Hechos 14:22 - Quiché Bible

²² Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Are xoꞌpan chilaꞌ, xeꞌkitaqchiꞌj ri kojonelabꞌ kejeqiꞌk pa ri kikojobꞌal xuqujeꞌ xkinaꞌtaj kan chike chi rajawaxik kakitas kibꞌ che kꞌi taq jastaq rech koꞌk pa ri ajawarem rech ri Dios.

K'iche'

²² Pa tak we tinimit ri' xquiya c'u anima' chque ri cojonelab, xequipixbaj c'ut chi cäquitakej ri cojonic che ri Utzalaj Tzij re ri Evangelio. Xukuje' xquibij chque chi rajwaxic cujoc'ow na pa tak q'uia u wäch c'äxc'ol c'ä mäjok cujopan ruc' ri Dios rech cätakan ri Are' pa ka wi'.

K'iche' (New Orthography)

²² Pa taq we tinimit ri' xkiya k'u anima' chke ri kojonelab', xekipixb'aj k'ut chi käkitaqej ri kojonik che ri Utzalaj Tzij re ri Evangelio. Xuquje' xkib'ij chke chi rajwaxik kujok'ow na pa taq k'ia u wäch k'äxk'ol k'ä mäjoq kujopan ruk' ri Dios rech kätaqan ri Are' pa qa wi'.

Hechos 14:22 Referans Kwoze

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

2 Timoteo 3:12

Kas tzij ba' chi conojel ri winak ri kas cäcaj cäcan ri u rayinic ri Crist Jesus, cäban na c'ax chque ri e are' xukuje'.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

Hechos 18:23

Xc'oji' q'ui k'ij chila', xel bic. Xoc'ow pa tak ri tinimit re Galas xukuje' Prij chquijujunal. Xebupixbej conojel ri cojonelab rech cac'oji' u chuk'ab ri qui cojonic.

Ri Matey 10:38

Apachin ri man cuc'am ta ri u ripibal, ri man cäteri ta chwij, are ri' man in takal ta che.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

Hechos 9:16

Quinc'ut c'u na chuwäch joropa' ri q'uialaj c'ax curik na rumal rech ri nu bi'.”

1 Corintios 1:8

Ri are' co quixutiquiba' na c'ä pa ri q'uisbal k'ij, rech man c'o ta etzelal cäriktaj na chiwij pa ri u k'ijol ri Kajaw Jesucrist.

Hechos 15:41

Xeboc'ow pa Siriy, xeboc'ow pa Silisiy, quebucowirisaj can ri comon cojonelab.

Hechos 15:32

Ri Juds xukuje' ri Silas, e k'axal tak u tzij ri Dios, xquicu'bisaj qui c'u'x xukuje' xquiya' nimalaj chajin anima' chque ri kachalal rumal tak ri e qui tzij.

Ri Lucax 24:26

¿La ma ta are wa' ri c'ax ri rajawaxic curik na ri Crist, te c'u ri' cänimarisax na u k'ij?”

Ri Matey 16:24

Xubij c'u ri Jesus chque ri u tijoxelab: “We c'o jun cäraj cäpe wuc' in, rajawaxic chi are' muban ri u rayibal, xane' rajawaxic chi cutelej ulok ri u ripibal, chinuterenej c'ut.

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Ri Xuan 15:20

Chnataj chiwe ri tzij ri nu bim chiwe: Ri pataninel man are ta nim u k'ij chuwäch ri rajaw. We ri in xban c'ax chwe, xukuje' ri ix cäban na c'ax chiwe. We inimam ri nu tzij, xukuje' cäquinimaj ri i tzij ix.

Ri Isaiy 35:3

Chebicowirisaj ri tukarib, chiya' qui chuk'ab ri e cosinak,

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Ri Juds 1:3

Lok'alaj tak wachalal, sibalaj xinwaj xintz'ibaj ta chiwe chrij ri kacoltajem junam iwuc'. Camic c'ut rajawaxic quintz'ibaj bic chiwe che i pixbexic chi kas quitij i chuk'ab che u bixic chi kastzij ri cojonic ri xa jumul yo'm chque ri tastalic tak winak.

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

Hechos 13:43

Aretak xquijabuj quib ri e c'o chila', xepe e q'ui chque ri aj judeyib xukuje' ri qui c'amom ri qui cojonic ri aj judeyib, ri cäquik'ijilaj ri Dios. Xequiterenej ri Pawl xukuje' ri Bernabe. Ri e are' xequich'abej, xequipixbej chi chquiterenej ri Dios ronojel k'ij, chi chejekel pa ri u tok'ob ri Dios.

Hechos 6:7

Cätajin cäq'uiy ri u tzij ri Dios, ri cojonelab sibalaj queq'uiyir pa Jerusalen. Xukuje' sibalaj e q'ui chque ri e cojol tabal tok'ob aj judeyib xeniman che ri cojonic.

Marcos 10:30

ri e are' cäquic'am na jun sient je tak wa' pa tak we k'ij ri': cachoch, cachalal, qui nan, calc'ual, culew, pune' ruc' rikoj c'ax. Chupam c'ut ri c'ac' uwächulew, cäquirik na ri junalic c'aslemal.

Marcos 9:47

We ri a bak'wäch cattzakow pa mac, chawesaj apanok. Are utz na chi xa jun a bak'wäch catoc pa ri rajawibal ri Dios, chuwäch ri c'o quieb a bak'wäch catq'uiak pa ri xibalba.

Ri Xuan 3:5

Ri Jesus xubij che: “Kastzij, kastzij quinbij chawe, apachin ri man calax ta rumal ri ja' xukuje' rumal ri Uxlabaxel, man cäcuin taj coc pa ri rajawibal ri Dios.

Ri Matey 19:24

Xubij chi c'u na chque, chi man c'ax taj che jun camey cäk'ax pa ri u julil jun bak, chuwäch jun k'inom coc ta pa ri rajawibal ri Dios.”

Ri Xuan 15:18

We ri winak aj uwächulew cäquetzelaj i wäch, chiwetamaj chi nabe xquetzelaj nu wäch in.

Hechos 11:26

Aretak xurik ri Sawl, xuc'am ulok pa Antioquiy. Xec'oji' cuc' ri comon cojonelab chila' ronojel ri jun junab, e q'ui winak xequitijoj. Pa Antioquiy c'ut ri xebinax wi nabe mul ajcristib chque ri e cojonelab.

Hechos 11:29

Ri cojonelab c'ut ri e c'o pa Antioquiy xquichomaj u takic bic jun to'banic chque ri kachalal ri e c'o pa Judey, jas ri quecuin che u ya'ic.

Hechos 14:20

Aretak ri cojonelab xquisutij rij, ri Pawl xwalijic, xoc bic pa ri tinimit. Chucab k'ij chic rachil ri Bernabe xebel bic, xebe pa Derb.

Hechos 14:28

Ri Pawl rachil ri Bernabe xebeytaj chila' q'uialaj k'ij cuc' ri cojonelab.

Filipenses 1:29

Rumal c'u rech ri Crist, man xuwi ta ya'tal chiwe chi quixcojon che, xane' xukuje' chi quirik c'ax rumal rech.

1 Pedro 2:21

Che c'u wa' ix siq'uim wi rumal ri Crist xurik c'ax rumal iwech. Xuya' can c'utbal chiwe, rech quitakej ri retal rakan.

1 Pedro 5:9

Chik'atij ba' u wäch ri itzel, co chixtac'al pa ri cojonic. Iweta'm c'ut chi xa' junam ri c'axc'olil quepe paquiwi' ri iwachalal pa ronojel ri uwächulew.