Hechos 13:46 - Quiché Bible

⁴⁶ Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁶ Ri Pablo xuqujeꞌ ri Bernabé xkibꞌij rukꞌ chuqꞌabꞌ: Sibꞌalaj rajawaxik nabꞌe kaqatzijoj ri utzij ri Dios chiꞌwe ix, ri ix aj Israel, rumal kꞌu cher xiwetzelaj uwach kinaꞌo chi man kataqiꞌ ta chiꞌwe ri jun alik kꞌaslemal, rumal riꞌ kaqatzijoj chi we tzij riꞌ chike ri winaq ri man aꞌj Israel taj.

K'iche'

⁴⁶ Are c'u ri tat Pablo rachi'l ri tat Bernabé co xech'awic, man xquixej tä quib, xquibij: Chech alak, ri winak aj Israel, rajwaxic cätzijox wi nabe ri Utzalaj Tzij re ri Evangelio. Rumal c'u chi man cäc'amowaj tä alak, cäna' ib alak chi man takal tä chech alak ri c'aslemal ri man c'o tä u q'uisic, rumal ri' cämic cuje' cuc' ri niq'uiaj winak chic ri man e aj Israel taj.

K'iche' (New Orthography)

⁴⁶ Are k'u ri tat Pablo rachi'l ri tat Bernabé ko xech'awik, man xkixej tä kib', xkib'ij: Chech alaq, ri winaq aj Israel, rajwaxik kätzijox wi nab'e ri Utzalaj Tzij re ri Evangelio. Rumal k'u chi man käk'amowaj tä alaq, käna' ib' alaq chi man taqal tä chech alaq ri k'aslemal ri man k'o tä u k'isik, rumal ri' kämik kuje' kuk' ri nik'iaj winaq chik ri man e aj Israel taj.

Hechos 13:46 Referans Kwoze

Hechos 28:28

Chetamaj alak we colobal ib ri' ri cuya' ri Dios takom bic chque ri man aj judeyib taj, ri e are' c'ut quetataben na'.”

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Ri Matey 21:43

Rumal c'u ri' quinbij chiwe, chi ri rajawibal ri Dios quesax na chiwe, cäya' c'u na chque ri winak ri cäquiya' na ri u wächinic.

Hechos 3:26

Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

Romanos 2:10

Are c'u ri winak ri cäquiban utzil, ri Dios cunimarisaj qui k'ij, nim queril wi, cuya' jamaril chque conojel, nabe chque ri aj judeyib, xukuje' chque ri man aj judeyib taj.

Romanos 1:16

In man quinq'uix ta che ri utzalaj tzij re colobal ib, u cuinem c'ut ri Dios che qui colic conojel ri quecojowic, nabe chque ri aj judeyib xukuje' c'u chque ri man aj judeyib taj.

Hechos 22:21

Xubij c'u ri Ajawaxel chwe: ‘Jät, catintak na bic naj pa nimak tak tinimit.’ ”

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Ri Xuan 1:11

Xul cho ri rulew, ri e rech man xquic'amowaj taj.

Ri Isaiy 55:5

At quebasiq'uij na tak tinimit ri man etamatal ta qui wäch; quexiq'uinic quepe na awuc', in c'ut ri Ajawaxel ri a Dios, ri Tastalicalaj u Dios ri Israel nu yo'm a k'ij.

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Ri Lucax 24:47

Xukuje' xtz'ibax canok chi cätzijox na chque conojel ri winak, pa conojel nimak tak tinimit chi cäquiq'uex qui c'u'x pa ri u bi' ri Crist rech cäsachtaj ri qui mac, chi cächapletaj bic u tzijoxic wa' pa Jerusalen.

Filipenses 1:14

E q'ui chque ri kachalal, aretak xquito chi in c'o pa che', sibalaj xquichajij anima' che u tzijoxic ri u tzij ri Dios man ruc' ta xe'n ib.

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

Hechos 13:14

Ri e are' c'ut xeboc'ow pa Perje, xebe pa Antioquiy re Pisid. Pa jun k'ij re uxlanem, xeboc pa ri ja ri cäquitijoj wi quib ri aj judeyib che ri pixab, xet'uyic.

Hechos 13:5

Aretak e c'o pa Salamin, xquitzijoj ri u tzij ri Dios pa tak ri ja ri cäquitijoj wi quib ri aj judeyib che ri pixab. C'o c'u ri Xuan che pataninel quech.

Hechos 4:13

Aretak ri e nimak tak tatayib xquilo chi ri Lu' xukuje' ri Xuan man cäquixe'j ta quib quech'awic; xukuje' xquilo chi xak e winak ri man c'o ta quitijom wi quib quemayijinic; queta'm c'u qui wäch chi xec'oji' ruc' ri Jesus.

Ri Xuan 4:22

Ri ix man iweta'm taj ri quik'ijilaj. Ri uj keta'm ri cäkak'ijilaj. Rumal rech chi cuc' ri aj judeyib quel wi na ulok ri colobal ib.

Ri Matey 10:6

xane' jix nabe cuc' ri chij re ri u tinimit ri Israel, ri e sachinak.

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Ri Ezequiel 2:5

We caquiya' qui xiquin chawe o man caquiya' taj, e winak ri man e nimanelab taj, caquetamaj c'u na chi c'o jun k'axal tzij chquixo'l.

Ri Matey 21:41

Ri e are xquitzelej u bixic: “Quebucämisaj na we e itzel tak winak ri', man ruc' ta tok'obisam wächaj. Cuya' na ri tico'n re uva pa kajomal chque niq'uiaj ajchaquib chic, ri cäquiya' na ri u wächinic ri tico'n pa ri u k'ijol ri takal u ya'ic che.”

Ri Matey 25:46

Quebe c'u na wa' pa ri junalic c'äjisabal wäch. Are c'u ri e suc' quebe na pa ri junalic c'aslemal.”

Hechos 9:20

Chanim ri Sawl xutzijoj ri Jesus chque ri winak pa tak ri ja ri cäquitijoj wi quib ri aj judeyib che ri pixab. Xubij chi ri Jesus are ri u C'ojol ri Dios.

Hechos 19:9

E c'o c'u jujun xquicowirisaj ri canima', man xecojon taj. Ri e are' xquiyok' ri C'ac' Be chquiwäch ri winak. Rumal ri' ri Pawl xutas rib chquij, xebuc'am bic ri cojonelab pa ri ja ri cätijon wi jun achi Tiran u bi'. Ronojel k'ij xuban chomanic cuc' chila'.