Hebreos 4:2 - Quiché Bible

² Ri uj xukuje' ka tom ri tzij re colobal ib junam jas ri e are'. Ri e are' c'ut man c'o ta xquechbej che ri u tatabexic ri tzij rumal rech chi man xecojon taj aretak xquitatabej.

RI KꞌAKꞌ TESTAMENTO PA TZIJOBꞌAL KꞌICHEꞌ

² Rumal cher chaqe uj xtzijox wi ri utz laj tzij ri xtzijox chike aꞌreꞌ, pune jeriꞌ man kꞌo ta xutayij ri tzij chike ri xkitatabꞌej, rumal cher man xkikoj ta ri xbꞌix chike.

K'iche'

² Are xukuje' xtzijox ri Utzalaj Tzij re ri Evangelio chke uj je' jas ri xtzijox chque ri e are'. Man c'o tä c'u xupatänij ri Tzij ri xtzijox chque, rumal chi aretak xquito, man xecojon taj.

K'iche' (New Orthography)

² Are xuquje' xtzijox ri Utzalaj Tzij re ri Evangelio chqe uj je' jas ri xtzijox chke ri e are'. Man k'o tä k'u xupatänij ri Tzij ri xtzijox chke, rumal chi aretaq xkito, man xekojon taj.

Hebreos 4:2 Referans Kwoze

1 Tesalonicenses 2:13

Rumal ri' xukuje' ri uj man cäkatanaba' ta ri ka maltioxinic che ri Dios, rumal chi aretak xic'am ri u tzij ri Dios ri xkatzijoj chiwe, man xic'am taj jas ri u tzij winak. Xane' xic'amo jas ri kastzij, are ri u tzij ri Dios, ri xukuje' cächacun pa ri i c'aslemal ri quixcojonic.

Hebreos 11:6

We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

1 Timoteo 4:8

Ri u cojic ka chuk'ab ruc' ri ka cuerp xak jubik' cujuto' wi. Are c'u ri u patanixic ri Dios cujuto' na pa ronojel. C'o utzil cäkarik rumal wa' pa we c'aslemal ri' cho ri uwächulew, xukuje' pa ri c'aslemal ri cäpe na.

Romanos 2:25

Are c'u ri etal ri cojom che ri u tz'umal ri u wi' ri achi wi jun c'o quechebex che, we cachajij ri pixab; we c'u man canimaj ta ri pixab, je ta ne chi man cojom ta ri' ri etal re kopinic chawe.

Hechos 13:46

Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

Santiago 1:21

Rumal rech wa' chiwesaj bic ronojel ri tz'ilol xukuje' ronojel ri sibalaj iwetzelal. Minimarisaj i k'ij, chic'ama' ri tzij ri ticom, ri cäcuin che u colic ri iwanima'.

Hebreos 4:6

Cäraj c'u na jujun ri queboc na pa ri uxlanem. Are c'u ri qui tom ri tzij re colobal ib nabe man xeboc taj rumal rech chi man xeniman taj.

1 Corintios 13:3

We ta quebenya' conojel ri jastak we che qui tzukic ri mebayib, we ta quinjach ri nu cuerp rech cäporoxic, ma ta c'u c'o lok'ok'ebal nu c'u'x, man c'o ta quinwechbej ri'.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

1 Tesalonicenses 1:5

Rumal rech chi ri tzij re colobal ib ri cäkatzijoj man xopan ta iwuc' xuwi ta ruc' tzij, xane' xukuje' ruc' chuk'ab rumal ri Ruxlabal ri Dios. Keta'm chi kastzij jas ri xkabij chiwe. Ri ix c'ut iweta'm jas ri ka banom rumal iwech aretak xujc'oji' chixo'l.

Gálatas 3:8

Ri Tz'ibatalic cubij c'u ulok chi ri Dios cuk'alajisaj chi e suc' ri man aj judeyib taj rumal ri cojonic. Xutzijoj ulok ri utzalaj tak tzijol che ri Abraham aretak xubij: “Conojel ri nimak tak tinimit quetewichitaj na rumal awech.”

Gálatas 4:13

Iweta'm c'ut chi xintzijoj ri tzij re colobal ib chiwe nabe mul rumal jun yabil ri xinrik pa ri nu cuerp.

Hechos 3:26

Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

U Camulixic ri Pixab 1:32

Are c'u ri ix man xicu'ba' ta i c'u'x chrij ri Ajawaxel ri i Dios,

Romanos 3:3

¿Jas c'ut? We man quecon jujun chque, ¿la rumal lo ri' ri Dios man cuban taj jas ri u bim?

Gálatas 3:2

Xak xuwi quinwaj quinta' chiwe: ¿La xic'am ri Uxlabaxel rumal ri u nimaxic ri pixab, o rumal rech chi xicoj ri tzijol ri xito?