Hechos 13:29 - Quiché Bible

²⁹ Aretak xbantaj ronojel jas ri tz'ibam chrij, xquikasaj cho ri ripibal, xquiya' pa jun mukubal.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁹ Are xbꞌantaj kumal ronojel ri tzꞌibꞌatal chrij ri Jesús, xkiqasaj cho ri cheꞌ kꞌa te riꞌ xeꞌkimuqu kanoq.

K'iche'

²⁹ Aretak bantajinak cumal ronojel ri tz'ibtal ojer chrij ri Jesús, xquikasaj cho ri cruz, xquic'am bi pa mukic.

K'iche' (New Orthography)

²⁹ Aretaq b'antajinaq kumal ronojel ri tz'ib'tal ojer chrij ri Jesús, xkiqasaj cho ri cruz, xkik'am b'i pa muqik.

Hechos 13:29 Referans Kwoze

Ri Lucax 23:53

Aretak xkastaj ri u cuerp ri Jesus rumal cho ri ripibal, xubolk'otij pa jun sak atz'iak, xuya' pa jun mukubal c'otom pa ri abaj, ri man c'o ta jun winak yo'm chupam.

Ri Xuan 19:30

Aretak xutz'ub ri ch'amalaj u wa'l uva, ri Jesus xubij: “Xtz'akatic.” Xupachba' ri u jolom, xcämic.

Ri Xuan 19:28

Oc'owinak chi c'u wa', reta'm ri Jesus chi ronojel tz'akatinak chic, rech c'u catz'akat ri Tz'ibatalic, xubij: “Cächaki'j nu chi'.”

1 Corintios 15:4

chi xmukic, xc'astaj churox k'ij, jas cubij ri Tz'ibatalic,

Hechos 5:30

Ri qui Dios ri e ka mam xuc'astajisaj ri Jesus ri xjach alak pa cämisaxic aretak xrip cho jun che'.

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Hechos 13:27

Ri e aj Jerusalen xukuje' ri e c'amal qui be man xquich'ob ta u wäch ri Jesus. Man xquich'ob taj ri tz'ibatal cumal ri e k'axal tak tzij ri cäsiq'uix u wäch ronojel k'ij re uxlanem. Xequitz'akatisaj aretak xquic'okoj ri Jesus.

Hechos 4:28

Xquimulij quib che u banic ronojel ri c'utum ulok ojer rumal ri k'ab la xukuje' ri chomanic la, chi cäbantaj na.

Hechos 2:23

Ri are' xjach pa k'ab alak je jas ri u chomam ulok ri Dios, rumal ri u bim ulok ojer chi rajawaxic cäbantaj na. Ri alak xk'at alak tzij puwi', xcämisaj alak, xrip cho jun ripibal cumal itzel tak winak.

Marcos 15:42

Xk'ekal chic c'ut casuc'umax ri cajwataj che ri ucab k'ij ri are' k'ij rech uxlanem,

Ri Lucax 23:50

C'o jun achi Jose u bi', aj Arimatey re Judey, are jun chque ri qui nimakil ri winak. Are utzalaj achi, suc'. Ri are' man utz taj xril wi ri qui chomanic xukuje' ri qui banom ri niq'uiaj winak che ri Jesus. Ri are' reyem ri rajawibal ri Dios.

Hechos 26:22

Ri Dios in u to'm ulok c'ä pa we k'ij ri'. Quink'alajisaj c'u ri u tzij chquiwäch conojel ri winak, chi nimak qui banic chi man nimak ta qui banic. Man c'o ta nu tzijom ri ma ta je qui tzijom ri e k'axal tak tzij xukuje' ri xubij can ri Moises chi cäbantaj na.