Hebreos 9:7 - Quiché Bible

⁷ Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Pa ri sibꞌalaj tyoxalaj kꞌolibꞌal kꞌut xwi kokik ri kinimal ri chꞌawenelabꞌ, we riꞌ xaq junmul pa jun junabꞌ kakꞌulmatajik. Ri chꞌawenel are kok bꞌik pa ri sibꞌalaj tyoxalaj kꞌolibꞌal kukꞌam bꞌik kikꞌ rech kuta kuybꞌal umak areꞌ xuqujeꞌ kuꞌta kuybꞌal kimak ri winaq ri kemakunik man rukꞌ ta kichomabꞌal.

K'iche'

⁷ Are c'u pa ri ucab u tas ri rachoch Dios xuwi coc ri qui nimal sacerdotes xa jumul che ri jun junab. Aretak coquic rajwaxic cuc'am bi quic' quech awaj rech cuya cho ri Dios che sipanic che sachbal u mac ri are' xukuje' che sachbal qui mac ri winak aj Israel.

K'iche' (New Orthography)

⁷ Are k'u pa ri ukab' u tas ri rachoch Dios xuwi kok ri ki nimal sacerdotes xa jumul che ri jun junab'. Aretaq kokik rajwaxik kuk'am b'i kik' kech awaj rech kuya cho ri Dios che sipanik che sachb'al u mak ri are' xuquje' che sachb'al ki mak ri winaq aj Israel.

Hebreos 9:7 Referans Kwoze

Aj Levitib 16:34

Jun pixab wa' ri cäcanaj chiwe jumul pa ri jun junab quiban we nak'atisabal ri' che u rikic ri cuyubal quech ri mac ri qui banom ri aj israelib.” Je c'u xuban ri Moises jacha' ri takanic ri xya' che rumal ri Ajawaxel.

Aj Levitib 5:18

Rumal ri' rajawaxic cäresaj na ulok jun ama' chij chquixo'l ri u chij ri man c'o ta u yab, at c'u catk'atow jas ri kas rajil, cuc'am c'u na bic che ri cojol tabal tok'ob jacha' che tabal tok'ob u mac rech ri macunic, rech cärik ri sachbal u mac we winak ri' ri man ruc' ta ri u rayibal xubano, cäsachtaj c'ut ri u mac.

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

Elem 30:10

We porobal ri' xa jumul jachom che ri Ajawaxel, ri Aaron xa jumul pa ri jun junab cuya' ri quic' re ri tabal tok'ob re sachbal mac paquiwi' ri ruc'a' ri porobal. Xa jumul pa ri jun junab, cäya' ri tabal tok'ob re sachbal mac puwi' we porobal ri'.”

Ri Osey 4:12

Ri nu tinimit cutz'onoj u no'j chque tak ri e diosib ri e re che'; cumal c'u tak ri ch'imiy quequiban tak ri ch'obonic. E ch'äctajinak rumal ri qui mac ri nim ch'utin, ri nu tinimit e u takem sachinak tak be: cux je ta ne ri quech ri jun nim ch'utin cutas c'u rib, cuyacan ri u Dios.

Ri Isaiy 28:7

E c'o chi c'u niq'uiaj ri quebak'ot rumal ri u wa'l uva quepajlobic quebak'otilobic rumal ri k'obisam u wa'l uva: e cojol tabal tok'ob xukuje' e k'axal tzij quebak'otilobic cumal ri k'obisam u wa'l uva; queconir rumal ri u wa'l uva, quebak'otilobic cumal tak ri k'obisam u wa'l uva, quebak'otilobic aretak quequil c'utwächinic e k'abarelab aretak caquik'at tzij.

Ri Isaiy 9:16

Ri e c'amal tak be qui quijalach'um we tinimit ri', e are' tak c'ut ri caquitzucuj jun c'amal qui be xesachic.

Ri Isaiy 3:12

Jun alaj ac'al k'atal tzij cäbanow na c'ax che ri a tinimit pa qui k'ab ixokib cäc'oji' wi na ri k'atoj tzij. Nu tinimit, ri c'amal tak a be catquisubu, catquic'am bic pa jech'alaj be.

Hebreos 10:3

Rumal c'u ri qui ya'ic ri tabal tak tok'ob quenataj ri mac tak chque chujunab.

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

Ri Isaiy 29:14

Rumal ri', cuc' tak mayibal xukuje' cajmajibal tak quimayirisaj chi na jumul we tinimit ri'. Ri qui no'j ri cajno'jab ri qui c'oxomanic ri e qui c'oxomanelab cäsach na qui wäch.”

Salmib 95:10

Cawinak (40) junab xinoyowar cuc' we winak ri', xinbij c'ut: ‘We winak ri' sibalaj quinajtajisam quib chwij ¡man quequinimaj ta ri e nu takomal!’

Salmib 19:12

¿Jachin ta ri quebuch'ob ri kas e u sachinakil? ¡Ajawaxel sacha' la ri nu mac ri e ch'ukutalic!

Ucab Tzijobelil 33:9

Are c'u ri Manases xubano chi ri Juda xukuje' ri aj Jerusalen xetaken pa ri itzel be c'o c'u na ri qui wi' ri etzelal ri xequibano chquiwäch tak ri xquiban ri nimak tak tinimit ri xsachisax qui wäch, chquiwäch ri aj israelib rumal ri Ajawaxel.

Ucab Samuel 6:7

Xpe c'u royowal ri Ajawaxel che ri Uza rumal ri u nimic rib kas chila' c'ut xresaj wi ri u c'aslemal, ri Uza xcämic xtzak pa u xc'ut ri u caxa' ri Dios.

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Efesios 4:18

Ri qui chomanic c'o pa ri k'eku'm. Man c'o ta qui c'aslemal aj Dios, rumal rech chi man c'o ta quetamabal, rumal rech chi co ri canima'.

Hebreos 6:19

Are wa' ri c'o pa ri kanima'. Co tac'alic je jas ri cätac'aban jun nim jucub, cuya' cäcu'bi ka c'u'x chrij. Are wa' coc bic c'ä chrij ri tasbal u pam ri rachoch Dios,

Hebreos 9:3

Chrij ri ucab tasbal, xc'oji' wi jun k'ijilabal ri cäbix Sibalaj Tastalicalaj C'olbal che.