Hechos 11:29 - Quiché Bible

²⁹ Ri cojonelab c'ut ri e c'o pa Antioquiy xquichomaj u takic bic jun to'banic chque ri kachalal ri e c'o pa Judey, jas ri quecuin che u ya'ic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁹ Rumal riꞌ, ri kojonelabꞌ aꞌj Antioquía xkitaq kꞌu bꞌik jun tobꞌanik chike ri alaxik aꞌj Judea, chi kijujunal xkiya ri xekwin chuyaꞌik.

K'iche'

²⁹ Are c'u ri cojonelab ri e c'o pa ri tinimit Antioquía xquichomaj u mulixic jujun tak quetzal rech cäquitak bi chque ri cojonelab ri e c'o pa Judea che qui to'ic. Xquiya c'ut jampa' ri xecowin chuya'ic.

K'iche' (New Orthography)

²⁹ Are k'u ri kojonelab' ri e k'o pa ri tinimit Antioquía xkichomaj u mulixik jujun taq quetzal rech käkitaq b'i chke ri kojonelab' ri e k'o pa Judea che ki to'ik. Xkiya k'ut jampa' ri xekowin chuya'ik.

Hechos 11:29 Referans Kwoze

Gálatas 2:10

Xak xuwi xujquibochi'j chi quenataj ri mebayib chke. Are c'u wa' nu cojom nu chuk'ab in che u banic.

1 Corintios 13:5

man cuban ta jastak ri q'uixbal qui banic, man cutzucuj ta ri utz che chbil rib, man cäpe ta royowal, man cuc'ol ta oyowal pa ranima'.

Hechos 11:26

Aretak xurik ri Sawl, xuc'am ulok pa Antioquiy. Xec'oji' cuc' ri comon cojonelab chila' ronojel ri jun junab, e q'ui winak xequitijoj. Pa Antioquiy c'ut ri xebinax wi nabe mul ajcristib chque ri e cojonelab.

Hechos 11:1

Xquetamaj c'u ri takomxenlab xukuje' ri kachalal ri e c'o pa Judey chi xukuje' ri man aj judeyib taj qui cojom ri u tzij ri Dios.

Hechos 4:34

Man c'o ta c'u jun chquixo'l ri c'o ta jas rajawaxic che. Conojel ri e c'o tak culew xukuje' cachoch, quequic'ayila', cäquic'am c'u ulok ri cajil tak ri jastak ri quequic'ayij,

Ri Nehemiy 5:8

xinbij c'u chque: “Ri uj, ka banom ronojel ri uj cuininak che u banic, e ka torom tak ri e ka winakil aj judeyib ri e c'ayim chque tak ri winak ri man aj judeyib taj. ¿La are' chi c'u ri ix quebic'ayij chi bic jumul rech ri uj quebekator ta chi na?” We winak ri' man xech'aw taj, man caquich'ob ta c'ut jas ta ri caquitzelej ta u bixic.

Ri Esdras 2:69

Xequiya' c'u ri qui cuchuj che ri u banic u yaquic, jas ri xecuin che u ya'ic, lajuj (10) quintal ruc' oxib arob k'an puak, oxc'al (60) quintal ruc' quieb arob sak puak, xukuje' jun sient u pam catz'iak ri e cojol tabal tok'ob.

Ri Xuan 2:2

Xula'x c'ut ri Jesus xukuje' ri u tijoxelab pa ri c'ulanem.

Hechos 1:15

E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Hechos 9:19

Xwa' c'ut, xpe chi c'u jumul ri u chuk'ab. Xcanaj c'u na quieb oxib k'ij cuc' ri cojonelab ri e c'o pa Damasc.

Hechos 9:25

E are' c'u ri cojonelab, xquiya' chupam jun nimalaj chicäch chak'ab xquikasaj bic chrij ri nimalaj tapia ri c'o chrij ri tinimit.

Hechos 13:52

Ri cojonelab e nojinak che quicotemal, xukuje' che ri Ruxlabal ri Dios.

Hechos 14:20

Aretak ri cojonelab xquisutij rij, ri Pawl xwalijic, xoc bic pa ri tinimit. Chucab k'ij chic rachil ri Bernabe xebel bic, xebe pa Derb.

Hechos 14:22

Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

Hechos 24:17

E oc'owinak chi c'u q'ui junab, xinopan pa ri nu tinimit che u ya'ic cochinic xukuje' tak sipanic.

Ri Matey 25:17

Jewa' xukuje' ri xuc'am quieb rakan nimak tak puak, xuch'äc chi quieb.