Hebreos 3:1 - Quiché Bible

¹ Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Xaq jeriꞌ qachalal, ix ri ix tyoxirisatal chik xuqujeꞌ kꞌo iwe che ri sikꞌinik rech chilaꞌ chikaj, chiwilaꞌ ri Jesús, areꞌ are qꞌalajisal tzij xuqujeꞌ kinimaꞌqil ri chꞌawenelabꞌ cho ri Dios, are kꞌamowinaq qabꞌe pa ri qakojobꞌal.

K'iche'

¹ Je c'u ri', kachalal, ix ri' ix rech ri Dios, ix jun chquixol ri e siq'uim rumal ri Dios. Kas chixchoman ba' chrij ri Cristo Jesús ri kas apóstol, ri kas qui nimal sacerdotes re ri cojonic ri cäkatzijoj.

K'iche' (New Orthography)

¹ Je k'u ri', qachalal, ix ri' ix rech ri Dios, ix jun chkixol ri e sik'im rumal ri Dios. Qas chixchoman b'a' chrij ri Cristo Jesús ri qas apóstol, ri qas ki nimal sacerdotes re ri kojonik ri käqatzijoj.

Hebreos 3:1 Referans Kwoze

2 Timoteo 1:9

ri xujucolo ri xujusiq'uij xukuje' xutas ri ka c'aslemal che ri are', man rumal ta c'u ri ka banom, xane' rumal ri u rayinic ri u tok'ob ri u yo'm chke pa Crist Jesus, c'ä majok tak ri e k'ij junab,

Filipenses 3:14

che ri opanem jawije' c'o wi ri etal quinch'äc c'ut ri tojbal ri quinusiq'uij ri Dios che u c'amic jun c'ac' c'aslemal rumal ri Crist Jesus.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hebreos 10:21

C'o c'u jun nimalaj ka cojol tabal tok'ob c'o chuwäch ri rachoch Dios.

Efesios 4:4

Xa' jun ri cuerp ri c'olic, xukuje' xa' jun ri Uxlabaxel. Jeri' xukuje' ri Dios xixusiq'uij che xa' jun cu'lbal c'uxaj.

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

1 Corintios 9:23

Ronojel wa' quinbano rumal rech ri tzij re colobal ib, rech quinrik ri utzil ri cuya' ri utzalaj tak tzij.

2 Timoteo 2:7

Chachomaj ri quinbij. Are c'u ri Ajawaxel catto'w na che u ch'obic ronojel.

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

Romanos 15:8

Quinbij c'ut chi ri Crist Jesus xpe che qui patanixic ri aj judeyib che ri u chi'nic ri Dios, rech quebantaj ri jastak ri xubij ulok ri Dios chque ri e ka mam chi cuya' na ruc' ri jiquil.

Hebreos 2:11

Are ri Jun ri cäbanow tastalic tak winak chque, xukuje' ri e rech ri cäban tastalic tak winak chque, ruc' ri Tataxel e elinak wi conojel. Rumal ri' ri Jesus man cäq'uix ta che u bixic chi e rachalal.

Ri Xuan 20:21

Xubij chi c'u jumul ri Jesus chque: “Chc'ol ri jamaril iwuc'. Jacha' ri Tataxel xinutak ulok in, je xukuje' ri in quixintak bic ix.”

Ri Hajey 1:5

In, ri Ajawaxel ri c'o ronojel u cuinem, quinbij chiwe utz u chomaxic ri i c'aslemal chibana' ri iwuc'am.

Salmib 110:4

Ri Ajawaxel xuban jun chi'nic ri kas cäban na, man c'u caresaj ta rib chupam: “At, at cojol tabal tok'ob chbe k'ij sak, xak junam abantajic ruc' ri Melquisedec.”

Ri Juds 1:1

In Juds, lok'om pataninel re ri Jesucrist, rachalal ri Santiag, quintz'ibaj we wuj ri' chque ri e siq'uim xukuje' e lok'ok'em rumal ri Dios Tataxel, xukuje' e c'olom rumal ri Jesucrist.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

Ri Isaiy 1:3

Ri wacax reta'm u wäch ri rajaw, xukuje' ri bur ri cäya' wi ri recha' rumal ri rajaw; are c'u ri Israel ri kas nu tinimit, man cuch'ob ta mawi c'o retamanic.”

