Hechos 13:27 - Quiché Bible

²⁷ Ri e aj Jerusalen xukuje' ri e c'amal qui be man xquich'ob ta u wäch ri Jesus. Man xquich'ob taj ri tz'ibatal cumal ri e k'axal tak tzij ri cäsiq'uix u wäch ronojel k'ij re uxlanem. Xequitz'akatisaj aretak xquic'okoj ri Jesus.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Ri winaq aꞌj Jerusalén, xuqujeꞌ ri kꞌamal taq kibꞌe man xkichꞌobꞌ taj chi ri Jesús xtzijox loq kumal ri qꞌalajisal taq rech ri utzij ri Dios. Rumal riꞌ xkiqꞌat tzij puꞌwiꞌ je xkibꞌano jetaq ri kitzijom loq ri qꞌalajisal taq rech ri utzij ri Dios, ri kasikꞌix pa ronojel taq qꞌij rech uxlanem.

K'iche'

²⁷ Conojel c'u ri winak pa ri tinimit Jerusalén, xukuje' ri c'amal tak qui be, man xquetamaj taj jachin ri' ri Jesús. Man xquicoj tä c'u pa cuenta ri tzij ri tz'ibtal can cumal ri k'alajisal re ru Lok' Pixab ri Dios ri cäsiq'uix pa ri rachoch Dios pa tak ri k'ij re uxlanem. Ri e are' xquicämisaj ri Jesús, je' c'u xel wi jas ri qui bim can ri k'alajisal tak re ru Lok' Pixab ri Dios.

K'iche' (New Orthography)

²⁷ Konojel k'u ri winaq pa ri tinimit Jerusalén, xuquje' ri k'amal taq ki b'e, man xketamaj taj jachin ri' ri Jesús. Man xkikoj tä k'u pa kuenta ri tzij ri tz'ib'tal kan kumal ri q'alajisal re ru Loq' Pixab' ri Dios ri käsik'ix pa ri rachoch Dios pa taq ri q'ij re uxlanem. Ri e are' xkikämisaj ri Jesús, je' k'u xel wi jas ri ki b'im kan ri q'alajisal taq re ru Loq' Pixab' ri Dios.

Hechos 13:27 Referans Kwoze

Hechos 3:17

Camic c'ut, wachalal, weta'm chi xban alak wa' rumal rech man c'o ta etamabal alak, je jas ri xquiban ri e c'amal be alak xukuje'.

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

Hechos 15:21

Kas pa ri ojer tak k'ij c'ä camic, pa conojel tak ri tinimit, e c'o winak ri cäquisiq'uij u wäch ri u pixab ri Moises ronojel k'ij re uxlanem pa tak ri ja ri cäquitijoj wi quib ri aj judeyib che ri pixab.”

Ri Lucax 24:20

Ri e qui nimakil ri e cojol tabal tok'ob xukuje' ri e ka k'atal tzij xquijach ri achi ri' rech cak'at tzij puwi' che u cämisaxic, xrip c'u cho jun ripibal.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

2 Corintios 3:14

Ri qui ch'obobal c'ut e abajirinak; c'ä pa ri k'ij camic jekelinak ri junam ch'ukubal aretak cäsiq'uix u wäch ri ojer c'ulwächinic. Man esam ta ri ch'ukubal chque, rumal rech chi xak xuwi ri Crist cäcuin che resaxic.

1 Corintios 2:8

man c'o ta jun chque ri e qui nimal tak ri winak cho ri uwächulew ri xch'obow wa'. We ta xquich'obo, ma ta xquirip ri' ri Ajawaxel ri sibalaj nim u k'ij.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Ri Xuan 15:21

Conojel c'u we jastak ri' queban na chiwe rumal rech ri nu bi', rumal rech chi man queta'm ta u wäch ri' ri xinutak ulok.

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Xuan 8:28

Ri Jesus c'ut xubij chque: “Aretak quiwalijisaj na ri Rija'l Winak, c'äte ri' quiwetamaj na chi in ri in, chi man c'o ta jas quinban pa we wi; xane' jas ri xinutijoj wi ri Tataxel, are wa' quintzijoj.

Ri Lucax 22:34

Xubij c'u ri Jesus: “Lu', quinbij chawe chi c'ä maja' cok' ri ama' ec' camic, cabij na oxmul chi man aweta'm ta nu wäch.”

Ri Matey 22:29

Ri Jesus xubij chque: “Ri ix ix sachinak rumal rech chi man iweta'm ta ri Tz'ibatalic, mawi ri u cuinem ri Dios.

Chapletajic 50:20

Ri ix xichomaj u banic jun c'ax chwe, ri Dios u q'uexom we c'ax ri' pa utzil che u banic ri cäkil camic: che u to'ic qui c'aslemal tinimit winak.

Ri Lucax 23:13

Ri Pilat xebumulij ri e qui nimakil ri e cojol tabal tok'ob, ri e k'atal tak tzij, xukuje' ri winak.

Ri Xuan 5:39

Chebisiq'uij ri e Tz'ibatalic, quichomaj c'ut chi chquipam wa' quirik wi ri junalic i c'aslemal. E are c'u wa' ri queyo'w k'alajisanic chwij.