je c'u ri', we cachomaj chi in awachalal, chac'ulaj ri Onesimo je ta ne ri in.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.

Efesios 1:1

In Pawl, u takomaxel ri Jesucrist rumal ri u rayibal ri Dios, quintz'ibaj we wuj ri' chque ri winak ri e rech ri Dios ri e c'o pa Epes ri e cojonelab che ri Crist Jesus.

Gálatas 6:10

Jeri', joropa' mul ri cujcuin che u banic utzil, chkabana' ba' chque conojel, kas c'u are na chque ri kachalal pa ri cojonic.

2 Corintios 12:11

In uxinak con, ix c'ut xinitakchi'j che wa'. Ix ta ri' ri utz ta nu tzijol iwumal, rumal rech chi ri in ma ta are nim na nu k'ij chquiwäch ri takomxenlab ri nimak na qui k'ij, pune' man c'o ta nu banic.

2 Corintios 5:14

Ri lok'ok'ebal u c'u'x ri Crist cucoj u chuk'ab chke. Rumal rech, keta'm chi ri Jun xcäm che qui q'uexwäch conojel, rumal c'u ri' conojel xecäm pa ri are'.

Romanos 16:23

Cäya' rutzil i wäch rumal ri Gay. Wokxanim c'u ne wib pa ri rachoch, quebuc'ulaj c'u ne conojel ri comon cojonelab. Ri Erast, chajil u puak ri tinimit, cuya' rutzil i wäch. Xukuje' ri kachalal Cuart cuya' rutzil i wäch.

2 Juan 1:10

We c'o jun copan che i solixic, ri man ruc'am ta we tijonic ri', miwoquisaj pa ja, miya' rutzil u wäch.

Hechos 18:8

Ri Crisp, jun c'amal be pa ri ja ri caquitijoj wi quib ri aj judeyib, xcojon che ri Ajawaxel cuc' conojel ri e aj uwo rachoch. Xukuje' c'u e q'ui chque ri aj corintib, aretak xquito, xecojonic, xeban ri qui bautism.

Hechos 8:38

Xutak c'ut u chacabaxic ri carwaj; e quieb c'ut xekaj bic jawije' c'o wi ja', xeboc c'ut pa ri ja', are' c'u ri Pelip xuban ri u bautism ri aj Etiopiy.

Hechos 8:12

Aretak c'u xecojon chque ri e utzalaj tak tzijol rech ri rajawibal ri Dios xukuje' ri rech ri Jesucrist ri xebutzijoj ri Pelip chque, xban c'ut ri qui bautism ri achijab xukuje' ri ixokib.

Ri Lucax 14:23

Xubij ri ajaw che ri pataninel: ‘Jät pa tak ri be, xukuje' pa ri alaj tak be re ri juyub, chacojo a chuk'ab rech quepe ri winak, rech cänoj na ri wachoch.’

Ri Matey 10:41

Apachin ri cuc'amowaj jun k'axal tzij rumal rech chi k'axal tzij, tojbal re k'axal tzij cuc'amowaj na. Apachin ri cuc'amowaj jun suc' winak rumal rech chi suc', tojbal re suc' winak cuc'amowaj na.

Ucab Ajawinelab 4:8

C'o jun k'ij xoc'ow ri Elisey pa Sunem, c'o jun ixok ri sibalaj nim u k'ij c'o chila' ri xrula'j ruc' nimalaj chuk'ab rech coc pa ja che u tijic u wa. Joropa' c'u mul coc'ow ri Elisey chila', cäcanaj che u tijic u wa.

Nabe Samuel 28:23

Ri Saul man craj taj cäwa'ic, ri e rach k'atal tak tzij xukuje' ri ixok sibalaj xquicoj na qui chuk'ab che rumal c'u ri' xunimaj na. Xwalij c'u cho ri ulew xt'uyi c'u puwi' jun ch'at.

Chapletajic 33:11

Catinbochi'j chi cäc'am ri sipanic ri quinya' chawe, in u k'inomarisam c'u ri Dios, man c'o ta ri cajwataj ta chwe.” Sibalaj xbochi'n na ri Jacob, rumal ri' ri Esau xuc'am na ri sipanic,

Ri Matey 3:6

Xquik'alajisaj ri qui mac, xban ri qui bautism rumal ri Xuan pa ri nima' Jordan.

Hechos 16:31

Ri e are' xquibij: “Chatcojon che ri Ajawaxel Jesus, catcolotaj c'u na ri at xukuje' ri e aj uwo awachoch.”

Hechos 16:34

Xebuc'am bic cho rachoch, xucoj mexa chquiwäch. C'o nimalaj quicotemal pa ranima' ri achi xukuje' conojel ri e c'o pa rachoch, rumal rech chi xecojon che ri Dios.