Hechos 13:25 - Quiché Bible

²⁵ Aretak c'u xacol man cato'taj ri Xuan che ri patanijic ri xya' che, xubij: ‘Man in ta ri' ri quichomaj ix, petinak c'u jun chwij ri mawi ne takal ta chwe quebenquir ta ri e u xajäb chque ri rakan.’”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Are xuriq ri kꞌisbꞌal qꞌij rech ukꞌaslemal ri Juan, xubꞌij: “¿Teꞌq piꞌkꞌuꞌx chi in in Mesías? Man in taj. Kape kꞌu na Areꞌ, man taqal ta kꞌu chwe in kinoq che patanil re, man ne taqal ta chwe kinkir ri ximbꞌal uxajabꞌ.”

K'iche'

²⁵ Aretak c'ut xa co'l man copan ru cämical ri tat Juan, xubij ri are' chque ri winak: “¿Jachin ri in quichomaj ix? Man in tä ri' ri Cristo, ri To'l Ke ri tajin queyej alak. C'ä te cäpe na ri Are'. Sibalaj nim u k'ij, man takal tä c'u chwe quinquir u c'amal ru xajäb,” —xcha chque, —cächa ri tat Pablo.

K'iche' (New Orthography)

²⁵ Aretaq k'ut xa ko'l man kopan ru kämikal ri tat Juan, xub'ij ri are' chke ri winaq: “¿Jachin ri in kichomaj ix? Man in tä ri' ri Cristo, ri To'l Qe ri tajin keyej alaq. K'ä te käpe na ri Are'. Sib'alaj nim u q'ij, man taqal tä k'u chwe kinkir u k'amal ru xajäb',” —xcha chke, —kächa ri tat Pablo.

Hechos 13:25 Referans Kwoze

Ri Matey 3:11

Ri in kastzij quinban i bautism pa ri ja', c'utbal wa' chi i q'uexom i c'u'x i yo'm c'u can ri i mac; are c'u ri jun ri petinak chwij, c'o na u cuinem chnuwäch. Man takal ta chwe quinwuc'aj bic ri u xajäb. Ri are' quixucoj na pa ri Ruxlabal ri Dios; o quixucoj na pa ri k'ak'.

Marcos 1:7

Xtzijon c'ut, xubij: “C'o jun petinak chwij ri c'o na u cuinem chnuwäch in. Man takal ta chwe chi quinpachi che qui quiric ri e u c'amal ri u xajäb.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Apocalipsis 11:7

Aretak qui tz'akatisam chic ri qui k'alajisanic, ri xibibal awaj ri cäpaki' ulok pa ri jul re ri k'ekumalaj c'olbal cäch'ojin na cuc', quebuch'äc na, quebucämisaj c'u na.

2 Timoteo 4:7

Nu cojom nu chuk'ab pa ri utzalaj ch'o'j, xinq'uis ri nu chac, xinchajij wib pa ri nu cojonic.

2 Corintios 4:5

Man cäkatzijoj ta kib, xane' are cäkatzijoj ri Jesucrist jacha' Ajawaxel, xukuje' chi ri uj uj pataninel iwe rumal ri Jesus.

Hechos 19:4

Ri Pawl xubij chque: “Ri Xuan xuban ri qui bautism ri winak re q'uexbal c'uxaj. Xubij c'u chque ri winak chi checojon che ri cäpe na chrij are', ri u bixic wa' are' ri Jesus.”

Hechos 13:36

Kastzij ri David xebupatanij ri u winakil ri e c'o pa tak ri k'ij ri c'asal ri are', jas ri u chomanic ri Dios, te c'u ri' xcämic, xeburika' ri e u mam, xk'ay ri u cuerp.

Ri Xuan 7:18

Ri' ri cätzijon pa re wi, cutzucuj ri u juluwem ri are' chbil rib. Ri cutzucuj ri u juluwem ri xtakow ulok, are wa' aj kastzij, man c'o ta c'u etzelal ruc'.

Ri Xuan 4:34

Ri Jesus xubij chque: “Ri nu wa are wa' chi quinban ri u rayibal ri xintakow ulok, xukuje' chi quintz'akatisaj ri u chac.

Ri Xuan 1:36

Xca'y c'u apan che ri Jesus cätajin cäbin apanok, xubij: “Chiwilampe' ri Alaj u Chij ri Dios.”

Ri Xuan 1:34

In wilom, xukuje' nu k'alajisam, chi are' wa' ri u C'ojol ri Dios.”

Ri Xuan 1:29

Chucab k'ij chic ri Xuan xril ri Jesus cätajin cäpe ruc', xubij “Chiwilampe', ri Alaj u Chij ri Dios, ri cäresaj ri qui mac ri winak.