Hebreos 4:14 - Quiché Bible

¹⁴ C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Rumal bꞌa che ri yaꞌtal chaqe jun kinimal ri chꞌawenelabꞌ cho ri Dios ri xok bꞌik pa ri kaj, ri Jesús ukꞌojol ri Dios, chujjeqel bꞌa pa ri qakojobꞌal.

K'iche'

¹⁴ Katakej ba' ri ka cojonic, rumal chi ri Jesús, ru C'ojol ri Dios, are ka sacerdote. Are c'u qui nimal sacerdotes wa' ri sibalaj nim u k'ij ri xopan chuwäch ri Dios chila' chicaj.

K'iche' (New Orthography)

¹⁴ Qataqej b'a' ri qa kojonik, rumal chi ri Jesús, ru K'ojol ri Dios, are qa sacerdote. Are k'u ki nimal sacerdotes wa' ri sib'alaj nim u q'ij ri xopan chuwäch ri Dios chila' chikaj.

Hebreos 4:14 Referans Kwoze

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 10:23

Co chujtac'al pa ri cu'lbal ka c'u'x, chkak'alajisaj chquiwäch ri winak, muban quieb ka c'u'x, rumal rech chi ri Dios cuya' chke jas ri u bim.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

Hebreos 6:20

jawije' xoc wi ri Jesus rumal kech, aretak xux c'amal ka be xukuje' qui nimal ri cojol tabal tok'ob amak'el chbe k'ij sak ri cäjunamataj ruc' ri Melquisedec.

Efesios 4:10

Ri Jun ri xkajic, are ri' xukuje' xpaki' paquiwi' conojel ri caj rech quebunojisaj conojel ri jastak.

Romanos 8:34

¿Jachin ta ri cäcuin che u c'ajisaxic qui wäch? Ri xcämic are ri Crist Jesus, xukuje' ri xc'astajic, ri c'o pa ri u wiquiak'ab ri Dios, ri cubochi'j ri Dios pakawi'.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hebreos 10:12

Aretak c'u we cojol tabal tok'ob ri' u chi'm chic re chbe k'ij sak jun xa' tabal tok'ob ri cäyo'w ri cuyubal macaj, xut'uyuba' c'u rib pa ri u wiquiak'ab ri Dios.

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

Hebreos 1:8

Che c'u ri C'ojolaxel cubij wi: “Ri a tem re ajawibal, oh Dios, amak'el chbe k'ij sak man q'uisel taj. Bara' re suq'uil ri u bara' ri awajawinic.

Hechos 3:21

Are c'u ri camic rajawaxic chi cäcanaj na can pa ri caj c'ä pa ri k'ij aretak ri Dios quebusuc'umaj na conojel ri jastak, jacha' ri xubij ri Dios pa qui chi' ri e u k'axal tak tzij pa ri ojer tak k'ijol.

Ri Lucax 24:51

Aretak cätajin quebutewichi'j, xbe chicaj chquiwäch.

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Hebreos 2:1

Rumal ri', rajawaxic chi sibalaj quekanimaj na ri jastak ri ka tom, mäkatas kib chrij.

Marcos 1:1

U tiquitajic ri utzalaj u tzijol ri Jesucrist, ri u C'ojol ri Dios.

Ri Matey 4:3

Xopan c'u ri itzel ruc' ri Jesus che u c'ambejexic. Xubij che: “We at u C'ojol ri Dios, chabana' chi we abaj tak ri' chebux caxlanwa.”

2 Corintios 9:13

Ri e are' xek'ijilan che ri Dios, are c'u we to'banic ri' cuc'ut na chquiwäch chi ri ix quixniman che ri utzalaj tzijol ri xuc'am ulok ri Crist xukuje' ri e are' nim cäquil wi na ri Dios rumal ri telechimalaj i cuchuj chque xukuje' chque conojel.

2 Corintios 12:2

Weta'm u wäch jun achi cojonel che ri Crist, c'o chi cajlajuj junab wa' camic, xc'am bic c'ä pa ri urox caj. Man weta'm taj we xc'am bic pa ri cuerp, we man pa ri cuerp taj. Ri Dios reta'm.

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

Hebreos 6:6

xquijech'obisaj c'u quib, man cäban ta chi cuinic chque quetzelex ruc' ri Dios, rumal rech chi cäquirip chi jumul pa que wi ri u C'ojol ri Dios, cäquesaj u q'uixbal.

Hebreos 7:3

Man c'o ta u tzijol ri u tat mawi ri u nan, mawi ri e u mam, mawi catzijox ri ralaxic, mawi ri u cämical. Junam c'ut ruc' ri u C'ojol ri Dios, cojol tabal tok'ob chbe k'ij sak.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

Ri Ezequiel 46:10

Ri k'atal tzij rajawaxic coc junam ruc' ri tinimit xukuje' quelbic junam ruc' ri tinimit.