Hechos 11:27 - Quiché Bible

²⁷ Pa tak ri k'ijol ri' xebel ulok jujun k'axal tzij pa Jerusalen, xebopan pa Antioquiy.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Pa taq ri qꞌij riꞌ e kꞌo jujun qꞌalajisal taq rech ri utzij ri Dios xeꞌl bꞌik pa ri tinimit Jerusalén, xebꞌe pa ri tinimit Antioquía.

K'iche'

²⁷ Pa tak c'u ri k'ij ri' e c'o jujun k'alajisal tak re ru Lok' Pixab ri Dios ri xebel bi pa ri tinimit Jerusalén, xebe' pa ri tinimit Antioquía.

K'iche' (New Orthography)

²⁷ Pa taq k'u ri q'ij ri' e k'o jujun q'alajisal taq re ru Loq' Pixab' ri Dios ri xeb'el b'i pa ri tinimit Jerusalén, xeb'e' pa ri tinimit Antioquía.

Hechos 11:27 Referans Kwoze

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

Hechos 15:32

Ri Juds xukuje' ri Silas, e k'axal tak u tzij ri Dios, xquicu'bisaj qui c'u'x xukuje' xquiya' nimalaj chajin anima' chque ri kachalal rumal tak ri e qui tzij.

Hechos 2:17

‘Cac'ulmataj na chi pa ri q'uisbal tak k'ij, cächa ri Dios, quinjamij na ri Wuxlabal paquiwi' conojel ri winak. Ri e i c'ojol xukuje' ri e i mia'l quequik'axej na ri nu tzij chque ri winak, ri c'a e ac'alab quequil na c'utwächinic, ri e ri'jab quebichic' tak na.

Ri Matey 23:34

Rumal ri', chiwilampe'. Quebentak bic k'axal tak tzij iwuc', quebentak bic winak c'o qui no'j xukuje' ajtijab. Jujun chque wa' quebicämisaj na, quebirip na. Jujun chic quebich'ay na pa tak ri ja ri quitijoj wi iwib che ri pixab, quebic'axc'obisaj na pa tak tinimit chi tinimit.

1 Corintios 14:32

Ri u ya'ic qui tzijol ri cubij Dios rajawaxic cu na ri cubij ruc' ri cubano, rajawaxic cätakan puwi'.

Hechos 21:9

Ri Pelip e c'o quiejeb u mia'l k'apojib. Ri e are' e k'axal tak tzij.

Hechos 21:4

Xujc'oji' wukub k'ij chila', xekarik ri cojonelab. Ri e are' xquibij che ri Pawl rumal ri Uxlabaxel chi mäbe pa Jerusalen.

Ri Lucax 11:49

Rumal ri', ri Dios pa ri u no'j, xubij: ‘Quebentak na bic k'axal tak tzij xukuje' e takom. Jujun chque quequicämisaj na, jujun quecokataj na.’

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Hechos 11:20

E c'o c'u jujun chque, e cojonelab wa' aj Chipr xukuje' aj Siren, aretak xebopan pa Antioquiy, xukuje' xequich'abej ri man aj judeyib taj, xquitzijoj ri utzalaj tak tzij re ri Ajawaxel Jesus chque.

Hechos 11:22

Xtataj u tzijol wa' cumal ri cojonelab re ri comon cojonelab ri c'o pa Jerusalen, xquitak c'u bic ri Bernabe rech cäbe pa Antioquiy.

Hechos 14:26

Xeboc c'u chupam jun nim jucub chila', xebe pa Antioquiy, jawije' xejach wi ulok pa ri u tok'ob ri Dios, che ri chac ri bantajinak cumal.

Hechos 15:22

Ri takomxenlab xukuje' tak ri tatayib ri quetakan ri comon cojonelab pa Jerusalen xukuje' conojel ri e re ri comon cojonelab utz xquilo ri qui cha'ic achijab chquixo'l che qui takic bic pa Antioquiy rech quecachilaj bic ri Pawl rachil ri Bernabe. Xquicha' c'u ri Juds ri cäbix Barsabas che rachil ri Silas, achijab wa' e qui nimakil ri kachalal.

Hechos 15:30

Aretak e jachom chi bic, xekaj bic pa Antioquiy. Xequimulij ri cojonelab chila', xquiya' ri wuj chque.

Hechos 18:22

Xkaj c'u can pa Sesarey, xpaki' bic pa Jerusalen. Xuya' rutzil qui wäch ri comon cojonelab. Te c'u ri' xkaj bic pa Antioquiy.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

Gálatas 2:11

Aretak c'u xopan ri Lu' pa Antioquiy, xinc'ulelaj chupalaj, takal c'u u c'okoxic.