Hechos 1:3 - Quiché Bible

³ Aretak elinak chi chupam ri c'ax ri xuriko, c'aslic xutac'aba' rib chquiwäch. Q'ui jastak xuban cuc' rech cäquetamaj chi kastzij c'aslic. Cawinak (40) k'ij xuc'utula' rib chquiwäch, xutzijola' ri rajawibal ri Dios chque.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Are xkꞌastaj uwach, xukꞌut ribꞌ chikiwach ri uꞌtaqoꞌn, xubꞌan mayijabꞌal taq jastaq rech xukꞌut chikiwach chi qas xkꞌastaj uwach. Kawinaq qꞌij xukꞌut ribꞌ chkiwach xutzijoj ri rajawarem ri Dios chike.

K'iche'

³ Xurik c'äx ri Jesús, xcämisaxic, te c'u ri' xuc'ut rib chquiwäch ri apóstoles chwinakil rech k'alaj chi c'astajinak chic chquixol ri cäminakib. Q'uia ri xuban chquiwäch rech cäquicojo chi kas tzij c'asal chic ri Are'. Cawinak k'ij ri' xuc'ut na rib chquiwäch amak'el. Xukuje' xtzijon cuc' chrij ri cuban na ri Dios aretak cätakan pa qui wi' ri winak.

K'iche' (New Orthography)

³ Xuriq k'äx ri Jesús, xkämisaxik, te k'u ri' xuk'ut rib' chkiwäch ri apóstoles chwinaqil rech q'alaj chi k'astajinaq chik chkixol ri käminaqib'. K'ia ri xub'an chkiwäch rech käkikojo chi qas tzij k'asal chik ri Are'. Kawinaq q'ij ri' xuk'ut na rib' chkiwäch amaq'el. Xuquje' xtzijon kuk' chrij ri kub'an na ri Dios aretaq kätaqan pa ki wi' ri winaq.

Hechos 1:3 Referans Kwoze

Hechos 13:31

“Q'uialaj k'ij ri Jesus xuc'utula' rib chquiwäch ri winak ri e c'o ruc' aretak xel ulok pa Galiley, xbe pa Jerusalen. E are' c'u ri' quek'alajisan chquiwäch ri winak camic jas ri quilom.

Ri Xuan 20:26

Oc'owinak chic wajxakib k'ij, jumul chic e c'o ri u tijoxelab pa ri ja, xukuje' ri Max c'o cuc'. Pune' e tz'apitz'oj ri e u chi' ri ja, xopan ri Jesus, xtaq'ui' pa qui niq'uiajil, xubij: “Chc'ol jamaril iwuc'.”

1 Juan 1:1

Cäkatz'ibaj bic chiwe ri kas c'olinak ulok pa ri tiquiritajic, ri ka tom, xukuje' ri kilom cuc' ri kas e ka bak'wäch. Kilom c'ut xukuje' xekachap cuc' tak ri e ka k'ab. Are wa' ri Tzij rech c'aslemal.

Ri Xuan 21:14

Are' wa' ri urox mul u c'utic rib ri Jesus chquiwäch ri u tijoxelab, aretak c'astajinak chic chquixo'l ri cäminakib.

Ri Xuan 21:1

Bantajinak chi c'u wa', ri Jesus jumul chic xuc'ut rib chquiwäch ri u tijoxelab chuchi' ri cho aj Tibers. Je c'u u c'utic rib wa' xubano:

Ri Matey 28:9

Xuc'utuxtaj c'u rib ri Jesus chquiwäch, xuya' rutzil qui wäch. Ri ixokib xekeb ruc', xquichap ri rakan, xquik'ijilaj.

Hechos 28:31

Xutzijoj ri rajawibal ri Dios. Xebutijoj ri winak che ri Ajawaxel Jesucrist. Man cuxe'j ta rib, man c'o ta c'u jachin jun xyo'w ta latz' che.

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

Colosenses 1:13

Xujresaj pa ri u cuinem ri k'eku'm, xujuk'axej c'u pa ri rajawibal ri lok'alaj u C'ojol,

Romanos 14:17

Ri rajawibal c'u ri Dios man wa ja' taj, xane' suq'uil, jamaril xukuje' quicotemal rumal ri Ruxlabal ri Dios.

Ri Matey 21:43

Rumal c'u ri' quinbij chiwe, chi ri rajawibal ri Dios quesax na chiwe, cäya' c'u na chque ri winak ri cäquiya' na ri u wächinic.

U Camulixic ri Pixab 9:9

Ri in xinpaki' puwi' ri juyub che qui c'amic ulok ri tz'alam tak abaj, ri tz'ibatal wi ri lajuj pixab, xinbeytaj c'u cawinak k'ij, cawinak ak'ab chila', man c'o ta wa xintijo mawi c'o xinwuq'uiaj.

Ri Matey 4:2

Cawinak (40) k'ij cawinak ak'ab ri Jesus man xwa' taj, xpe c'u u numic.

Ri Matey 3:2

Je c'u cubij wa': “Chiq'uexa' i c'u'x, rumal rech chi nakaj chic c'o wi' ri rajawibal ri Dios.”

Nabe Ajawinelab 19:8

Xwalij ri Eliy, xwa'ic xukuje' xuq'uianic. Ri wa ja' ri xutijo are' xyo'w u chuk'ab che u banic ri cawinak k'ij xukuje' cawinak ak'ab binem ri xubano c'ä xopan na pa Horeb, ri u juyub ri Dios.

U Camulixic ri Pixab 9:18

Xenmeja' c'u wib chuwäch ri Ajawaxel jacha' ri xinban nabe; cawinak k'ij cawinak ak'ab man c'o ta wa xintijo mawi c'o xinwuq'uiaj, u mac rech ri mac ri xibano, ri xiyacbej royowal ri Ajawaxel, xinicowisaj c'ut ri royowal.

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Hechos 8:12

Aretak c'u xecojon chque ri e utzalaj tak tzijol rech ri rajawibal ri Dios xukuje' ri rech ri Jesucrist ri xebutzijoj ri Pelip chque, xban c'ut ri qui bautism ri achijab xukuje' ri ixokib.

Hechos 19:8

Xoc bic ri Pawl pa ri ja ri cäquitijoj wi quib ri aj judeyib che ri pixab. Xucoj u chuk'ab chila' che u tzijoxic ri utzalaj tak tzij, man xuxe'j ta rib. Oxib ic' xuban chomanic cuc', xebuya' pa sak chrij ri rajawibal ri Dios.

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.