Hechos 15:4 - Quiché Bible

⁴ Aretak xebopan pa Jerusalen, xec'ulax cumal ri comon cojonelab xukuje' ri takomxenlab xukuje' tak ri tatayib ri quetakan ri comon cojonelab chila', xquibij chque ronojel ri u banom ri Dios cumal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Are xoꞌpan ri Pablo rachiꞌl ri Bernabé pa ri tinimit Jerusalén, utz kikꞌulaxik xbꞌanik kumal ri kojonelabꞌ, ri taqoꞌn xuqujeꞌ ri kꞌamal taq bꞌe. Xkitzijoj kꞌu chike ronojel ri ubꞌanom ri Dios kukꞌ.

K'iche'

⁴ Aretak ri tat Pablo, ri tat Bernabé xeopan pa Jerusalén, utz qui c'ulaxic xban cumal ri kachalal cojonelab, ri apóstoles, xukuje' ri c'amal tak qui be ri cojonelab. Xquitzijoj c'ut ronojel ru banom ri Dios cuc'.

K'iche' (New Orthography)

⁴ Aretaq ri tat Pablo, ri tat Bernabé xeopan pa Jerusalén, utz ki k'ulaxik xb'an kumal ri qachalal kojonelab', ri apóstoles, xuquje' ri k'amal taq ki b'e ri kojonelab'. Xkitzijoj k'ut ronojel ru b'anom ri Dios kuk'.

Hechos 15:4 Referans Kwoze

Hechos 15:12

Conojel c'ut man xech'aw ta chic. Xequitatabej ri Bernabe xukuje' ri Pawl, ri xquibij chque conojel ri mayibal xukuje' ri etal ri e u banom ri Dios cumal chquixo'l ri man aj judeyib taj.

Hechos 14:27

Aretak xebopan pa Antioquiy, xequimulij ri comon cojonelab. Xquibij chque ronojel ri u banom ri Dios cumal ri xuban ri Ajawaxel che u jakic ri oquibal chquiwäch ri man aj judeyib taj rech quecojonic.

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

Romanos 15:18

Xak xuwi quintzijoj ri jastak ri e u banom ri Crist wumal in, rech jeri' ri man aj judeyib taj cäquinimaj ri u tzij ri Dios. Are wa' xbantaj rumal ri nu tzij xukuje' rumal ri nu chac,

Hechos 21:17

Aretak xujopan pa Jerusalen, ri kachalal xujquic'ulaj ruc' quicotemal.

2 Juan 1:10

We c'o jun copan che i solixic, ri man ruc'am ta we tijonic ri', miwoquisaj pa ja, miya' rutzil u wäch.

Colosenses 4:10

Ri Aristarc ri wachil pa che' cuya' rutzil i wäch, xukuje' ri Marcux, ri rachalaxic ri Bernabe. Yo'm chic u tzijol ri Marcux chiwe. We copan iwuc', utz u c'ulaxic chibana'.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

2 Corintios 5:19

Ri u bixic wa' chi, pa ri Crist, ri Dios cätajin querutzirisaj ri ajmaquib ruc' are', man querajilaj ta c'ut ri e qui mac ri winak; are c'u ri chke uj xutz'onoj tok'ob chi chkaya' retamaxic we etamanic ri'.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

Romanos 15:7

Rumal c'u ri', chic'amowaj iwib, jas xukuje' ri Crist xujuc'amo che u ya'ic juluwem che ri Dios.

Hechos 21:19

Aretak u yo'm chi rutzil qui wäch, ri Pawl xutzijoj ronojel chque, jas ri u banom ri Dios chquixo'l ri man aj judeyib taj rumal ri chac ri u banom.

Hechos 18:27

Aretak ri Apols xraj xk'ax pa Acay, ri kachalal xquiya' u chuk'ab ri ranima' che u banic wa'. Xetz'ibam bic cuc' ri cojonelab chila' rech cäquic'ulaj. Aretak xopan chila', sibalaj xebuto' ri e cojoninak rumal ri u tok'ob ri Dios.

Ri Matey 10:40

“Apachin ri quixc'amowanic, in ri' in u c'amowam; apachin c'u ri quinc'amowanic, u c'amowam ri xintakow ulok.

Hechos 11:30

Je c'u xquibano, xquitak c'u bic jun to'banic pa u k'ab ri Bernabe xukuje' ri Sawl rech quequiya' chque tak ri tatayib ri quetakan pa ri comon cojonelab pa Judey.

Hechos 15:2

Ri Pawl xukuje' ri Bernabe xequic'ulelaj ri achijab ri'. Chuq'uisbalil c'ut, ri Pawl rachil ri Bernabe xukuje' jujun chic xetak bic pa Jerusalen rech quequichomaj we jasach ri cuc' ri e takom e cachil tak ri tatayib ri quetakan pa ri comon cojonelab chila'.

Hechos 15:6

Xquimulij quib ri takomxenlab xukuje' tak ri tatayib ri quetakan ri comon cojonelab pa Jerusalen che u chomaxic wa'.

Hechos 15:22

Ri takomxenlab xukuje' tak ri tatayib ri quetakan ri comon cojonelab pa Jerusalen xukuje' conojel ri e re ri comon cojonelab utz xquilo ri qui cha'ic achijab chquixo'l che qui takic bic pa Antioquiy rech quecachilaj bic ri Pawl rachil ri Bernabe. Xquicha' c'u ri Juds ri cäbix Barsabas che rachil ri Silas, achijab wa' e qui nimakil ri kachalal.

Hechos 16:4

Chque ri achalal pa conojel ri tinimit ri xeboc'ow wi xequiya' can quibixic ri xequichomaj ri takomxenlab xukuje' tak ri e tatayib ri quetakan ri comon cojonelab pa Jerusalen.