Hebreos 9:14 - Quiché Bible

¹⁴ ¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ We jeriꞌ, la mat kꞌu kꞌo na ri ukikꞌel ri Cristo, ri man kꞌo ta xa ta ne nitzꞌ chꞌuluj che ri xtzuj cho ri Dios, are waꞌ kuchꞌajchꞌobꞌej na ri qachomabꞌal che ri itzel taq chak ri xaq kakꞌaman bꞌik pa ri kamikal, rech jeriꞌ kaqapatanij na ri kꞌaslik Dios.

K'iche'

¹⁴ We je ri', ¿a mat c'u sibalaj c'o na u chuk'ab ru quiq'uel ri Cristo? ¡Je', je ri'! Ri Cristo, rumal ri Lok'alaj Espíritu ri man cäcäm taj, xujach rib ri Are' cho ri Dios che jun sipanic ch'ajch'oj. Ru quiq'uel cäresaj ri etzelal pa kanima'. Te c'u ri' man cäka'n tä chic ri uj nak'atal wi nabe ri man c'o tä u patän. Je ri' utz cäkana' pa kanima' cho ri Dios, rech cujcowinic cäkapatänij ri c'aslic Dios.

K'iche' (New Orthography)

¹⁴ We je ri', ¿a mat k'u sib'alaj k'o na u chuq'ab' ru kik'el ri Cristo? ¡Je', je ri'! Ri Cristo, rumal ri Loq'alaj Espíritu ri man käkäm taj, xujach rib' ri Are' cho ri Dios che jun sipanik ch'ajch'oj. Ru kik'el käresaj ri etzelal pa qanima'. Te k'u ri' man käqa'n tä chik ri uj naq'atal wi nab'e ri man k'o tä u patän. Je ri' utz käqana' pa qanima' cho ri Dios, rech kujkowinik käqapatänij ri k'aslik Dios.

Hebreos 9:14 Referans Kwoze

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

1 Pedro 1:19

xane' ri u quiq'uel ri Crist ri pakal rajil, are xixcolowic, jas ri u quiq'uel jun alaj chij, jun utzalaj chij ri man c'o ta u yab xukuje' man tz'ajtajinak taj, yo'm che tabal tok'ob cho ri Dios.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Hebreos 6:1

Katakej ba' takenic c'ä catz'akat na ri ka junab, c'o na ri chketamaj chquiwäch ri nabe tak etamanic aj Crist. Makatakej quetamaxic ri nabe tak jastak ri e ketamam nabe jacha' ri q'uexoj c'uxaj che qui takexic ri qui banic ri chac ri quec'aman bic pa ri cämical, ri cojonic che ri Dios,

Romanos 6:13

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

1 Juan 3:5

Ix iweta'm chic chi ri Jesucrist xpe cho ri uwächulew che quesaxic tak ri macaj, xukuje' chi ri are' man c'o ta jun u mac.

Romanos 6:22

Camic c'ut, ix tzokopitajinak chic ix esam chic pa u k'ab ri mac, ix chi c'u u lok'om pataninelab ri Dios. Ri quiwechbej camic are jun tastalic c'aslemal, xukuje' ri quiwechbej na are ri junalic c'aslemal.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Hebreos 10:2

We ta ri pixab xcuintaj che u banic tz'akat chque, xquitanaba' ta qui ya'ic tabal tak tok'ob, rumal rech chi e josk'im ta chic xukuje' cäquina' ta ri' pa ri canima' chi man c'o ta chi qui mac.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Efesios 2:5

Jeri' chi, aretak uj cäminak can cumal ri ka mac nabe, xuya' ka c'aslemal ruc' ri Crist. Rumal c'u ri u tok'ob ri Dios ix colotajinak chic.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Romanos 11:12

We rumal ri qui mac ri aj judeyib xya' jun utzalaj jasach je ta ne jun k'inomal chque ri winak cho ronojel ri uwächulew, we xya' jun utzalaj jasach chque ri man aj judeyib taj rumal chi ri aj judeyib xetzakic, ¡sibalaj utz na cäquirik ri winak aretak ri aj judeyib cäquic'am chi na che ri Dios ronojel ri cäraj chque!

Ri Lucax 1:74

chi cujresaj na pa qui k'ab ri ka c'ulel, rech cujpatanin che, man ruc' ta xe'n ib,

1 Pedro 2:22

Ri Crist man c'o ta mac xubano, mawi ne xriktaj subunic pa u chi'.

1 Timoteo 1:17

Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.

Gálatas 2:19

Ri in c'ut xincäm chuwäch ri pixab. Are ri pixab xbanow chwe chi xincämic, rech quinc'asi' che ri Dios.

2 Corintios 6:16

Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

Romanos 11:24

We ri at man at ta aj judey, xatesax che ri juyubal aseitun, xatch'ap c'u ocok man je ta c'u wa' ri takal u banic che ri utzalaj aseitun, ¡e ta c'u lo ri aj judeyib kas e u k'ab ri che' quetik chi na che ri che' ri xebesax wi bic!

