Hebreos 2:17 - Quiché Bible

¹⁷ Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Rumal riꞌ tzi choqꞌaqꞌ wi chi kajunumataj kukꞌ ri e rachalal, rech jeriꞌ kux ri nimalaj sukꞌ xuqujeꞌ toqꞌobꞌisal wach chꞌawenel cho ri Dios pa kiwiꞌ ri winaq rech jeriꞌ kuchup ronojel ri makaj rech ri tinimit.

K'iche'

¹⁷ Rumal ri' ri Cristo xjunamataj cuc' ri rachalal pa ronojel. Je ri' rech quel u c'ux chque ri winak. Cuya' c'ut coc che qui nimal sacerdotes ri kas jicom ranima' cho ri Dios rech cäsachtaj qui mac ri winak rumal chi xuya rib che jun sipanic cho ri Dios.

K'iche' (New Orthography)

¹⁷ Rumal ri' ri Cristo xjunamataj kuk' ri rachalal pa ronojel. Je ri' rech kel u k'ux chke ri winaq. Kuya' k'ut kok che ki nimal sacerdotes ri qas jikom ranima' cho ri Dios rech käsachtaj ki mak ri winaq rumal chi xuya rib' che jun sipanik cho ri Dios.

Hebreos 2:17 Referans Kwoze

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Romanos 5:10

We c'u aretak c'ä ka c'ulel ulok ri Dios, xujrutzirisaj ruc' rumal ri u cämical ri u C'ojol, e ta c'u lo ri camic, ri uj utzirisam chic, cujcolotaj na rumal ri u c'aslemal.

Hebreos 2:11

Are ri Jun ri cäbanow tastalic tak winak chque, xukuje' ri e rech ri cäban tastalic tak winak chque, ruc' ri Tataxel e elinak wi conojel. Rumal ri' ri Jesus man cäq'uix ta che u bixic chi e rachalal.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Hebreos 3:5

Ri Moises kastzij jic pa ronojel ri rachoch Dios, je jas jun pataninel, che u k'alajisaxic jas ri cätzijox na.

Colosenses 1:21

Ri ix nabe naj ix c'o wi che ri Dios, i c'ulel ri Dios pa ri iwanima', rumal ri itzel tak chac ri xibano.

Hebreos 7:28

Ri u pixab ri Moises quebucoj jacha' che qui nimal cojol tabal tok'ob achijab ri man e tz'akat taj, are c'u ri chi'nic ri kas cäban na ri xuban ri Dios, ri c'äte xbanic aretak bantajinak chic ri pixab, cucoj che qui nimal cojol tabal tok'ob ri u C'ojol, ri bantajinak che chi tz'akatinak che chbe k'ij sak.

Efesios 2:16

Jeri' ri Crist xutanaba' ri ch'o'j ri c'o chquixo'l ri quieb tinimit rumal ri u cämical cho ri ripibal, xuya' jamaril chquixo'l ruc' ri Dios. Xuban chque ri quieb chi xa' e jun cuerp chic.

Romanos 15:17

Rumal rech chi in cojonel che ri Crist Jesus, cäquicot ri wanima' rumal ri nu banom pa ri u chac ri Dios.

Aj Levitib 8:15

Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Hebreos 3:2

Ri are' jic chuwäch ri Dios, ri xcojow che qui nimal ri cojol tabal tok'ob, jas xukuje' ri Moises are jic chuwäch ronojel ri rachoch Dios.

Ri Ezequiel 45:20

Xukuje' c'u cäban pa ri uwuk rajilabal ri ic' che u to'ic apachin ta ne ri man xunabejtaj xkaj pa jun macaj o man xuch'ob taj. Je caban wa' che u josk'ixic ri Wachoch.

Ri Ezequiel 45:17

Pa u k'ab c'u c'o wi ri qui jachic ri awaj ri quechajirisaxic, xukuje' ri quebajwataj chque ri sipanic quech c'äj xukuje' ri rech u wa'l uva chquipam ri c'ac' tak ic', chquipam tak ri k'ij re uxlanem xukuje' chquipam conojel tak ri nimak'ij aj Israel. Rajawaxic xukuje' quequijach ri tabal tok'ob che u q'uexwäch ri macaj, ri sipanic tak que c'äj, ri quechajirisaxic xukuje' ri tabal tak tok'ob re utzirisan ib, rech quecuyutaj ri e u mac ri Israel.”

