Hechos 10:14 - Quiché Bible

¹⁴ Ri Lu' xubij: “Jayi', Wajaw. Man c'o ta jumul nu tijom jun jasach tz'il mawi ri man josk'im taj.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Ri Pedro xubꞌij: Tat, ri taqanik kubꞌij chi man yaꞌtal tal ketij we aꞌwaj riꞌ.

K'iche'

¹⁴ Xch'aw c'u ri tat Pedro, xubij che: ¡No, Wajaw! Man c'o tä c'u jumul nu tijom ri man ya'tal tä u tijic, ri äwas chwe quintijo, —xcha che.

K'iche' (New Orthography)

¹⁴ Xch'aw k'u ri tat Pedro, xub'ij che: ¡No, Wajaw! Man k'o tä k'u jumul nu tijom ri man ya'tal tä u tijik, ri äwas chwe kintijo, —xcha che.

Hechos 10:14 Referans Kwoze

Aj Levitib 20:25

Rumal ri' xukuje' ri ix, rajawaxic quiwetamaj qui wäch ri awaj ri ya'tal quitijic xukuje' ri man ya'tal ta qui tijic, xukuje' ri chicop ri e c'o qui xic' ri ya'tal qui tijic, xukuje' ri man ya'tal ta qui tijic; mitz'iloj ba' iwib cumal tak ri awaj, chicop ri e c'o qui xic' xukuje' tak ri caquijuruj quib ri e nu c'utum chi e awaj ri e tz'il.

Ri Ezequiel 4:14

Ri in xintzelej u bixic che: “Ajawaxel ri in mawi jumul pa ri nu c'aslemal nu nakom ta jun jasach xawebal; mawi jumul nu tijom ta u ti'jal jun awaj ri xak ta xcäm pa re wi', o ch'akatim ta cumal juyubal tak awaj, mawi jumul nu naom xawebalalaj ti'j.”

Ri Daniel 1:8

Are c'u ri Daniel xuchomaj pa ranima' chi man cutz'iloj ta rib rumal ri u tijic ri riquil xukuje' ri u wa'l uva ri caruq'uiaj ri ajawinel, xutz'onoj c'u che ri c'amal u be ri rachoch ri ajawinel chi mucoj chuk'ab che chi cutz'iloj ta rib cumal tak we wa ja' ri'.

Hechos 10:28

Xubij chque: “Ri ix quich'obo chi man ya'tal ta che jun aj judey cärachilaj o coc pa rachoch jun ri man u winakil taj. Are c'u ri Dios u c'utum chnuwäch chi man cuya' taj quinbij chi man josok' taj jun winak, o tz'il.

Hechos 9:5

Ri Sawl xuban c'otoj chi'aj: “¿Ajawaxel, jachin ri lal?” Ri ch'abal xutzelej c'ut u bixic che: “In ri' ri Jesus, ri cätajin cac'axc'obisaj.

Ri Lucax 1:60

Xch'aw ri u nan, xubij: “Man je taj, xane' Xuan u bi'.”

Ri Matey 25:9

Ri utz qui chomanic xquibij chque: ‘We ne man cubana' chke uj xukuje' chiwe ix. Are utz jix cuc' ri ajc'ayib, chilok'o' iwe.’

Ri Matey 16:22

Ri Lu' xuc'am bic ri Jesus, xuchaplej u pixbexic je xubij wa': “Ma ta chuya' ri Dios chi je cac'ulmaj la wa', Wajaw.”

Ri Ezequiel 44:31

Ri e cojol tabal tok'ob man ya'tal ta chque chi caquitij jun chicop ri c'o u xic' o jun awaj ri xak c'ätetal cäcämic, o ri cämisam rumal jun juyubal awaj.”

Elem 10:11

Man je ta wa' ri quebanok. Jix xuwi ri ix ri ix achijab ri tz'akat chic i junab che u k'ijilaxic ri Ajawaxel, are c'u wa' ri quiwaj.” Xtakan c'u ri ajawinel che quesaxic bic chuwäch.

Chapletajic 19:18

Xubij c'u ri Lot chque: “¡Jayi' wajawib bana' alak tok'ob!

Ri Matey 8:2

Xopan c'u jun achi c'o ch'a'c chrij. Xxuqui' chuwäch ri Jesus, xubij che: “Wajaw, we caj la, cäcuin la che nu josk'ixic.”

Ri Matey 15:11

Man are ta ri coc pa ri chi'aj cabanow tz'il che ri winak. Xane' ri quel ulok pa ri chi'aj, are wa' cabanow tz'il che ri winak.”

Marcos 7:2

Ri e are' c'ut xequil jujun chque ri u tijoxelab ri Jesus, chi cäquitij qui wa, man quequich'aj taj ri qui k'ab, e tz'il c'ut.

Ri Xuan 4:11

Xubij ri ixok che: “Tat, ri lal man c'o ta quesabej la rech, ri c'ua' naj u pam. ¿Jawije' quec'ama' wi la ri c'aslic joron?

Hechos 10:13

Xuta' c'u jun ch'abebal, ri xbin che: “Chatwalijok, Lu'. Chatpilonok, chatwok c'ut.”

Hechos 22:8

In xinbij che: ‘¿Jachin ri' ri lal, Ajawaxel?’ Xubij c'u chwe: ‘In ri' ri Jesus aj Nazaret, ri caban c'ax chwe.’