Romanos 1:20

Are c'u ri man ilitajel ta wi ri Dios cuya' quetamatajic, we cachomax ri u banom ri are'. Kas c'u are ri Dios xukuje' chi ri u cuinem mawi jubik' c'o ta u q'uistajic. Rumal ri' ri e itzel tak winak man c'o ta esbal quib.

Ri Xuan 3:34

Are' c'ut ri takom ulok rumal ri Dios, ri e u tzij ri Dios quebutzijoj; man cupaj ta c'ut ri Uxlabaxel ri cuyao.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.

Ri Matey 20:28

Je jas ri Rija'l winak man xpe taj rech cäpatanixic, xane' rech quebupatanij niq'uiaj chic. Xpetic rech cuya' ri u c'aslemal che qui toric q'uialaj winak.”

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Aj Levitib 22:20

Muchi'j jun awaj ri c'o u yab, man cäc'am ta c'u na.

Hebreos 11:21

Rumal ri cojonic, ri Jacob aretak xa' co'lman cäcämic, xebutewichi'j ri ralc'ual ri Jose chquijujunal. Xuya' ri u k'ab puwi' ri u jolom ri ch'imiy, xuk'ijilaj ri Dios.

Hebreos 9:9

Are c'u ri' c'ambal no'j pa ri k'ij camic. Ri winak ri cäquiya' sipanic xukuje' quequicämisaj awaj che tabal tok'ob cho ri Dios, man cuya' ta rumal ri qui k'ijilanic cäquina' pa ri canima' chi ma ta c'o qui mac,

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Hechos 10:38

Iweta'm chi ri Dios xunojisaj ri Jesus aj Nazaret che cuinem xukuje' che ri Ruxlabal ri Dios, xukuje' chi ri Jesus xebuban utzil xukuje' xebucunaj conojel ri qui rikom c'ax pa u k'ab ri itzel. Xcuin c'u wa' che u banic rumal rech chi c'o ri Dios ruc'.

U Camulixic ri Pixab 17:1

“Michi'j jacha' che tabal tok'ob jun ama' wacax mawi jun chij ri c'o u yab che tabal tok'ob che ri Ajawaxel ri i Dios, o jun jasach ri man utz taj. Ri Ajawaxel ri i Dios man utz ta cäril wa'.

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

1 Tesalonicenses 1:9

Kas e are' c'ut quetzijon ri solinic ri xkaban chiwe, ri utzalaj ka c'ulaxic xibano xukuje' ri e qui ya'ic tak can ri e diosib che u ternexic ri kas c'aslic Dios xukuje' ri u chaplexic u patanixic.

Hechos 1:2

C'ä pa ri k'ij c'ut ri xpaki' chicaj. Aretak xbec, u yo'm chi can takanic, rumal ri Ruxlabal ri Dios, chque ri e u takomxenlab ri e u cha'om, jas ri rajawaxic cäquibano.

Ri Lucax 12:28

We ri Dios je ratz'iakixic wa' ri k'ayes re ri juyub xubano, ri c'o camic, chwek c'ut cäq'uiak pa k'ak', ¡e ta c'u lo ri ix, quixatz'iakix na ri rumal ri Dios! ¡Xak c'u jubik' i cojonic!

Ri Lucax 12:24

Chebiwila' ri joj, chi man queticonij taj, mawi cäquiban k'atoj. Man c'o ta quequitanij wi jastak quech, mawi c'o qui c'uja. Are c'u ri Dios quebutzuku. ¡E ta c'u lo ri ix, are c'o na i k'ij chquiwäch ri chicop aj uwo caj!

Ri Matey 12:28

We c'u ri in rumal ri Ruxlabal ri Dios quebenwesaj ri itzel tak uxlabal, kastzij opaninak ri rajawibal ri Dios iwuc'.

Ri Matey 7:11

We c'u ri ix, ri ix lawalo, iweta'm quebiya' utzalaj tak jastak chque ri e iwalc'ual, ¡e ta c'u lo ri i Tat ri c'o pa ri caj, quebuya' na utzalaj tak jastak chque ri caquitz'onoj che!

Ucab Samuel 4:11

¡A ma ta c'u je cäban na chque ri itzel tak achijab ri xquicämisaj jun suc'alaj achi chupam ri rachoch, puwi' c'ut ri u ch'at! Are c'u ri camic, ¡A ma ta quintok'ij na ri u quiq'uel pa i k'ab! ¡quixenwesaj c'ut cho ri uwächulew!”

U Camulixic ri Pixab 33:27

Ri junalic Dios are to'bal awib, ri junalic u cuinem are catobej awib; xubano chi xanimaj ri a c'ulel chawäch. Xatutak c'ut che u sachisaxic u wäch.

