Hebreos 8:12 - Quiché Bible

¹² Ri in c'ut man quinc'äjisaj ta na qui wäch rumal rech ri etzelal ri qui banom, man quenataj ta chic ri qui mac xukuje' ri quetzelal chwe.’ ”

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Kinkuy na ri ketzelal xuqujeꞌ man kanaꞌtaj ta chi wi chwe ri kimak”.

K'iche'

¹² Quincuy na ri etzelal ri ca'nom, man c'o tä c'u jubik' ri qui mac ri cäna'taj chi na chwe, —cächa ri Kajaw Dios.

K'iche' (New Orthography)

¹² Kinkuy na ri etzelal ri ka'nom, man k'o tä k'u jub'iq' ri ki mak ri käna'taj chi na chwe, —kächa ri Qajaw Dios.

Hebreos 8:12 Referans Kwoze

Romanos 11:27

Are nu c'ulwächinic wa' cuc' aretak chinwesaj ri qui mac.”

Ri Isaiy 43:25

Are c'u ri in rumal rech chi in a Dios, quebenchup ri awetzelal man quenataj ta chi na ri a mac chwe.

Ri Miquey 7:19

Jumul chi ba' chel c'u'x la chke chemuku' ba' la ri ketzelal. Cheq'uika' la bic tak ri e ka mac chupam ri u choil ri plo.

Ri Jeremiy 50:20

In, ri Ajawaxel, quinjiquiba' u bixic: Pa ri k'ijol ri', ri Israel xukuje' ri Juda man e c'o ta chic chak'maquil chquij, xukuje' macaj, rumal rech chi quinsach na qui mac ri quebenc'asba' canok.”

Ri Jeremiy 33:8

Quebench'ajch'ojirisaj na chque conojel tak ri qui mac ri xequiban che nu c'ulelaxic; quebencuy na conojel tak ri etzelal ri xequibano ri xequiwalijisabej wi quib chwij.

Ri Isaiy 44:22

Ri in e nu sachom chi tak ri a sachinakil xukuje' tak ri a mac, jas ri cuban ri sutz' cäsachic. Chattzelej ulok wuc', at nu torom c'ut.”

Colosenses 1:14

ri xujresaj pa u k'ab ri ka c'ulel rumal ri u quiq'uel xukuje' xusach ri ka mac.

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Salmib 25:7

menataj chi c'ut ri nu mac che la, mawi ri etzelal ri xinban pa ri wac'alal. Ajawaxel, chinnataj ba che la, rumal ri lok'ok'ebal c'u'x la xukuje' ri utzil la.

Salmib 65:3

Ri ketzelal, uj qui kajbem, ri lal c'ut quesach la ri e ka mac.

Ri Jeremiy 31:34

Man rajawaxic ta chi c'ut chi jujun cuc' jule' tak chic, achilab xukuje' achalaxelab, caquitijola' ta chi na quib rech caquetamaj nu wäch rumal c'u rech chi conojel, cachaptaj bic kas ruc' ri sibalaj nim na queq'uis c'u na ruc' ri sibalaj ch'utin, caquetamaj na nu wäch. In quinsach na qui mac che ri etzelal ri qui banom man quenataj ta chi c'ut chwe ri qui mac ri qui banom. In, ri Ajawaxel Dios, quinjiquiba' u bixic.”

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.