Hechos 10:35 - Quiché Bible

³⁵ Xane' apachin ta ne ri cuxe'j rib chuwäch pa apachique tinimit, ri cuban ri suc', are ri' cäc'am rumal ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁵ Xane kuꞌkꞌamawaꞌj konojel ri kakimochꞌ kibꞌ choch xuqujeꞌ kakibꞌan ri utzilal.

K'iche'

³⁵ Xa apachique tinimit ri quepe wi, ri Dios utz queril ri winak ri cäquixej quib chuwäch, ri queniman c'u che, ri cäca'n ronojel u wäch utzil.

K'iche' (New Orthography)

³⁵ Xa apachike tinimit ri kepe wi, ri Dios utz keril ri winaq ri käkixej kib' chuwäch, ri keniman k'u che, ri käka'n ronojel u wäch utzil.

Hechos 10:35 Referans Kwoze

1 Juan 2:29

We quich'obo chi suc' ri are', chiwetamaj ba' xukuje' chi conojel ri cäquiban suq'uil, e are ri' e ralc'ual ri Dios.

Hechos 10:2

Are' jun achi nimanel che ri Dios ri junam cuc' conojel ri e rachalaxic quek'ijilan che ri Dios. Xukuje' nim ri puak ri cuya' che qui to'ic ri aj judeyib. Cuban ch'awem ruc' Dios amak'el.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

Hechos 15:9

Ri Dios man jalan ta queril ri e are' chkawäch uj, u josk'im c'u ri canima' rumal ri cojonic.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Ri Tzijonel 12:13

Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.

E C'ambal tak Tzij 16:6

Ruc' lok'ok'ebal c'uxaj, xukuje' kastzij, cäcuy ri macaj; we cäkaya' u k'ij ri Ajawaxel canajtin jun ri' che ri etzelal.

E C'ambal tak Tzij 1:7

Ri no'j cachaptajic rumal u ya'ic u k'ij ri Ajawaxel; ri man c'o ta qui no'j cäquetzelaj u wäch ri no'j xukuje' ri tijonic.

Colosenses 1:6

We tzij ri' ri xtzijox chiwe, are' wa' tzijom pa tak conojel ri c'olbal cho ri uwächulew. Cätajin cäq'uiyic xukuje' cuya' u wächinic jas ri u banom ulok iwuc' pa ri k'ij aretak xita' ri u tok'ob ri Dios xukuje' kas c'u xiwetamaj chi are' kastzij.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Salmib 111:10

Ri no'j ri nim na are ri nim rilic ri Ajawaxel; jachin tak ri nim caquil wi c'o utzalaj qui chomanic. Amak'el cäya' na u k'ij ri Dios.

Salmib 85:9

Kastzij, ri Dios sibalaj nakaj c'o wi, che qui colic ri queyo'w u k'ij; ri u juluwem cäjeki' pa ri ka tinimit.

Efesios 5:21

Chiyala' iwib pa takic chbil tak iwib, rumal rech chi nim quiwil wi ri Crist.

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

1 Corintios 12:13

Xak c'u junam chke konojel, chi aj judeyib chi man aj judeyib taj, lok'om pataninelab o e torotalic, xujjunatajic rech cujux xa' jun cuerp rumal xa' jun Uxlabal; chke c'ut konojel xya' wi ruq'uiaxic ke che we kas Uxlabal ri'.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Romanos 2:13

Man e are ta c'ut ri xak caquita' ri pixab e suc' chuwäch ri Dios, xane' e are ri queniman ri pixab quek'alajisaxic chi e suc'.

Ri Lucax 1:28

Xoc bic ri tako'n aj caj jawije' ri c'o wi ri Mariy, xubij che: “¡Quinya' rutzil a wäch, tok'obisam a wäch rumal ri Dios! Ri Ajawaxel c'o awuc'.”

Ri Osey 8:13

We winak ri' quekaj ri tabal tak tok'ob chquiwäch, quepilon c'ut; are c'u ri in, ri Ajawaxel man quinquicot ta cuc': quenataj na chwe ri etzelal tak ri e qui banom, quinc'äjisaj c'u na qui wäch rumal ri qui mac, quinban c'u na chque chi quetzelej pa Ejipt.

E C'ambal tak Tzij 3:7

Maban awib chi sibalaj ta c'o a no'j; chaya' u k'ij ri Ajawaxel chatasa' awib mat be chupam ri lawalolaj be:

E C'ambal tak Tzij 2:5

C'äte ri' cawetamaj c'u na ri u ya'ic u k'ij ri Ajawaxel; ¡cach'ob na ri retamaxic u wäch ri Dios!

Ri Job 28:28

xubij c'ut ri Dios chque ri winak: ‘Ri jicalaj u patanixic ri Ajawaxel: are no'j wa'; ri u tasic ib chrij ri etzelal: are' c'oxomanic wa'.’ ”

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Salmib 19:9

Ri now ib chuwäch ri Ajawaxel ch'ajch'oj man caq'uextaj taj xak je wi. Ri e u pixab ri Ajawaxel ri e tz'ibam e kastzij, conojel tak e suc'.

Hechos 10:28

Xubij chque: “Ri ix quich'obo chi man ya'tal ta che jun aj judey cärachilaj o coc pa rachoch jun ri man u winakil taj. Are c'u ri Dios u c'utum chnuwäch chi man cuya' taj quinbij chi man josok' taj jun winak, o tz'il.

Romanos 2:14

Ri man aj judeyib taj, ri man e c'o ta chuxe' ri u pixab ri Moises, aretak cäquiban ri jastak re ri pixab pa que wi, ri e are' e pixab chque chquibil quib, pune' man c'o qui pixab.