Hebreos 4:13 - Quiché Bible

¹³ Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Man kꞌo ta jun jastaq che ri tiktalik kakwinik karawaj ribꞌ cho ri Dios. Ronojel ri jastaq qꞌalaj cho ri kilow ronojel, cho areꞌ kaqaya wi na kwenta che ronojel.

K'iche'

¹³ Man c'o tä c'u jun jasach ri c'olic ri cuya' cäc'u'taj chuwäch ri Dios. Xane ronojel ri c'olic are cäk'alajinic, sak c'u chuwäch ri Dios ri cäkajach wi na ka cuenta.

K'iche' (New Orthography)

¹³ Man k'o tä k'u jun jasach ri k'olik ri kuya' käk'u'taj chuwäch ri Dios. Xane ronojel ri k'olik are käq'alajinik, saq k'u chuwäch ri Dios ri käqajach wi na qa kuenta.

Hebreos 4:13 Referans Kwoze

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

E C'ambal tak Tzij 15:3

Ri Ajawaxel c'o pa ronojel c'olbal, coc il che quilic ri e utz xukuje' ri e itzel.

Ri Tzijonel 12:14

Ri Dios cutz'onoj na chke ri cajilabal conojel tak ri e ka banoj, we e utz, we man e utz taj, pune' e ka banom chi c'uyal.

Nabe Samuel 16:7

Xubij ri Ajawaxel che: “Are maya' a wäch che ri u wächbal mawi che ri u nim rakan, wetzelam u wäch wa'. Man are ta cäya' u k'ij ri cäril ri winak; ri winak are cuya' u wäch chque tak ri wächbal, are c'u ri in are quinya' nu wäch che ri anima'.”

Ri Jeremiy 17:10

In, ri Ajawaxel, ri quinnic'oj ri anima'aj weta'm c'ut ri c'o c'ä chupam, quinya' c'u chque chi chquijujunal ri takalic, e je jas ri e u banoj.”

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

Ri Job 34:21

Ri Dios cuyuxlej ri e u xo'l tak rakan ri winak reta'm c'u qui wäch conojel tak ri e u binem.

Romanos 2:16

pa ri k'ij aretak ri Dios cuk'at na tzij rumal ri Jesucrist puwi' ronojel ri e awatal cumal ri winak, jas ri cubij ri tzij ri quintzijoj.

E C'ambal tak Tzij 15:11

We c'o chuwäch ri Ajawaxel ri cämical xukuje' ri camuk wi ri cäminak, ¡kas c'u e are na ri qui chomanic ri winak!

Salmib 44:21

xetamaj ta c'u la ri' conojel ri jastak ri sibalaj e c'u'talic.

Ri Job 26:6

Ri quemuk wi ri cäminakib, rajawibal ri cämical, awatal ta chuwäch ri Dios che ri Dios.

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

Salmib 7:9

Suc'alaj Dios, ri quebe nic'oj la tak ri chomanic xukuje' ri c'o pa ri animaaj ri e c'u'talic, ¡sacha' la u wäch ri quetzelal ri e banal tak etzelal, co c'u tac'aba' la ri winak ri tz'akat pa ronojel!

Salmib 90:8

Ri ka mac xukuje' ri ketzelal e liq'uin chwäch la.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ucab Tzijobelil 16:9

Ri Ajawaxel cäril ronojel ri cac'ulmataj cho ronojel ri uwächulew, rech cuya' qui chuk'ab ri kas caquicu'ba' qui c'u'x chrij are'. ¡Banom c'u la jun conil! Kas c'u camic cächaptaj bic quepe chi na ch'o'j pa wi' la.”

Ri Xuan 21:17

Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.

Ri Xuan 2:24

Are c'u ri Jesus man xcu'bi ta u c'u'x chquij, rumal rech chi cuch'ob qui wäch conojel ri winak.

Ri Job 38:17

¿La awilom jawije' tak e c'o wi ri oquibal jawije' cäban wi oquem chupam ri xibibalalaj ajawibal re ri cämical?

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Salmib 139:4

C'ä majok ne chc'ol ri tzij puwi' ri wak', ri lal, Ajawaxel, etamam chi la.

E C'ambal tak Tzij 5:21

Ri Ajawaxel il u wäch che ri cuban ri winak; man c'o ta jun u xo'l rakan cuyao ri ma ta cärilo.

Ri Jeremiy 16:17

Quebenwil c'u conojel tak ri e qui banoj; man c'o ta jun cäc'utaj ta can chnuwäch, mawi ri e qui mac quequic'u ta can quib chquiwäch ri nu bak'wäch.

Ri Jeremiy 23:24

¿Jachin ta lo ri cäcuinic cuc'u' ta rib chquiwäch ri nu bak'wäch? Ruc' ri nu wächbalil quinnojisaj ri caj xukuje' ri ulew. In ri Ajawaxel quinjiquiba' u bixic.

Ri Jeremiy 29:23

U mac rech chi xquiban etzelal pa Israel: xekaj pa tak mac cuc' tak ri quixokil ri cajil quitz'akat, xequibij c'u jastak pa ri nu bi' ri xa' e banoj tak tzij ri man xebentak ta che qui bixic. In, ri Ajawaxel, quinjiquiba' u bixic.’ ”

Ri Daniel 2:22

Ri are' quebuc'utunisaj tak ri jastak ri naj qui pam xukuje' ri man e etamatal taj; reta'm ri c'o pa ri k'ekumalil, c'o c'ut ri sakil ruc'.

Ri Matey 6:4

Jeri' chabana' ri a tok'ob chi c'uyal. Ri a Tat c'ut ri quilow ri caban chi c'uyal, are cäyo'w na tojbal awech.”

Ri Xuan 4:16

Ri Jesus xubij che: “Jät, chasiq'uij ulok ri awachajil, tasaj c'u waral.”