Hechos 15:19 - Quiché Bible

¹⁹ Rumal ri', ri quinchomaj are wa': man takal taj cäkaya' latz' chque ri man aj judeyib taj ri quequiya' c'u can ri ojer tak qui cojonic che u ternexic ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Rumal laꞌ kinbꞌij in chi man kuya taj keꞌqaqꞌatej ri winaq ri man aꞌj Israel kekojon che ri Dios.

K'iche'

¹⁹ Ri tat Jacobo xutakej tzijonem, xubij: Rumal ri' ri in quinchomaj chi man cuya' taj cäkabij chque ri niq'uiaj winak chic ri man e aj Israel taj, ri tajin cäquiya can ri ojer qui c'aslemal rech queniman che ri Dios, chi rajwaxic cäcoj ri retal ri ojer trato che ri qui cuerpo.

K'iche' (New Orthography)

¹⁹ Ri tat Jacobo xutaqej tzijonem, xub'ij: Rumal ri' ri in kinchomaj chi man kuya' taj käqab'ij chke ri nik'iaj winaq chik ri man e aj Israel taj, ri tajin käkiya kan ri ojer ki k'aslemal rech keniman che ri Dios, chi rajwaxik käkoj ri retal ri ojer trato che ri ki cuerpo.

Hechos 15:19 Referans Kwoze

Hechos 15:28

Utz c'u xril wi ri Ruxlabal ri Dios, xukuje' ri uj, chi man q'ui taj ri eka'n cäkaya' chiwij. Xane' xuwi we jastak ri' ri e rajawaxic:

1 Tesalonicenses 1:9

Kas e are' c'ut quetzijon ri solinic ri xkaban chiwe, ri utzalaj ka c'ulaxic xibano xukuje' ri e qui ya'ic tak can ri e diosib che u ternexic ri kas c'aslic Dios xukuje' ri u chaplexic u patanixic.

Hechos 15:24

Ka tom c'ut chi jujun ri e elinak bic chkaxo'l ri man c'o ta takanic ka yo'm bic chque ri e qui yo'm latz' chiwe cumal tak ri e qui tzij, xqueblaj c'ut i c'u'x cumal.

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Ri Osey 14:2

Chixtzelej ruc' ri Ajawaxel chic'ama' bic we ch'awem ri' iwuc'. “Cuyu' la ronojel ri ketzelal ruc' c'u ronojel anima' la chec'amowaj la ri k'ijilanic ri quekachi'j che la.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Gálatas 2:4

Jujun tak subunelab tak achalaxelab quinimom quib chkaxo'l chic'uyal, che u nic'oxic ri ka tzokopixic ri c'o kuc' rumal ri Crist Jesus are ta c'u cäcaj chi cujux ta chi u lok'om pataninelab ri pixab.

Hechos 15:10

Camic c'ut, ¿jasche quitzur ri Dios, ruc' u ya'ic eka'bal chquij ri cojonelab, ri mawi ri uj, mawi ri e ka mam uj cuininak ta che ruc'axic bic?

Hechos 21:21

Ri e are' qui tom u tzijol chi quebatijoj ri aj judeyib ri e c'o chquixo'l ri man aj judeyib taj che u tasic quib chrij ri u pixab ri Moises, chi cabij chque chi man cäquicoj ta ri etal che u kopixic ri qui tz'umal ri qui wi' ri achijab wi ri calc'ual, xukuje' chi mequitakej qui banic tak ri e ka nak'atisabal.

Hechos 21:25

Uj tz'ibaninak c'u bic chque ri man aj judeyib taj ri e cojoninak, chi man cuya' taj cäquitij ri ti'j ri pilom che tabal tok'ob chquiwäch ri e diosib, mawi quic', mawi qui ti'jal awaj ri e jitz'am, xukuje' chi man cäquiban ta ri macunic cuc' achijab ixokib.”