Hebreos 9:21 - Quiché Bible

²¹ Junam xukuje' cuchiquicha' ri quic' puwi' ri Lic'om Rachoch Dios xukuje' paquiwi' conojel ri chacubal ri cäcoj che k'ijilanic che ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Xuqujeꞌ xuchikoj ri kikꞌ puꞌwiꞌ ri Tabernáculo, xuqujeꞌ puꞌwiꞌ ronojel ri jastaq ri kakoj che ri qꞌijilaꞌnem.

K'iche'

²¹ Xukuje' ri ka mam Moisés xuchicoj quic' chrij ri rachoch Dios, xukuje' chquij conojel ri jastak ri xecoj pa ri k'ijilanic.

K'iche' (New Orthography)

²¹ Xuquje' ri qa mam Moisés xuchikoj kik' chrij ri rachoch Dios, xuquje' chkij konojel ri jastaq ri xekoj pa ri q'ijilanik.

Hebreos 9:21 Referans Kwoze

Aj Levitib 8:19

Ri Moises xutok' u kul ri ama' chij, xujamij ri quic' puwi' xukuje' pa tak uxcut ri porobal,

Aj Levitib 8:15

Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Elem 29:36

chachi'j ronojel k'ij jun alaj ama' wacax che tabal tok'ob che qui rikic ri sachbal tak macaj; cajosk'ij ri porobal aretak cachi'j jun tabal tok'ob re sachbal macaj, chajamij aseit puwi' ri porobal che u tastajic.

Elem 29:12

Chac'ama' jubik' che ri u quiq'uel ri alaj ama' wacax ruc' ri u wi' a k'ab, chabila' chque ri ruc'a' ri porobal, ri quic' ri cäto'tajic chajamij pa rakan ri porobal.

Aj Levitib 9:18

Ri Aaron xukuje' xutok' u kul ri ama' wacax, xukuje' ri chij ri xquichi'j ri aj israelib che tabal tok'ob re utzirisan ib, ri e u c'ojol xquic'am bic ri quic' che, xujamij c'u ri Aaron puwi' xukuje' pa tak uxcut ri porobal;

Elem 29:20

Chatok'o ri u kul ri ama' chij, chac'ama' jubik' che ri u quiq'uel chabila' chuxe' u xiquin ri Aaron, xukuje' chuxe' qui xiquin ri e u c'ojol re ri quiquiak'ab, puwi' ri nim u wi' qui k'ab re ri quiquiak'ab xukuje' puwi' ri nim u wi' cakan re ri qui wiquiak'ab. Are c'u ri quic' ri cäto'tajic chachicoj puwi' ri porobal xukuje' pa tak u xcut ri porobal.

Elem 24:6

Ri Moises xuc'am pa niq'uiaj che ri quic', xuya' pa jujun nimak tak lak ri niq'uiaj chic xuchicoj puwi' ri porobal.

Elem 40:9

Chac'ama' ri aseit ri cäcoj che qui tasic ri jastak, chak'ija' puwi' ri k'ijilabal xukuje' paquiwi' conojel ri jastak ri e c'o chupam. Je c'u chabana' wa' che u tasic querachilaj conojel ri jastak ri quebajwataj chupam, cux c'u na jun tastalic c'olbal.