Hechos 1:15 - Quiché Bible

¹⁵ E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Pa taq ri qꞌij riꞌ are kimulim kibꞌ ri kojonelabꞌ karaj e jun ciento rukꞌ juwinaq kikꞌyal. Ri Pedro xtakꞌiꞌ chikixoꞌl xubꞌij chike:

K'iche'

¹⁵ Pa tak ri k'ij ri' qui mulim quib ri cojonelab. Craj e are' jun ciento ruc' juwinak ri' ri qui mulim quib. Xwalij c'u ri tat Pedro, xtaq'ui chquiwäch ri kachalal che qui ch'abexic, xubij chque:

K'iche' (New Orthography)

¹⁵ Pa taq ri q'ij ri' ki mulim kib' ri kojonelab'. Kraj e are' jun ciento ruk' juwinaq ri' ri ki mulim kib'. Xwalij k'u ri tat Pedro, xtak'i chkiwäch ri qachalal che ki ch'ab'exik, xub'ij chke:

Hechos 1:15 Referans Kwoze

1 Corintios 15:6

C'äte ri' xuc'ut chi rib chquiwäch niq'uiaj kachalal chic ri e c'o na chuwäch job sient. Conojel junam xquil ri Jesus. E q'ui c'u chque e c'asal na camic, e c'o c'u ne jujun e cäminak chic.

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Hechos 21:20

Aretak xquito, xquinimarisaj u k'ij ri Dios. Xquibij che ri Pawl: “Cawilo, kachalal, joropa' mil aj judeyib e cojoninak. Conojel c'ut cäquibij chi rajawaxic u nimaxic ri u pixab ri Moises.

Ri Xuan 21:23

Xel we tzij ri' chquixo'l ri achalaxelab, chi ri tijoxel ri' man cäcäm taj. Ri Jesus c'ut man xubij ta che chi man cäcäm taj. Xane' xubij: “We quinwaj chi ri are' cäc'asi na canok c'ä quinpe na, ¿jas awe at che?”

Apocalipsis 3:4

E c'o c'u quieb oxib chiwe pa Sards ri man qui tz'ilom ta ri catz'iak. Ri e are' quebin na wuc' ruc' sakloloj tak catz'iak. Takal c'u wa' chque.

Ri Xuan 14:12

Kastzij, kastzij quinbij chiwe: Ri jun ri cäcojon chwe in, are ri' cäbanow na ri chac ri quinban in, cuban c'u na nimak tak jastak chuwäch ri quinban in, rumal rech chi ri in quinbe ruc' ri Tataxel.

Ri Lucax 22:32

Xinbochi'n c'u pawi', rech man caya' ta can ri a cojonic. Ri at c'ut, aretak chaq'uex chi na a c'u'x, chaya' qui chuk'ab ri awachalal.”

Ri Matey 13:31

Ri Jesus xuya' jun c'ambal no'j chic chquiwäch, xubij: “Ri rajawibal ri Dios xak junam ruc' jun ija' re moxtansa, ri xuc'am jun winak, xutic pa ri rulew.

Hechos 10:23

C'äte ri' ri Lu' xebucoj pa ja, xuya' qui warabal. Chucab k'ij xwalijic, xachilax u bic cumal jujun kachalal aj Jop.

Hechos 11:1

Xquetamaj c'u ri takomxenlab xukuje' ri kachalal ri e c'o pa Judey chi xukuje' ri man aj judeyib taj qui cojom ri u tzij ri Dios.

Hechos 11:12

Ri Uxlabaxel xubij chwe chi quebenwachilaj bic, chi muban quieb nu c'u'x. Xukuje' xincachilaj bic we wakib kachalal ri', xujoc c'u bic pa rachoch jun achi.

Hechos 11:26

Aretak xurik ri Sawl, xuc'am ulok pa Antioquiy. Xec'oji' cuc' ri comon cojonelab chila' ronojel ri jun junab, e q'ui winak xequitijoj. Pa Antioquiy c'ut ri xebinax wi nabe mul ajcristib chque ri e cojonelab.

