Hebreos 9:12 - Quiché Bible

¹² Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² xok bꞌik xa junmul pa ri sibꞌalaj tyoxalaj kꞌolibꞌal, man xok ta bꞌik chutzujik kikikꞌel ri amaꞌ taq kꞌisikꞌ xane are xuꞌtzuju ri ukikꞌel Areꞌ, rech jeriꞌ xujukol che ri makaj.

K'iche'

¹² Xa jumul xoc ri Cristo pa ri C'olibal ri Sibalaj Lok' na chutojic ri ka mac. Man are tä chuya'ic qui quiq'uel tak q'uisic', qui quiq'uel alaj tak wacäx cho ri Dios, xane tzare ru quiq'uel ri Are'. Ruc' wa' xubano chi xkarik ru tobanic ri Dios ri man c'o tä u q'uisic.

K'iche' (New Orthography)

¹² Xa jumul xok ri Cristo pa ri K'olib'al ri Sib'alaj Loq' na chutojik ri qa mak. Man are tä chuya'ik ki kik'el taq k'isik', ki kik'el alaj taq wakäx cho ri Dios, xane tzare ru kik'el ri Are'. Ruk' wa' xub'ano chi xqariq ru tob'anik ri Dios ri man k'o tä u k'isik.

Hebreos 9:12 Referans Kwoze

Hebreos 10:4

Man cäcuin ta ri qui quiq'uel ri alaj tak ama' wacax xukuje' ri ama' tak q'uisic' che quesaxic tak ri macaj.

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Hebreos 5:9

Tz'akatirinak chi c'ut, xux junalic colol quech conojel ri queniman che.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Hebreos 10:19

Je c'u ri', wachalal, man cäkaxe'j ta kib che koquic pa ri Sibalaj Tastalicalaj C'olbal rumal ri u quiq'uel ri Jesucrist.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

Aj Levitib 9:15

Ri Aaron xuchi'j xukuje' ri qui sipanic ri aj israelib. Xuc'am ri alaj ama' q'uisic' ri are tabal tok'ob u mac rech ri u mac ri tinimit, xutok' c'ut ri u kul, xuchi'j c'ut qui mac ri macaj, jacha' ri xuban che ri nabe sipanic.

Hebreos 9:13

Kastzij chi ri qui quiq'uel ri ama'ib tak wacax xukuje' tak q'uisic, xukuje' ri e u chajil ri ati't wacax ri canicowisax puwi' ri porobal, ri e chicom paquiwi' ri e tz'ilobitajinak, e c'o qui cuinem che qui tasic xukuje' che qui ch'ajch'ojisaxic chquij,

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

1 Tesalonicenses 1:10

Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

Ri Zacariy 3:9

In nu yo'm chuwäch ri Jexu jun abaj re wuktzalaj, kas in c'ut quintzoc'ow na jun tz'ib chuwäch. Xa' c'u pa jun k'ij quinwesaj na ri macaj ri c'o chupam we ulew ri'.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Colosenses 1:14

ri xujresaj pa u k'ab ri ka c'ulel rumal ri u quiq'uel xukuje' xusach ri ka mac.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Marcos 3:29

are' c'ut ri cuyok' ri Ruxlabal re ri Dios mawi jumul cusach na u mac, cacanaj ajchak'mac chbe k'ij sak.”

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Aj Levitib 8:2

“Chac'ama' ri Aaron e rachil ri e u c'ojol, xukuje' chebac'ama' ri atz'iak ri cäquicoj ri cojol tabal tok'ob, ri aseit re ri tastajic, ri alaj ama' wacax re cuyubal mac, ri quieb ama'ib tak chij, ri alaj chicäch ri e c'o caxlanwa chupam ri man cäya' ta ch'am cuc',

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

Aj Levitib 4:3

We ri camacunic are' ri quinimal ri e cojol tabal tok'ob, cuban c'ut chi cakaj na ri macaj puwi' ri tinimit, rajawaxic cuchi'j na che ri Ajawaxel jun alaj ama' wacax ri man c'o ta u yab jacha' che tabal tok'ob u mac ri macaj.

Aj Levitib 16:15

C'äte ri' cutok' u kul ri ama' q'uisic' jacha' che tabal tok'ob che ri josk'ibal u mac ri tinimit, cuc'am bic ri quic' chupam ri c'olbal ri c'o chrij ri ch'ukubal, chila' cuchicoj wi ri quic' puwi' xukuje' chuwäch ri tz'apibal, jacha' ri xuban che ri u quiq'uel ri c'ojol ama' wacax.

Ri Lucax 1:68

“Chnimarisax u k'ij ri Ajawaxel ri qui Dios ri aj Israel, rumal rech chi xebulusolij ri u winak, xebucolo.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 9:19

Ri Moises, xebutzijoj conojel ri takanic re ri pixab chque conojel ri winak, xuc'am ri qui quiq'uel ri alaj tak ama'ib wacax xukuje' ri ama'ib tak q'uisic', xarachilaj ja', quiäk rismal chij ruc' u k'ab juwi' mesbal re hisop, xuchiquicha' ri u wujil ri pixab xukuje' conojel ri winak.

Hebreos 13:12

Rumal ri', xukuje' ri Jesus xurik c'ax chrij ri tinimit, che u banic tastalic tak winak rumal ri u quiq'uel.