Hechos 12:14 - Quiché Bible

¹⁴ Aretak xuta' ri u ch'abal, xuch'obo chi are ri Lu', man xujak ta c'u ri uchi'be rumal rech ri u quicotemal, xane' xxiq'uin che u ya'ic u bixic chi ri Lu' tac'al chi' ri be.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Are xuta ri uchꞌabꞌal ri Pedro, sibꞌalaj xkiꞌkotik, man xujaq ta kꞌu ri uchiꞌ ja xane nabꞌe xuꞌbꞌij chike konojel ri e kꞌo pa ri ja: Kꞌo ri Pedro chuchiꞌ le ja.

K'iche'

¹⁴ Aretak c'ut xuch'ob ru ch'abal ri tat Pedro, xa rumal ri nimalaj u quicotemal xsach che chi rajwaxic u jakic na ri uchibe. Man xujak tä c'ut, xane aninak xe' chubixic chque ri e c'o pa ja chi ri tat Pedro c'o chi' ri be.

K'iche' (New Orthography)

¹⁴ Aretaq k'ut xuch'ob' ru ch'ab'al ri tat Pedro, xa rumal ri nimalaj u kikotemal xsach che chi rajwaxik u jaqik na ri uchib'e. Man xujaq tä k'ut, xane aninaq xe' chub'ixik chke ri e k'o pa ja chi ri tat Pedro k'o chi' ri b'e.

Hechos 12:14 Referans Kwoze

Ri Lucax 24:41

C'ä maja' c'u kas quecojonic, rumal rech ri qui quicotemal, xukuje' ri qui mayinic. Ri Jesus xubij chque: “¿La c'o jas catijow iwuc'?”

Ri Matey 28:8

C'äte ri' ri ixokib xebel bic chuchi' ri mukubal, quixe'n quib xukuje' c'o nimalaj quicotemal pa canima'. Aninak xebe che u ya'ic u tzijol chque ri tijoxelab.

Ri Matey 14:35

Ri achijab chila' xquich'ob c'u u wäch ri Jesus, xquesaj u tzijol chque conojel ri e c'o chila'. Xequic'am c'u ulok chuwäch ri Jesus conojel ri yawabib.