Hebreos 6:19 - Quiché Bible

¹⁹ Are wa' ri c'o pa ri kanima'. Co tac'alic je jas ri cätac'aban jun nim jucub, cuya' cäcu'bi ka c'u'x chrij. Are wa' coc bic c'ä chrij ri tasbal u pam ri rachoch Dios,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Waꞌ we riꞌ qas kubꞌan chaqe chi qas kakubꞌiꞌ qakꞌuꞌx jacha ta ne ri jun jukubꞌ bꞌinibꞌal puꞌwiꞌ ri jaꞌ ko xekelik rumal cher ko xeketal rumal ri chꞌichꞌ ri qajinaq pa ri jaꞌ, jewaꞌ ri kꞌulibꞌal kuꞌx ri kok bꞌik chirij ri tasbꞌal ri kꞌo pa ri Ja Qꞌijilaꞌbꞌal Dios.

K'iche'

¹⁹ We cu'lbal ka c'ux ri' kas cuchap ri kanima', je' jas ri cuban ri jun nimalaj ch'ich' ri cäbix ancla che ri cuchap ri jun barco. Ri uj xukuje' c'o jun ka ancla ri co ximital chrij ri tasbal u pam ri Lok'alaj C'olibal rech ri nimalaj rachoch Dios ri c'o chila' chicaj.

K'iche' (New Orthography)

¹⁹ We ku'lb'al qa k'ux ri' qas kuchap ri qanima', je' jas ri kub'an ri jun nimalaj ch'ich' ri käb'ix ancla che ri kuchap ri jun barco. Ri uj xuquje' k'o jun qa ancla ri ko ximital chrij ri tasb'al u pam ri Loq'alaj K'olib'al rech ri nimalaj rachoch Dios ri k'o chila' chikaj.

Hebreos 6:19 Referans Kwoze

Salmib 43:5

¿Jas ta che cuban quieb nu c'u'x? ¿Jas ta che quinoc il? Ri weyebal nu c'u'x nu yo'm chrij ri Dios ri quinya' na u k'ij. ¡Are ri are' nu Dios xukuje' nu colonel!

Aj Levitib 16:15

C'äte ri' cutok' u kul ri ama' q'uisic' jacha' che tabal tok'ob che ri josk'ibal u mac ri tinimit, cuc'am bic ri quic' chupam ri c'olbal ri c'o chrij ri ch'ukubal, chila' cuchicoj wi ri quic' puwi' xukuje' chuwäch ri tz'apibal, jacha' ri xuban che ri u quiq'uel ri c'ojol ama' wacax.

Aj Levitib 16:2

Ri Ajawaxel xubij che ri Moises: “Chabij che ri Aaron ri awachalal chi man xak ta apachique k'ijol coc chupam ri k'ijilabal ri c'o chrij ri ch'ukubal, mawi chuwäch ri tz'apibal ri c'o puwi' ri caxa', rech man cäcäm taj, quinc'ut c'u na wib pa jun sutz' puwi' ri tz'apibal.

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

Hebreos 9:3

Chrij ri ucab tasbal, xc'oji' wi jun k'ijilabal ri cäbix Sibalaj Tastalicalaj C'olbal che.

Ri Matey 27:51

Te c'u ri' ri tasbal u pam ri rachoch Dios xjixjobic. Ajsic xjixjob wi ulok, xkaj c'ä iquim quieb xubano. Xuban jun cabrakan. Ri nimak tak abaj xepak'inic.

Colosenses 3:1

We ix c'astajinak chi ruc' ri Crist, chebitzucuj ba' ri jastak aj chicaj, jawije' ri t'uyul wi ri Crist pa ri u wiquiak'ab ri Dios.

Salmib 42:11

¿Jas ta che cuban quieb nu c'u'x? ¿Jas ta che quinoc il? Ri weyebal nu c'u'x nu yo'm chrij ri Dios, ri c'ä quintakej na u k'ijlaxic. ¡Are ri nu Dios xukuje' nu colonel!

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”

Hechos 27:29

Xquixe'j c'u quib, we ne cäkachak'ij kib cho tak abaj. Xequikasaj bic quiejeb alal chrij ri nim jucub, xkatz'onoj c'u che ri Dios chi cäsakaric.

Romanos 4:16

Jeri' ri winak ri quecojonic cäquirik na jas ri xchi'x ulok chi cäya' na chque rumal ri Dios. Xa' c'u rumal tok'ob cäquic'amo. Rech kas cäquirik na conojel ri e rija'l ri Abraham, man xuwi ta ri cäquinimaj ri pixab, xane' xukuje' ri c'o qui cojonic je jas ri u cojonic ri Abraham. Ri are' ri ka mam konojel.

Hechos 27:40

Xequiquir can ri alal, xequiya' can pa ri plo. Junam xukuje' xquiquir ri colop che ri che' c'amal be. Xquiyac ri atz'iak ri c'o chuwäch, xquiwalijisaj chuwäch ri quiakik', xquichap benam che u suq'uil ri ulew ri sanyeb u chi'.

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Efesios 2:6

Ri Dios xujuc'astajisaj junam ruc' ri Crist Jesus, xukuje' xuban chke chi xujut'uyuba' ruc' pa ri caj.

Salmib 42:5

¿Jas ta che cuban quieb nu c'u'x? ¿Jas ta che quinoc il? Ri eyebal nu c'u'x nu yo'm chrij ri Dios, ri c'ä quintakej na u k'ijilaxic. ¡Are' ri nu Dios xukuje' nu colonel!

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

Salmib 39:7

Jeri', Ajawaxel, ¿Jas ta ri quincuinic quinweyej chi na? ¡Ri eyebal nu c'u'x chij la c'o wi!

Ri Zacariy 9:12

¡Ix, ri ix c'o che pataninelab ri amak'el c'o iweyebal c'uxaj, chixtzelej chupam ri cowilaj i tinimit! Quinbij chiwe chi ri tewichibal ri quenya' chiwe quincamulij na che u q'uexwäch ri c'ax ri xiriko.

Hechos 23:6

Cuch'ob ri Pawl chi ri niq'uiaj winak e saduseyib, ri niq'uiaj chic e pariseyib. Xch'aw c'u ruc' chuk'ab chquiwäch ri comon re ri qui nimakil ri aj judeyib, xubij: “Wachalal, in parisey, in u c'ojol jun parisey. Cäk'at c'u tzij panuwi' rumal rech chi cu'l nu c'u'x chi quec'astaj na ri cäminakib.”

Romanos 4:18

Aretak c'u man c'o ta chi eyebal c'uxaj ri Abraham xcojonic xc'oji' c'u reyebal u c'u'x, je c'u ri' xux qui mam tak ri nimak tak tinimit, jacha' ri u bim ri Dios che: “Jewa' ri cajilabal ri e awija'l.”

Romanos 5:4

Aretak cäkach'ij ri c'ax, cäk'alajisaxic chi utz ka banom. Aretak k'alajisam chic chi utz ka banom, cänimar ri cu'lbal ka c'u'x chrij ri Dios.

1 Corintios 13:13

E oxib jastak e c'olic ri kas e jekejoj wi: ri cojonic, ri eyebal c'uxaj, xukuje' ri lok'ok'ebal c'uxaj. Ri nim c'u na u k'ij chquixo'l we oxib ri', are ri lok'ok'ebal c'uxaj.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,