1 Timoteo 6:2

E are c'u ri e c'o cajaw cojonelab, mäquetzelaj qui wäch xa' rumal rech chi cachalal quib. Xane' utz na qui patanixic chquibana', rumal rech chi ri quepatanix rumal ri utzalaj qui chac, are lok'alaj tak cojonelab wa'. Chebatijoj che we jastak ri', chebapixbej che u banic wa':

2 Tesalonicenses 2:14

Ri Dios xixusiq'uij rumal ri tzij re colobal ib ri cäkatzijoj, rech quirik ri u juluwem ri Kajaw Jesucrist.

2 Tesalonicenses 1:11

Rumal ri' amak'el cäkaban ch'awem ruc' Dios piwi', rech takal chiwe jas ri xixsiq'uix wi rumal ri ka Dios, rech quiban ronojel ri utz ri cäraj ri Dios chiwe, xukuje' quiban ruc' chuk'ab ronojel chac re ri i cojonic.

1 Tesalonicenses 5:27

Quixinbochi'j chuwäch ri Ajawaxel chi quisiq'uij u wäch we wuj ri' chquiwäch conojel ri kachalal.

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

Colosenses 1:22

Camic c'ut ri Dios u yo'm chi jamaril chixo'l ruc' are', rumal ri u cämical ri Crist, aretak xurik cämical pa ri u cuerp aj winak. Xuban wa' che i tac'abaxic chuwäch are', ix tastalic tak winak chic, man ix tz'ajtajinak taj, man c'o ta chi i mac,

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

2 Corintios 1:7

Sibalaj cu'l c'u ka c'u'x chiwij. Keta'm chi jas ri u rikic iwe ri c'axc'olil, jeri' xukuje' quirik iwe ri cu'bisabal c'uxaj.

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.

Romanos 15:27

Jewa' cäcaj cäquibano. C'o qui c'as cuc' ri e aj Jerusalen rumal rech chi ri man aj judeyib taj qui c'amom que ri jastak aj uxlabal chque ri aj judeyib. Utz chi ri e are' quequito' na ri aj judeyib ruc' ri jastak que.

Romanos 11:17

Chkabana' che chi c'o jun u che'al aseitun, ri at at jun u k'ab aseitun re juyub. We xesax apan jujun chque ri kas u k'ab aseitun, ri at c'ut at catch'ap ocok chquixo'l ri e u k'ab, jeri' catc'asi' na rumal ri u c'amal ri benak pa ri ulew xukuje' rumal ri u räxal ri u che'al aseitun, ri caquiq'uex wichij ri aj judeyib.

Romanos 9:24

Ri e u siq'uim, uj c'u ri', man xuwi ta chquixo'l ri aj judeyib, xane' xukuje' chquixo'l ri man a aj judeyib taj.

Ri Xuan 20:27

Xubij c'u che ri Max: “Tasaj, chacojo ri u wi' a k'ab waral, chebawila' ri nu k'ab. Tasaj, chanima' ri a k'ab pa ri nu c'alc'a'x. Maquieblaj a c'u'x. Chatcojonok.”

Ri Hajey 2:15

Kas camic chi chaplej bic u chomaxic wa'. C'a majok chi chaplej u banic ri rachoch Dios,

Ri Ezequiel 18:28

We quebujak ri u bak'wäch cuk'il c'u rib man quebuban ta chic conojel ri etzelal ri e u banom can nabe, kastzij cutakej na c'aslemal man c'u cäcäm ta na.

Ri Ezequiel 12:3

Rumal ri' chasuc'umaj ri rajawaxic u c'amic bic che ri awelic bic pa jun tinimit chic, catz'inow ri k'ij xukuje' chquiwäch conojel, chatel bic pa ri a wachoch jät c'u pa jun c'olbal chic; craj ne caquich'ob quib chi e jun tinimit ri man e tal ta tzij.