Ri Ezequiel 45:15

Are c'u ri cäban chque ri chij, cäc'am jun che jujun cacab sient, ri e c'o chquipam ri utzalaj tak yuk'bal ri e c'o pa Israel. E are' wa' quebajwataj chque sipanic quech c'äj, che ri tabal tok'ob ri cachajirisaxic che tabal tok'ob re utzirisan ib, ri quechi'x che cuyubal tak macaj. In ri Ajawaxel quinya' takanic chi cäbanic.

Ri Isaiy 11:5

Amak'el u cojom atz'iak re suq'uil xukuje' re kastzij.

Ucab Tzijobelil 29:24

Xtakex c'u qui pilic cumal ri e cojol tabal tok'ob, xquijamij c'ut ri qui quiq'uel puwi' ri porobal jacha' jun sipanic che u rikic ri cuyubal tak qui mac ri Israel, u yo'm c'u takanic ri ajawinel chi ri tabal tok'ob ri cachajirisaxic cächi'x puwi' ronojel ri aj Israel.

Aj Levitib 6:30

Man ya'tal ta c'u u tijic jun awaj ri chi'm u mac ri macaj ri c'amom bic ri u quiq'uel chupam ri Lic'om Rachoch Dios re rikoj ib, che u rikic ri sachbal macaj chupam ri k'ijilabal. We tabal tok'ob ri' rajawaxic u poroxic chupam ri k'ak'.”

Aj Levitib 14:18

Ri aseit ri to'tajinak pa u k'ab, cubil pa u jolom ri cäjosk'ixic. Jeri' ri cojol tabal tok'ob curik rumal ri Ajawaxel ri cuyubal mac che u josk'ixic ri macaj.

Aj Levitib 16:16

Je u josk'ixic wa' ri k'ijilabal chque conojel ri tz'ilol ri walijisam tak ib xukuje' macaj ri xequiban ri aj israelib, junam rajawaxic u banic che ri Lic'om Rachoch Dios re rikoj ib ri jekel chquixo'l xukuje' chquixo'l ri e qui tz'ilol.

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Hebreos 2:16

Kastzij man are ta xebuto' ri tako'nib aj caj, xane' are xebuto' ri e rija'l ri Abraham.

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.

Hebreos 5:1

Ronojel qui nimal ri cojol tabal tok'ob ri cha'om chquixo'l ri winak, are' cojom chuwäch ri Dios che qui q'uexwäch ri winak, rech cuya' sipanic cho ri Dios xukuje' quebucämisaj tak awaj che tabal tok'ob cho ri Dios rumal quech ri mac.

Hebreos 5:2

Ri cojol tabal tok'ob cäcuinic quil u c'u'x chque ri man c'o ta queta'm xukuje' ri e subutajinak, rumal rech chi xukuje' ri are' tukar.

Hebreos 5:5

Jeri' xukuje' ri Crist man xunimarisaj ta u k'ij chbil rib, che u banic rib che qui nimal ri cojol tabal tok'ob, xane' are' ri Dios, ri xbin che: “At ri' ri nu C'ojol, in xatinwalc'ualaj camic.”

Hebreos 5:10

Xcoj che qui nimal ri cojol tabal tok'ob rumal ri Dios, jas ri u banic ri Melquisedec.

Hebreos 6:20

jawije' xoc wi ri Jesus rumal kech, aretak xux c'amal ka be xukuje' qui nimal ri cojol tabal tok'ob amak'el chbe k'ij sak ri cäjunamataj ruc' ri Melquisedec.

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,

Hebreos 8:3

Ronojel qui nimal ri e cojol tak tabal tok'ob cojom che qui ya'ic sipanic xukuje' tabal tak tok'ob. Je c'u ri' ri Jesucrist rajawaxic chi xukuje' ri are' c'o jas cuya'o.

Hebreos 9:11

Aretak c'u petinak chic ri Crist, ri qui nimal ri cojol tabal tok'ob, ri cojom paquiwi' ri utzalaj tak jastak ri quepe na. Cäpatanin pa ri k'ijilabal ri nim na u banic, ri sibalaj tz'akat, ri man banom ta rumal qui k'ab ri winak; quel cubij wa' chi man aj uwächulew taj.

Hebreos 10:21

C'o c'u jun nimalaj ka cojol tabal tok'ob c'o chuwäch ri rachoch Dios.