Hebreos 9:11 - Quiché Bible

¹¹ Aretak c'u petinak chic ri Crist, ri qui nimal ri cojol tabal tok'ob, ri cojom paquiwi' ri utzalaj tak jastak ri quepe na. Cäpatanin pa ri k'ijilabal ri nim na u banic, ri sibalaj tz'akat, ri man banom ta rumal qui k'ab ri winak; quel cubij wa' chi man aj uwächulew taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Are kꞌu xul ri Cristo, ri kinimaꞌqil ri chꞌawenelabꞌ pa ri Tabernáculo ri man kiqꞌabꞌ ta achyabꞌ bꞌanowinaq, xuqujeꞌ man rech ta we uwachulew riꞌ,

K'iche'

¹¹ Cämic c'ut ya xul ri Cristo. Are qui nimal sacerdotes wa' ri cuya chke chi quekarik nimak tak tewchibal cämic ri'. Cäpatänin c'u chupam ri kas Lok'alaj Ja ri utz na, ri kas je'lic, ri man xa tä banom cumal winak, ri man rech tä c'ut we uwächulew ri'.

K'iche' (New Orthography)

¹¹ Kämik k'ut ya xul ri Cristo. Are ki nimal sacerdotes wa' ri kuya chqe chi keqariq nimaq taq tewchib'al kämik ri'. Käpatänin k'u chupam ri qas Loq'alaj Ja ri utz na, ri qas je'lik, ri man xa tä b'anom kumal winaq, ri man rech tä k'ut we uwächulew ri'.

Hebreos 9:11 Referans Kwoze

2 Corintios 5:1

Ri uj uj junam ruc' jun ja aj uwächulew, jacha' jun lic'om cäbal. Keta'm c'ut chi we cäsach u wäch wa', c'o jun kachoch ri junalic ruc' ri Dios pa ri caj, ri man k'abaj ta banowinak.

Hebreos 10:1

Are c'u ri pixab, ri xa' qui mu'jal ri utzalaj tak jastak ri quepe na, man are ta ri kas qui ca'yebal. Rumal ri', ri pixab mawi jumul cäcuin che u banic tz'akat chque ri winak ri quekeb chuwäch ri Dios cumal ri tabal tak tok'ob ri queya' chujunab.

Marcos 14:58

“Ri uj xkata' we achi ri' aretak xubij: ‘In quinwulij na we rachoch Dios ri' ri banom cumal qui k'ab ri winak, pa oxib k'ij c'ut quinyac chi na jun ri man banom ta cumal winak.’ ”

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hechos 7:48

Pune' c'u ri Dios aj chicaj man cäc'oji' ta pa tak ja ri e banom che k'abaj, jas ri xubij ri k'axal tzij:

2 Juan 1:7

E q'ui c'ut ri e benak cho ri uwächulew ri cäcaj quixquisubu, cäquibij chi ri Jesucrist man c'o ta u cuerp xpe cho ri uwächulew. Ri jun ri je cubij wa', are subunel ri cuban u c'ulel che ri Crist.

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

Ri Xuan 4:25

Xubij ri ixok che: “Weta'm chi cäpe na ri Mesiy, ri cäbix Crist che. Aretak cäpe ri are', quebulutzijoj na conojel ri jastak chke.”

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Salmib 40:7

Rumal ri' nu bim: In c'olic ri', jacha' ri cubij ri wuj chwij.

Hebreos 7:1

Are c'u we Melquisedec ri', rajawinel ri Salem xukuje' cojol tabal tok'ob rech ri Dios ri c'o pa ri caj. Xel ulok che u c'ulaxic ri Abraham, aretak tzelejinak chi ulok che qui ch'äquic ri ajawinelab. Xutewichi'j c'u ri Abraham.

Ri Isaiy 59:20

Cäpe c'u na jacha' che u toronel ri Sion xukuje' chque ri e u k'ab tak rachalaxic ri Jacob ri cäquiya' can u banic ri mac. Ri Ajawaxel cujiquiba' u bixic.

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;

Ri Matey 11:3

che u bixic che ri Jesus: “¿La lal ri' ri cäpe na, o cäkeyej chi na jun?”

Ri Matey 2:6

‘Ri at, Belen, ulew re Judey, man at ta ch'utin na chquixo'l ri quetakan puwi' ri Judey. Rumal rech chi awuc' quel wi na ulok jun c'amal be ri cäyuk'un na ri nu tinimit Israel.’ ”

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ri Malaquiy 3:1

Ri Ajawaxel ri c'o ronojel u cuinem je cubij wa': “Quintak bic ri nu tako'n rech cusuc'umaj apan ri be. Ri Ajawaxel ri cätajin quixtzucun che, man cäbeytaj ta ri roquic chupam ri rachoch. ¡Opanem cuban ri tako'n re ri c'ulwächinic ri ix eyeninak che!”

Ri Jeremiy 33:8

Quebench'ajch'ojirisaj na chque conojel tak ri qui mac ri xequiban che nu c'ulelaxic; quebencuy na conojel tak ri etzelal ri xequibano ri xequiwalijisabej wi quib chwij.

2 Corintios 4:18

Man are ta cäkacu'ba' ka c'u'x chquij ri jastak ri quebilitajic, xane' chquij ri man quebilitaj taj. Ri jastak ri quebilitajic queq'uis na. Are c'u ri jastak ri man quebilitaj taj e junalic.

Hebreos 12:27

Ri tzij ri', “Jumul chi na”, cubij chi quebesax na ri jastak ri queslabesaxic, are ri e bantajinak, rech quec'oji' na ri jastak ri man queslab taj.

Hebreos 13:14

Man c'o ta c'u ka tinimit waral ri cojc'oji' ta wi na amak'el, xane' are sibalaj cäkatzucuj ri cäpe na.