Ri Isaiy 41:20

rech ronojel ri uwächulew cärilo, xukuje' cäretamaj, coc il che, u chuch'obo' c'ut chi in ri Ajawaxel nu banom wa' ruc' ri nu cuinem, chi ri in, ri Tastalicalaj u Dios ri Israel, nu banom ronojel.”

Ri Isaiy 5:12

Xuwi k'ojom re arp, re nimalaj arp, re tum xukuje' re su' cätatajic, c'o sibalaj u wa'l uva pa ri i nimak'ij man quixoc ta c'u il che ri cuban ri Ajawaxel, mawi quicoj ri u chac pa ajilabal.

Apocalipsis 18:20

Caj, chatquicot puwi' ri tinimit, ix tastalic tak winak aj Dios, ix takomxenlab, xukuje' ix k'axal tak tzij, u banom c'ut ri Dios ri suq'uilal chiwe rumal ri u c'äjisaxic u wäch.”

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

1 Juan 1:3

Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

1 Pedro 5:1

Quebenpixbej ri tatayib ri e c'o chixo'l ri quetakan chque ri comon cojonelab. In c'u cach tata', in xinwil ri c'ax ri xurik ri Crist, xukuje' junam cuc' ri e are' quinc'am na we ri juluwem ri quilitaj na.

1 Pedro 3:5

Xukuje' je u wikic quib wa' xquiban ri tastalic tak ixokib ojer, ri cu'linak qui c'u'x chrij ri Dios, xquiya' c'u quib pa takic chque ri cachajil.

Hebreos 9:11

Aretak c'u petinak chic ri Crist, ri qui nimal ri cojol tabal tok'ob, ri cojom paquiwi' ri utzalaj tak jastak ri quepe na. Cäpatanin pa ri k'ijilabal ri nim na u banic, ri sibalaj tz'akat, ri man banom ta rumal qui k'ab ri winak; quel cubij wa' chi man aj uwächulew taj.

Hebreos 6:20

jawije' xoc wi ri Jesus rumal kech, aretak xux c'amal ka be xukuje' qui nimal ri cojol tabal tok'ob amak'el chbe k'ij sak ri cäjunamataj ruc' ri Melquisedec.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

1 Corintios 10:17

Xa' c'u jun ri caxlanwa. Ri uj pune' uj q'ui, xa c'u uj jun cuerp, rumal rech chi konojel cäkatij ke ri caxlanwa ri'.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Hechos 1:15

E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

2 Corintios 9:13

Ri e are' xek'ijilan che ri Dios, are c'u we to'banic ri' cuc'ut na chquiwäch chi ri ix quixniman che ri utzalaj tzijol ri xuc'am ulok ri Crist xukuje' ri e are' nim cäquil wi na ri Dios rumal ri telechimalaj i cuchuj chque xukuje' chque conojel.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

Hebreos 7:28

Ri u pixab ri Moises quebucoj jacha' che qui nimal cojol tabal tok'ob achijab ri man e tz'akat taj, are c'u ri chi'nic ri kas cäban na ri xuban ri Dios, ri c'äte xbanic aretak bantajinak chic ri pixab, cucoj che qui nimal cojol tabal tok'ob ri u C'ojol, ri bantajinak che chi tz'akatinak che chbe k'ij sak.

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

Hebreos 10:19

Je c'u ri', wachalal, man cäkaxe'j ta kib che koquic pa ri Sibalaj Tastalicalaj C'olbal rumal ri u quiq'uel ri Jesucrist.

Hebreos 10:23

Co chujtac'al pa ri cu'lbal ka c'u'x, chkak'alajisaj chquiwäch ri winak, muban quieb ka c'u'x, rumal rech chi ri Dios cuya' chke jas ri u bim.

Hebreos 13:22

Quixinbochi'j, wachalal, chicoch'o ri tzij re pixbenic. Xa' c'u jubik' ri nu tz'ibam bic iwuc'.