Hebreos 8:11 - Quiché Bible

¹¹ Man quequitijola' ta chi na chquijujunal ri cachalal rech cäquich'ob u wäch ri Ajawaxel. Rumal rech chi conojel cäquich'ob na nu wäch, chi e ch'utik chi e nimak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Pa ri qꞌij riꞌ man choqꞌaqꞌ ta chik chi jun kuya kꞌutuꞌn che ri ukꞌulja xuqujeꞌ man kꞌo ta jun ri kubꞌij che ri rachalal: “Chawetaꞌmaj uwach ri Ajawxel, rumal cher konojel kaketaꞌmaj na nuwach kachapleꞌtaj la rukꞌ ri nitzꞌ akꞌal kꞌa rukꞌ ri nim winaq.

K'iche'

¹¹ Man c'o tä na jun winak rajwaxic cuya tijonic che jun winak chic. Man cuya tä tijonic che ri rachi'l, man cuya tä c'u tijonic che ri rachalal rech kas cäretamaj u wäch ri Dios rumal chi conojel winak cäquetamaj na nu wäch, chi ac'alab, chi ri'jab.

K'iche' (New Orthography)

¹¹ Man k'o tä na jun winaq rajwaxik kuya tijonik che jun winaq chik. Man kuya tä tijonik che ri rachi'l, man kuya tä k'u tijonik che ri rachalal rech qas käretamaj u wäch ri Dios rumal chi konojel winaq käketamaj na nu wäch, chi ak'alab', chi ri'jab'.

Hebreos 8:11 Referans Kwoze

Ri Jeremiy 31:34

Man rajawaxic ta chi c'ut chi jujun cuc' jule' tak chic, achilab xukuje' achalaxelab, caquitijola' ta chi na quib rech caquetamaj nu wäch rumal c'u rech chi conojel, cachaptaj bic kas ruc' ri sibalaj nim na queq'uis c'u na ruc' ri sibalaj ch'utin, caquetamaj na nu wäch. In quinsach na qui mac che ri etzelal ri qui banom man quenataj ta chi c'ut chwe ri qui mac ri qui banom. In, ri Ajawaxel Dios, quinjiquiba' u bixic.”

Ri Isaiy 54:13

In quebentijoj na ri awal, conojel cäquirik na nimalaj utzil.

Ri Xuan 6:45

Tz'ibatal can pa tak ri qui wuj ri k'axal tak tzij: Conojel quetijox na rumal ri Dios. Conojel ri cäquitatabej ri Tataxel, cäquetamaj que ruc', e are ri' quepe wuc' in.

1 Juan 2:27

Are c'u ri ix c'o ri Ruxlabal ri Dios iwuc' ri u yo'm ri Jesucrist chiwe. Man rajawaxic taj chi c'o jachin quixtijonic. Ri Uxlabaxel ri jekel iwuc' cuc'ut conojel ri jastak chiwäch. E are tak c'ut ri e u tijonic e kastzij, man c'u e banoj ta tzij. Chixcanaj nuc'talic ruc' ri Crist, je jacha' ri tijonic ri u yo'm ri Uxlabaxel chiwe.

Ri Jeremiy 24:7

Quinya' quetamanic rech caquich'obo chi in ri' ri Ajawaxel, e are' c'ut ri nu tinimit in c'ut ri in qui Dios, rumal rech chi ruc' ronojel canima' quetzelej na wuc'.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Hechos 8:10

Conojel ri winak, chi ch'utik chi nimak, xquitatabej ri u tzij, xquibij: “Are wa' ri nimalaj u cuinem ri Dios.”

Ri Habacuc 2:14

Are c'u ri retamaxic u wäch ri u juluwem ri Ajawaxel cunojisaj c'u na ronojel ri uwächulew, jacha' ri cuban ri ja' cunojisaj ri plo.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ri Isaiy 2:3

e q'uia tinimit winak quebopanic, cäquibij na: “Tisaj, chujpakal cho ri u juyub ri Ajawaxel, ri rachoch ri u Dios ri Jacob, rech are' quec'utuw tak ri u be chkawäch, cujcuin c'u che binem pa ri alaj tak u be.” Pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij.

Ri Ezequiel 34:30

C'äte ri' caquich'ob na chi in, ri Ajawaxel ri qui Dios, in c'o cuc', xukuje' chi ri Israel are' nu tinimit. In, ri Ajawaxel, quinjiquiba' u bixic.

Ri Esdras 7:25

Are c'u ri at, Esdras, je, jacha' ri etamanic ri e u yo'm ri a Dios chawe, chebacojo' k'atal tak tzij xukuje' takanelab chquibana' c'u ri suq'uil chque conojel ri winak pa ri ajawibal ri c'o pa ri u kajebal k'ij che ri nima' Euprats, we chque conojel ri queta'm ri u pixab ri a Dios; xukuje' are' tak c'u ri man queta'm ta chetijox che.

Ucab Tzijobelil 30:22

Ri Ezequiy xunimarisaj qui k'ij conojel ri aj levitib chi xquic'ut ri je'licalaj qui rayibal che ri patanijic che ri Ajawaxel. Aretak c'u qui tijom chi que ri wa ja' re ri nimak'ij ri xbeytaj wukub k'ij, chi e qui chi'm chi c'ut tabal tak tok'ob re utzirisan ib xukuje' e k'ijilaninak chic che ri Ajawaxel, qui Dios ri e qui mam,

Ri Jeremiy 44:12

Quinban na chi ri xecanaj pa Juda ri xukuje' xquiya' qui tzij chi quebeljekel pa Ejipt, chq'uis ta u sachic qui wäch chila'. Conojel kas ruc' ri sibalaj ch'utin c'ä ruc' ri sibalaj nabeal, na, quecäm na rumal ri ch'o'j o ri wi'jal, quebux c'u na c'utbal re c'okonic xukuje' mach'irisam ib, pa jun jasach ri cuya' xibriquil.

Ri Jeremiy 6:13

Conojel, chinimak chi ch'utik, xuwi caquichomaj ri ch'äcoj rumal subunic; e k'axal tzij xukuje' e cojol tabal tok'ob, conojel quequiban t'orinic.

Ri Jeremiy 42:1

Conojel ri e qui nimakil ri ajch'ojab, are' c'u jun ri Joanan, u c'ojol ri Carey, xukuje' ri Azariy, u c'ojol ri Osaiy, xukuje' conojel ri winak, chi ch'utik chi nimak,

Ri Jeremiy 42:8

wa' xusiq'uij c'ut ri Joanan, u c'ojol ri Carey, xukuje' ri e qui nimal tak ri ajch'ojab ri e achilaninak, xukuje' conojel ri winak, kas ruc' ri sibalaj ch'utin c'ä ruc' ri sibalaj nim,