Hechos 11:29

Ri cojonelab c'ut ri e c'o pa Antioquiy xquichomaj u takic bic jun to'banic chque ri kachalal ri e c'o pa Judey, jas ri quecuin che u ya'ic.

Hechos 12:17

Ri are' c'ut xuban etal ruc' ri u k'ab chi mech'awic. Xubij chque jas xuban ri Ajawaxel che resaxic ulok pa ri che'. Xubij: “Chiya' u bixic wa' che ri Santiag xukuje' chque ri e kachalal.” Xel bic, xbe pa jun c'olbal chic.

Hechos 14:2

Are c'u ri aj judeyib ri man xecojon taj, xquicoj qui c'u'x ri man aj judeyib taj, xquiban tzij chquij ri kachalal rech cäquiban qui c'ulel chque.

Hechos 15:1

Xebel c'u bic jujun achijab pa Judey, xekaj bic pa Antioquiy, xequitijoj ri kachalal, xquibij: “We man cäcoj na ri etal che u kopixic ri u tz'umal ri u wi' ri ix achijab wi jas ri nak'atisabal ri u bim ri Moises, man quixcuin taj quixcolotajic.”

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

Hechos 16:2

Ri Timotey utz u tzijol cumal ri kachalal ri e c'o pa Listr xukuje' ri e c'o pa Icon.

Hechos 16:40

E elinak chi bic pa che', xeboc pa rachoch ri Lidiy. Aretak quilom chic qui wäch ri kachalal, xquicu'bisaj can qui c'u'x. C'äte ri' xebec.

Hechos 17:6

Aretak c'u man xequirik taj, xequicharchatej bic ri Jason xukuje' jujun chic, xequiya' chquiwäch ri e k'atal tak tzij re ri tinimit. Xquirak qui chi' xquibij: “¡E are wa' ri quequituquij ri winak cho ronojel ri uwächulew, xukuje' e petinak waral!

Hechos 17:10

Ri kachalal chak'ab xequitak bic ri Pawl xukuje' ri Silas pa Berey. Aretak xebopanic, xeboc pa ri ja ri cäquitijoj wi quib ri aj judeyib che ri pixab.

Hechos 17:14

E are' c'u ri kachalal xquitak bic ri Pawl che u suq'uil ri plo, are c'u ri Silas ruc' ri Timotey xecanaj na can chila'.

Hechos 18:18

Q'ui k'ij xcanaj chi na' ri Pawl pa Corint. Xebuya' c'u can ri achalal, xbe puwi' ri plo, xbe pa Siriy. Xachilax bic cumal ri Prisil xukuje' ri Aquil. Xusocaj ri u wi' pa Sencrey, rumal rech chi u bim ulok jun kastzij.

Hechos 18:27

Aretak ri Apols xraj xk'ax pa Acay, ri kachalal xquiya' u chuk'ab ri ranima' che u banic wa'. Xetz'ibam bic cuc' ri cojonelab chila' rech cäquic'ulaj. Aretak xopan chila', sibalaj xebuto' ri e cojoninak rumal ri u tok'ob ri Dios.

Hechos 21:7

Xujel c'u ulok pa Tir. Aretak xkaban ri ka binem puwi' ri plo, xujopan pa Tolemaid. Xkaya' rutzil qui wäch ri kachalal, xujc'oji' jun k'ij cuc'.

Hechos 21:17

Aretak xujopan pa Jerusalen, ri kachalal xujquic'ulaj ruc' quicotemal.

Hechos 22:5

Xukuje' ne ri c'amal qui be ri e cojol tabal tok'ob xukuje' ri e nimak tak tatayib xquilo jas ri xinbano, cuya' cäquik'alajisaj chiwäch. Ri e are' xeyo'w bic wuj pa nu k'ab chque ri kachil aj judeyib pa Damasc. Xinbe c'ut rech quebenyut ulok ri cojonelab ri e c'o chila', quebenc'am ulok pa Jerusalen rech cäc'äjisax qui wäch.”

Hechos 28:14

Xekarik jujun kachalal chila', xquitz'onoj chke chi chujcanaj can wukub k'ij cuc'. Je c'u xkaban wa', chuq'uisbalil c'ut xujopan pa Rom.