Hebreos 6:10 - Quiché Bible

¹⁰ Suc' ri Dios, man cäsach ta pa u jolom ri chac ri i banom chi xilok'ok'ej ri u bi' aretak xebipatanij ri cojonelab, xukuje' ne c'ä camic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Rumal cher ri Dios sukꞌ, man kasachan ta ri ichak rech loqꞌanik ri ibꞌanom xuqujeꞌ ri kibꞌan na chikitoꞌik ri e tyoxalaj taq winaq.

K'iche'

¹⁰ Je ri', rumal chi ri Dios kas cuban ri jicomal. Man cäsach tä na pu jolom ri i banom, ri rutzil iwanima' ri i c'utum che ri Are' aretak quiya tobanic chque ri kachalal cojonelab, are c'u wa' ri tajin quiban na cämic.

K'iche' (New Orthography)

¹⁰ Je ri', rumal chi ri Dios qas kub'an ri jikomal. Man käsach tä na pu jolom ri i b'anom, ri rutzil iwanima' ri i k'utum che ri Are' aretaq kiya tob'anik chke ri qachalal kojonelab', are k'u wa' ri tajin kib'an na kämik.

Hebreos 6:10 Referans Kwoze

Ri Matey 10:42

Apachin ta ne ri cayo'w xak xuwi jun lak joron che jun chque we ch'utik ri' ri e nu tijoxelab, kastzij quinbij chiwe, man cutzak ta ri tojbal re.”

Hebreos 13:16

Chibana' utzil. Chijachala' ri jastak iwech chbil iwib. Mäsach wa' pa i jolom. Je tak sipanic wa' quekaj chuwäch ri Dios.

Gálatas 6:10

Jeri', joropa' mul ri cujcuin che u banic utzil, chkabana' ba' chque conojel, kas c'u are na chque ri kachalal pa ri cojonic.

Hechos 10:4

Ri Cornel xca'y che, xuxe'j rib, xubij: “¿Jas ri', Ajawaxel?” Ri tako'n aj caj xubij che: “Ri Dios utz cäril wi chi caban ch'awem, chi caya' tak to'banic chque ri c'o cajwataj chque.

1 Tesalonicenses 1:3

Chuwäch ri Dios ka Tat, cänataj chke chi ix chacuninak ruc' cojonic, i banom c'axalaj chac ruc' lok'ok'ebal c'u'x. Cänataj chke chi man quiya' ta can ri cu'lbal i c'u'x chrij ri Kajaw Jesucrist, pune' quirik c'ax.

Colosenses 3:17

Apachique ri quibano o ri quibij, chibana' ronojel pa ri u bi' ri Ajawaxel Jesus, ruc' maltioxinic che ri Dios rumal ri are'.

E C'ambal tak Tzij 14:31

Cuc'axc'obisaj ri u winakirisanel jachin ri cuban c'ax che ri meba', cuya' c'u u k'ij jachin ri quel u c'u'x che.

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Marcos 9:41

Apachin ri cuya' jun lak ja' chiwe pa ri nu bi', rumal rech chi ix rech ri Crist, kastzij quinbij chiwe chi ri are' curik na ri tojbal rech.”

Romanos 12:13

Chebito' ri winak ri e aj Dios pa tak ri qui rajawaxic. Chebic'ulaj ruc' utzil ri quebopan che i solixic.

Hechos 11:29

Ri cojonelab c'ut ri e c'o pa Antioquiy xquichomaj u takic bic jun to'banic chque ri kachalal ri e c'o pa Judey, jas ri quecuin che u ya'ic.

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

E C'ambal tak Tzij 19:17

Jun jalomal che ri meba' jun jalomal wa' che ri Ajawaxel, kas are c'u ri Ajawaxel cätojow na ri c'asaj.

Hechos 10:31

Je xubij wa' chwe: ‘Cornel, tatajinak ri a ch'awem rumal ri Dios natal c'u che chi c'o a yo'm chque ri mebayib.

Ri Xuan 13:20

Kastzij, kastzij quinbij chiwe: Jachin ri cac'amowan ri quintak bic, quinuc'amowaj in; jachin c'u ri quinuc'amowaj in, cuc'amowaj ri xintakow ulok.”

Ri Nehemiy 5:19

¡Minsach pa jolom la nu Dios, xukuje' ronojel ri nu banom che ri tinimit ri'!

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

2 Corintios 9:1

Man rajawaxic taj quintz'ibaj bic chiwe chrij ri qui to'ic ri cojonelab,

Ri Jeremiy 18:20

¿La are ri etzelal cätojbex rech ri utzilal? ¡E are' qui c'otom ri nu julil! Chnataj che la chi nu tac'abam wib chwäch la che u banic bochi'nic paquiwi', che u tz'onoxic che la chi tasa' la ri oyowal la chquij.

Ri Nehemiy 13:31

ri u jachic ri si' pa tak ri k'ij ri e c'utum xukuje' ri qui jachic ri nabe tak wächinic. ¡Nu Dios: chnataj che la ri u tok'obisaxic nu wäch!

Ri Nehemiy 13:22

Oc'owinak chi c'u wa' xinya' takanic chque ri aj levitib chi chquich'ajch'ojirisaj quib cheboj c'ut che qui yuxlexic tak ri oquibal, rech man cawasixtaj taj ri k'ij re uxlanem. ¡Nu Dios: chinnataj che la xukuje' rumal wa', tok'obisaj c'u la nu wäch jas ri u cholajil ri utzil la!

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

1 Juan 1:9

We c'u quekak'alajisaj ri e ka mac, cuya' cakacuba' ka c'u'x chi ri Dios cuban na jachique ri suq'uilal: quebucuy c'u na tak ri e ka mac, queresaj c'u na conojel ri ketzelal.

Salmib 20:3

Chenataj conojel ri a sipanic che, chebuc'amowaj ruc' quicotemal ri e a tz'onobal tak tok'ob ri quebaporoj puwi' ri porobal.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Elem 1:20

Cätajin c'u queq'uiyir ri aj israelib xukuje' sibalaj xc'oji' qui chuk'ab.

Ri Tzijonel 11:1

Chaq'uiaka' ri a wa chupam ri ja', oc'owinak chi c'u jun k'ijol cärik na.

Ri Jeremiy 31:16

Cächa c'ut ri Ajawaxel che: “Raquel, chatanaba' ok'ej; mebatix ri e u wa'l tak a wäch, ri e a c'ax caquirik na tojbal quech: ri e a awal quetzelej na ulok caquitzak na canok ri ulew c'ulel. In, ri Ajawaxel, quinjiquiba' u bixic.

Hebreos 10:32

Chenataj ba' chiwe ri k'ij ri e oc'owinak, aretak ic'amowam chic ri chäj, xitij i chuk'ab xukuje' xich'ij q'ui c'axc'olil.

Ri Matey 20:7

Xquibij che: ‘Rumal rech chi man c'o ta jachin jun cäbin chac chke.’ Xubij chque: ‘Xukuje' ri ix, jix pa ri nu tico'n re uva.’

Ri Matey 25:17

Jewa' xukuje' ri xuc'am quieb rakan nimak tak puak, xuch'äc chi quieb.