Ajilanic 28:11

“Chupam ri nabe k'ij re jujun tak ic' qui chi'j na jacha' che tabal tok'ob ri cächajirisaxic che ri Ajawaxel quieb c'ojol tak wacax, jun ama' chij xukuje' wukub alaj ama'ib tak chij re jujun qui junab, ri man c'o ta qui yab.

Romanos 1:4

Xya' u bixic chi are u C'ojol ri Dios rumal ri Ruxlabal ri Dios. Xk'alajisaxic chi c'o u cuinem aretak xc'astaj chquixo'l ri cäminakib. Are wa' ri Jesucrist ri Ajawaxel.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

U Camulixic ri Pixab 15:21

We c'u ne c'o jun u yab, o we ne ch'äcoj o moy o c'o chi apachique jun chi u yab, man caya' ta che tabal tok'ob chuwäch ri Ajawaxel.

Ajilanic 28:3

Chabij chque xukuje' chi e are' tak sipanic wa' ri takal qui poroxic cumal che u ya'ic nu k'ij: k'ij chk'ij mel i k'ij che u banic quieb alaj ama'ib tak chij re jun qui junab ri ma ta c'o jun qui yab.

Ri Isaiy 53:9

Xquimuk pa tak qui xcut itzel tak winak, xquiya' chupam ri mukbal cuc' ri e lawalolaj tak winak, pune' c'u mawi jubik' xuban jun il patan mawi xuban jun subunic.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

Ri Job 15:16

¡etac'ulo ri winak, ri xibibal ch'uluch'uj ri cuban etzelal jacha' ri ruq'uiaxic ja' rumal!

Ucab Ajawinelab 19:16

Kas choc la il, Ajawaxel, chatatabej c'u la. Chejaka' la ri bak'wäch la, Ajawaxel, chca'y c'u la. Chetatabej la ri tzij ri xebutak ulok qui bixic ri Senaquerib chwe, tzij tak ri conojel queyok'on che la, ri lal c'aslic Dios.

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

U Camulixic ri Pixab 5:26

¿Jachin ta jun winak c'olic ri cäcuinic cutatabej ri u ch'abal ri c'aslic Dios ri cäch'aw pa u niq'uiajil ri k'ak', jas ri xkata' uj ri ma ta cäcämic?

Ajilanic 28:9

“Chupam tak ri k'ij re uxlanibal rajawaxic quebichi'j quieb alaj tak ama'ib chij re jun qui junab, ri ma ta c'o qui yab, xukuje' belejeb libra utzalaj c'äj ri cayok' aseit ruc' jacha' che sipanic que tak c'äj, carachilaj ri u wa'l uva.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

U Camulixic ri Pixab 31:27

Weta'm c'ut chi ix jun tinimit ri man ix tal ta tzij, ri man coc ta tzij pa i jolom; we c'u ri camic ri c'ä in c'asal chixo'l quic'ulelaj ri Ajawaxel, ¿jas lo ri quiban na ri' aretak in cäminak chic?

Elem 12:5

Ri awaj rajawaxic chi c'o chic jun u junab, ama' xukuje' man c'o ta u yab, we alaj chij o alaj q'uisic'.

Salmib 51:2

¡Chinch'ajch'obisaj la chesaj la ri wetzelal! ¡Chinjosk'ij la chesaj la ri nu mac!

Ri Ezequiel 45:18

“In, ri Ajawaxel, quinbij: Pa ri nabe k'ij re ri nabe ic' quichi'j na che tabal tok'ob jun alaj ama' wacax ri ma ta c'o jun u yab, che u ch'ajch'ojirisaxic ri rachoch Dios ri tz'ilotajinak rumal ri macaj.

Ri Matey 16:16

Ri Simon Lu' xubij che: “Lal ri' ri Crist, ri u C'ojol ri c'aslic Dios.”

Hechos 15:9

Ri Dios man jalan ta queril ri e are' chkawäch uj, u josk'im c'u ri canima' rumal ri cojonic.

1 Corintios 15:45

Jewa' xukuje' tz'ibatalic: “Xban ri nabe achi, Adan, are jun winak ri xya' u c'aslemal.” Are c'u ri q'uisbal Adan, are jun uxlabal ri cuya' c'aslemal.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

Hebreos 7:16

ri man cojom ta rumal ri pixab ri cubij jachique ija'lil rajawaxic cäpe wi, xane' rumal ri u cuinem ri c'aslemal ri man q'uisel taj.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

Hebreos 10:10

Rumal ri u rayibal ri Dios, banom tastalic tak winak chke, rumal rech chi ri Jesucrist xuya' ri u cuerp xa' jumul chbe k'ij sak.

Hebreos 10:12

Aretak c'u we cojol tabal tok'ob ri' u chi'm chic re chbe k'ij sak jun xa' tabal tok'ob ri cäyo'w ri cuyubal macaj, xut'uyuba' c'u rib pa ri u wiquiak'ab ri Dios.

Hebreos 13:12

Rumal ri', xukuje' ri Jesus xurik c'ax chrij ri tinimit, che u banic tastalic tak winak rumal ri u quiq'uel.