Hebreos 7:19 - Quiché Bible

¹⁹ Man c'o ta xtz'akatisax rumal ri u pixab ri Moises. Xpe c'u jun cu'lbal ka c'u'x ri sibalaj utz na, rumal wa' cujkeb ruc' ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Rumal cher ri taqanik, man xkwin taj xubꞌan sukꞌ chike ri winaq. Rumal kꞌu riꞌ xokisax chi loq jun kuꞌlibꞌal kuꞌx ri kakwinik kujuqebꞌisaj rukꞌ ri Dios.

K'iche'

¹⁹ Ri Pixab ri xutz'ibaj ri ka mam Moisés man xcowin taj xuban utz che ru c'aslemal ri winak cho ri Dios. Chuq'uexwäch ri Pixab c'o ri kas utz na ri cäcu'bi ka c'ux chrij. Rumal c'u wa' cuya' cujkeb ruc' ri Dios.

K'iche' (New Orthography)

¹⁹ Ri Pixab' ri xutz'ib'aj ri qa mam Moisés man xkowin taj xub'an utz che ru k'aslemal ri winaq cho ri Dios. Chuk'exwäch ri Pixab' k'o ri qas utz na ri käku'b'i qa k'ux chrij. Rumal k'u wa' kuya' kujqeb' ruk' ri Dios.

Hebreos 7:19 Referans Kwoze

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Hebreos 9:9

Are c'u ri' c'ambal no'j pa ri k'ij camic. Ri winak ri cäquiya' sipanic xukuje' quequicämisaj awaj che tabal tok'ob cho ri Dios, man cuya' ta rumal ri qui k'ijilanic cäquina' pa ri canima' chi ma ta c'o qui mac,

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

Hebreos 11:40

rumal rech chi ri Dios xuchomaj ulok jun jasach ri utz na chke ri uj, jeri' chi ri e are' quetz'akatisax na junam kuc' uj.

Hebreos 10:1

Are c'u ri pixab, ri xa' qui mu'jal ri utzalaj tak jastak ri quepe na, man are ta ri kas qui ca'yebal. Rumal ri', ri pixab mawi jumul cäcuin che u banic tz'akat chque ri winak ri quekeb chuwäch ri Dios cumal ri tabal tak tok'ob ri queya' chujunab.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

Romanos 5:2

Rumal are' xukuje' c'o koquibal rumal ri cojonic, pa we tok'ob ri', ri uj tac'al wi. Cujquicot rumal ri cu'lbal ka c'u'x chi quekarika na ke ri u juluwem ri Dios.

Hebreos 8:6

Are c'u ri camic ri Jesus u c'amom jun chac ri sibalaj nim na u k'ij chuwäch ri qui chac ri e cojol tabal tok'ob. Are' ri cojol tzij re jun c'ulwächinic ri utz na chuwäch ri c'ulwächinic ri xc'oji' can cuc'. Ri c'ulwächinic re camic tiquibam paquiwi' chi'nic ri e utz na chuwäch ri c'ulwächinic re nabe.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Gálatas 2:16

Keta'm chi man c'o ta jun winak cäk'alajisaxic chi suc' chuwäch ri Dios rumal ri u nimaxic ri pixab; xane' rumal ri qui cojonic che ri Jesucrist. Ri uj xukuje' xujcojon che ri Crist Jesus, rech cäk'alajisaxic chi uj suc' rumal ri cojonic, man rumal ta ri u nimaxic ri pixab. Man c'o ta c'u jun winak cäk'alajisaxic suc' rumal ri u nimaxic ri pixab.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Salmib 73:28

Ri in c'ut quinkeb ruc' ri Dios, are wa' ri utz na chwe in. Lal, Ajawaxel xukuje' nu Dios, lal nu panibal, quinwesaj na u tzijol ronojel ri banom la.

Hebreos 7:11

Ri e aj Israel xquic'am ri pixab chuxe' ri qui takanic ri levitib ri e cojol tabal tok'ob, e are' rija'l ri Aaron. We ta ba' ronojel xuban tz'akat cuc' ri e are', ma ta rajawaxic ri' chi cäwalij ta jun cojol tabal tok'ob chic jas ri cäjunamataj ruc' ri Melquisedec, ri man cäjunamataj taj ruc' ri Aaron.

1 Timoteo 1:1

Ri in Pawl, in u takom ri Jesucrist, jas ri xtakan wi ri Dios ri ka Colonel xukuje' ri Kajaw Jesucrist. Chrij c'u ri are cu'l wi ka c'u'x.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Efesios 3:12

Rumal ri are', cuya' cäkaban ch'awem ruc' Dios, cuya' cäkabij ronojel che, man cäkaxe'j ta kib. Rumal ri are' cuya' cujoc chuwäch ri Dios, cäkajiquiba' ka c'u'x rumal ri ka cojonic.

Gálatas 3:24

Jeri' ri pixab xujuchajij, je jas jun winak cuchajij jun ac'al, che ka c'amic bic ruc' ri Crist, rech cäk'alajisaxic chi uj suc' rumal ri cojonic.

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Juyuwem 3:57

Pa ri k'ij ri chinsiq'uin che la saj la wuc', chbij c'u la chwe: “Maxe'j awib.”

Romanos 7:7

¿Jas c'u cäkabij? ¿La mac lo ri pixab? ¡Man mac taj! Ma ta c'u xinwetamaj ri' jas ri' ri mac, we ta ma ta rumal ri cubij ri pixab. Ma ta quinch'ob ri' chi mac ri u rayixic u wäch ri jastak quech niq'uiaj winak chic, we ta ma ta cubij ri pixab: “Marayij u wäch ri jastak quech niq'uiaj winak chic.”

Gálatas 3:21

¿La cubij lo wa' chi ri pixab quebuc'ulelaj ri e u chi'nic ri Dios? Man je taj. We ta xya' jun pixab ri cäcuin che u ya'ic c'aslemal, cäban ta suc' ri' chke rumal ri u nimaxic ri pixab.

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

Hebreos 7:20

Ri Dios xujiquiba' u bixic wa' ruc' jun chi'nic ri kas cäban na. Ri niq'uiaj e cojol tabal tok'ob man ruc' ta qui bixic jun chi'nic ri kas cäban na xeboc che cojol tabal tok'ob.

Hebreos 11:6

We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.