Hebreos 7:13 - Quiché Bible

¹³ Are c'u ri Kajaw ri je cäbix wa' chrij, jun chi wi ri ramak' aj Israel ojer, ri man c'o ta jun chque ri ramak' oquinak che cojol tabal tok'ob.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Qas tzij, are Jesús we katzijox rij chi riꞌ, Areꞌ upetik chike jupuq winaq chik ri man patanijinaq taj cho ri tzujbꞌal.

K'iche'

¹³ Are c'u ri Kajaw Jesús, ri cäch'aw ru Lok' Pixab ri Dios ri Tz'ibtalic chrij, ri Are' are aj re jun tinimit chic re Israel. Man c'o tä c'u jumul oquinak jun re ri tinimit ri' che sacerdote.

K'iche' (New Orthography)

¹³ Are k'u ri Qajaw Jesús, ri käch'aw ru Loq' Pixab' ri Dios ri Tz'ib'talik chrij, ri Are' are aj re jun tinimit chik re Israel. Man k'o tä k'u jumul okinaq jun re ri tinimit ri' che sacerdote.

Hebreos 7:13 Referans Kwoze

Hebreos 7:11

Ri e aj Israel xquic'am ri pixab chuxe' ri qui takanic ri levitib ri e cojol tabal tok'ob, e are' rija'l ri Aaron. We ta ba' ronojel xuban tz'akat cuc' ri e are', ma ta rajawaxic ri' chi cäwalij ta jun cojol tabal tok'ob chic jas ri cäjunamataj ruc' ri Melquisedec, ri man cäjunamataj taj ruc' ri Aaron.

Hebreos 7:14

K'alaj c'ut chi ri Kajaw, ri ramak' ojer are ri Juda. Man c'o ta c'u jas xubij ri Moises chque ri e ramak' ri Juda chi queboc che cojol tabal tok'ob.

Ajilanic 17:5

Quinbana' chi cätux ri u ch'amiy ri nu cha'om, je c'u ri' ri aj israelib man cäquitakej ta chi na i yok'ic chnuwäch in.”

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Hebreos 7:12

We queq'uextaj c'u ri cojol tabal tok'ob, rajawaxic xukuje' u q'uexic ri pixab.