Hechos 11:1 - Quiché Bible

¹ Xquetamaj c'u ri takomxenlab xukuje' ri kachalal ri e c'o pa Judey chi xukuje' ri man aj judeyib taj qui cojom ri u tzij ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri e taqoꞌn xuqujeꞌ ri kojonelabꞌ ri e kꞌo pa Judea are xkito chi ri winaq ri man aꞌj Israel taj xekojon che ri utzij ri Dios.

K'iche'

¹ Xquita c'u ri apóstoles, xukuje' ri cojonelab ri e c'o pa Judea, chi ri niq'uiaj winak chic ri man e aj Israel taj xquic'amowaj ru Lok' Pixab ri Dios.

K'iche' (New Orthography)

¹ Xkita k'u ri apóstoles, xuquje' ri kojonelab' ri e k'o pa Judea, chi ri nik'iaj winaq chik ri man e aj Israel taj xkik'amowaj ru Loq' Pixab' ri Dios.

Hechos 11:1 Referans Kwoze

Salmib 22:27

Ronojel qui wäch winak xukuje' nimak tak tinimit que conojel ri e u jutz'il ri uwächulew: chnataj ri Ajawaxel chiwe, chixpet ruc'; chixelxucul chuwäch.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Isaiy 32:15

Are c'u ri u cuinem ri Ajawaxel ri winakirisanel c'ac' u petic cäpe chi na jumul pakawi', ri chaki'j uwo sak cäq'uextaj na pa utzalaj ulew re ticonijibal, ri ulew re ticonijibal sibalaj cäwächin chi na chuwäch ri nabe.

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

Hechos 14:27

Aretak xebopan pa Antioquiy, xequimulij ri comon cojonelab. Xquibij chque ronojel ri u banom ri Dios cumal ri xuban ri Ajawaxel che u jakic ri oquibal chquiwäch ri man aj judeyib taj rech quecojonic.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ri Soponiy 3:9

Aretak chopan wa', quinch'ajch'ojirisaj na ri qui tzij tak ri tinimit rech conojel quinquinataj, rech conojel xa' junam qui wäch che nu k'ijilaxic.

Ri Soponiy 2:11

Ri Ajawaxel cux na xibibal chque. Cusachisaj na qui wäch conojel ri e u diosib ri ulew, cäk'ijilax c'u na ri are pa ronojel c'olbal, xukuje' ne cumal ri winak ri e c'o chquipam ri ch'akatak tak ulew ri e c'o tak chupam ri plo.

Ri Miquey 5:7

Chquixo'l c'ut, ri e q'ui tinimit, ri quecanaj che ri u tinimit ri Jacob quebux na e jacha' ri räxk'ab ri cutak ulok ri Ajawaxel, e jacha' ri jäb ri cakaj puwi' ri k'ayes, ri man are taj ri u rayibal ri winak cabanowic.

Ri Osey 2:23

Quintiquiba' na ri nu tinimit pa ri ulew ri xuwi ri in in ajchak'e; quintok'obisaj c'u na u wäch ri Lo-ruham, xukuje' ri Lo-ami quinbij na che: ‘At ri' ri nu tinimit’, ri are' c'ut cubij na chwe: ‘¡Lal ri' ri nu Dios!’ ”

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Isaiy 62:2

Ri nimak tak tinimit cäquil na ri a colotajic, conojel tak ri ajawinelab cäquil na ri a juluwem. Cäcoj c'u na jun c'ac' a bi' ri kas are' c'u ri Ajawaxel cayo'w na chawe.

Ri Isaiy 60:3

Ri nimak tak tinimit quepe na che rilic ri a chaj, ri ajawinelab are' tak quepe na che u tzucuxic ri u juluwem ri a sakil.

Ri Isaiy 52:10

Ri Ajawaxel u c'utum ri u cuinem chquiwäch conojel ri nimak tak tinimit. Pa ronojel ri uwächulew quetamax na chi ri ka Dios uj u colom.

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Ri Isaiy 42:6

“In, ri Ajawaxel, xatinsiq'uij rech caban ri colomal, xatinyukej c'u che ri a k'ab, rech catux chaconisan rech colobal ib, in xatintac'aba', quinwaj c'ut chi catux u c'utbal ri nu c'utwächinic ruc' ri nu tinimit, qui chäj ri nimak tak tinimit.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ri Lucax 2:32

Are je jas jun chäj che u k'alajisaxic ri tzij la chquiwäch ri man aj judeyib taj. Rumal c'u ri are' cänimarisax na qui k'ij ri winak aj israelib.”

Marcos 16:5

Aretak xeboc bic pa ri mukubal, xquil jun c'ojol ala t'uyul pa ri riquiak'ab ri mukubal, ri u cojom jun charachic atz'iak ri sibalaj sak. Ri ixokib c'ut xquimayo, xquixe'j quib.

Ri Matey 8:11

Quinbij chiwe chi q'ui winak quepe na pa elebal k'ij, quepe na pa u kajebal k'ij, quet'uyi' na cuc' ri Abraham, ri Isaac xukuje' ri Jacob pa ri rajawibal ri Dios.

Ri Matey 2:1

Aretak xalax ri Jesus pa Belen re Judey, pa tak ri u k'ijol ri ajawinel ri Herod, xebopan pa Jerusalen jujun ajno'jab ri qui petic pa elebal k'ij.

Hechos 1:15

E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

Hechos 11:29

Ri cojonelab c'ut ri e c'o pa Antioquiy xquichomaj u takic bic jun to'banic chque ri kachalal ri e c'o pa Judey, jas ri quecuin che u ya'ic.

Hechos 28:15

Ri kachalal chila' xquita' ka tzijol, xebel ulok che ka c'ulaxic c'ä pa ri C'ayibal re Apiy xukuje' pa ri c'olbal Oxib Okxanibal u bi'. Ri Pawl, aretak xerilo, xumaltioxij che ri Dios, xcu'bi u c'u'x.